سادي راقي

لقاء الاحبه

الجزء الثالث
سادي راقي
البارت الثاني
لقاء الاحبه .....

قابلتها صدفه ورب صدفه من غير معاد قلبها كبير وطفولتها بريئه جداا مثل الاطفال حنونه ورقيقه وخجوله وجرئتها ليها طعم جميل ست بجد ويتمناها الجميع ملكت ابتسامه حلوه عفويه بريئه صادقه وكلها حنان ملحوظ شغلت بال الي قابلها وخطفت قلبه علي طول كانت بتسنجد بيه بس طلعت هي بر الامان ليه حد قلبك يتفتح او ما تشوفه وبتبقي سعيد اول ما تسمع صوته وقفت مع نفسي وبدئت اسأل ده معناه ايه ملقتش جواب جوايا غير انه حلم مش عاوز افوق منه وهي كمان تخيلت كل لحظه كانت بتعشها اتعلمت وفهمت وعرفت ان الحياه مبتكملش غير مع الشخص الي يكملها الشخص الي يفهمها والي يقرب منها ويسكن جواها وتبقي ليه كل حاجه مكنش ليها هدف بس بقي ليها هدف وهو انها تخطف قلبه ويبقي ليها تشوف نفسها في عنيه وتبقي ليه كل النساء ..
الحب شيء جميل لما بيجي للشخص صدفه ومن غير ميعاد بيجي للي يستاهله والي بيديه الثقه والامان الحب للصادق والي قلبه مليان حنان الحب بيغير وبيتعب بس طعمه جميل الحب دايما للي يستاهله الحب حياه المحبين ...
سادي راقي ......... الراقي

البارت الثاني ......

ياتري مشكله ايه يااحمد
انتي ناسيه
ناسيه ايه
ناسيه انك متجوزه
فين ده بس يااحمد انا معرفش عنه حاجه بقالي اكتر من ٣ سنين وسيبني كده وقلتله يطلقني وهو رافض بس خلاص جه الوقت الي لازم يطلقني فيه لان كده حرام ولو ما طلقنيش هرفع عليه قضيه خلع وانا وهو والمحاكم ولازم اخد حقي منه

تمام بس قوليلي ازاي يابنت ابويا حد يجي يخطب واحده علي ذمه راجل تاني ازاي الكلام ده بس ياصفاء ميصحش جوزك لو عرف هيقول ايه علينا وبعدين انتي عرفتيه انك علي ذمه راجل تاني ..

لا يااحمد انا معرفاه اني مطلقه منفصله عن جوزي عشان مستريحناش مع بعض..

والله مش عارف اقلك ايه يابنت والدي غريب اوي كلامك ده بس انا هعمل محاوله مع صفوت ..

هتعمل ايه يعني يااحمد

هتصل فيه يمكن يقتنع ويطلقك ونرتاح ونخلص من ام الموضوع ده

الي تشوفه يااحمد بس انا عارفه انه انسان زباله ومش هيوافق اوع يااحمد تقله ان حد عاوز يتقدملي لانه هيعند اكتر ومش هيوافق

وانا مجنون يعني ياصفاء اركب نفسي غلط واصغر نفسي ده كان فضحنا وخلي سيرتنا لبانه علي كل لسان ان الحفافه ده

والله يااحمد هي كانت غلطه من الاول بس الله يسامحه بابا ويرحمه هو السبب في الجوازه دي دول لا كانوا زينا ولا من طنتينا

بلاش تتكلمي في الي فات انسي وبصي لبكره الي كان كان وخلاص والكلام في الماضي نقصان عقل يااختي