سادي راقي

الصدمه

سادي راقي
الجزء الثالث
البارت الثالث
الصدمه

المقدمه :-

نادر جدا انك تلاقي حد يحس بيك يفهمك من غير ما تتكلم يتوجع لوجعك وبيشوف نفسه فيك بيفكر يسعدك ولو علي حساب نفسك الشخص ده بيكون هو الحياه بحد ذاتها هو الامل في بكره هو الي ربنا بعته ليك في الوقت المناسب عشان يكون عوض ليك عن حاجات كتير كانت غصب عنك او اتعاملت معاه في وقت صعب هو صحيح بيجيلك في الوقت الغلط بس وجوده مأثر في حياتك جدا بيكون سندك وحصنك وظهرك وكفايه بس احساسك بانه جمبك موجود ومنين متحتاجه بتلاقيه الشخص ده لو قبلته حطه في عنيك وحبه عشان الحب لغيره حرام ...
دقت قلب كفيله انها تغير حياتك ودقه من قلبه كفيله تمنحك كل الحياه ....... بل هي تعتبر لك الحياه بحد ذاتها دوما
سادي راقي ....... الراقي

خير ياصفاء ايه الي عاوزه تقوليه وخايفه اني ازعل منك
والله هو الموضوع في الحقيقه
اتكلمي مالك
ممكن متوترنيش وتخليني اعرف اتكلم
وحد حايشك متتكلمي
منا بخاف من صوتك لما تكون متعصب
متخفيش انا هادي جدا اتكلمي
حاضر هستجمع قوتي واتكلم
طيب
بص بقي انا مش عارفه ابدء منين
مين بقي الي بيعصبني بكلامه اتكلمي علطول وخلصي متختبريش صبري
حاضر
...........
لاحول ولا قوه الا بالله هتتكلمي ولا اقفل وامشي
والله هتكلم
منتظرك
موضوع جوازنا ده هنأجله لمده ١٥ يوم بس انا كلمت احمد اخويه وهو موافق بس في مشكله صغيره وهتتحل باذن الله
وايه هي
ورق طلاقي في مشكله بسيطه
طلاقك ومشكله انا مش فاهم حاجه
هفهمك انا كنت متزوجه
عارف الكلام ده بعد جوازك ايه حصل
انفصلت انا وزوجي بس ورقه الطلاق لسه مجتش لحد الان
ازاي يعني
يعني بقالنا ٣ سنين منفصلين ومكنتش دورت علي ورقه طلاق لاننا بالفعل مطلقين
يعني كدبتي عليا ياصفاء
لا والله انا منفصله بس مكنتش بدور علي ورقه الطلاق لاني مكنتش بفكر في الجواز تاني بس لما قابلتك غيرت كل حياتي واتمنيت اكون ليك ومعاك ولما كلمت احمد عشان احدد ميعاد معاه نبهني من النقطه دي وكل ده هيتحل متقلقش
مش عارف اقلك ايه بجد
قول الي في نفسك بس متسكتش لان سكوتك بيقتلني وبيخليني هموت من قلقي منك وعليك ارجوك خرج كل الي جواك
منتظرك لحد ما تحلي موضوعك ده ياصفاء وارجوا انه يتحل بسرعه وميكنش في حاجه تانيه مخبياها عليا
لا انا مخبتش عليك حاجه بس المشكله اني مكنتش مهتميه بالطلاق لاني كنت منفصله عنه من فتره طويله ووضحتلك وجهه نظري
امته هقابل اخوكي
بعد اسبوع من النهارده ان شاء الله
تمام
متزعلش مني
مبعرفش ازعل منك وانتي عارفه
ربنا يديمك فوق راسي دايما تاج
تسلميلي يارب

انتهي خالد من كلامه مع صفاء وكان الوقت متاخر جدا فقرر انه ينام ويريح جسمه لانه عنده شغل الصبح وهيروح المستشفي الجديده الي اتنقل فيها ومشغلش باله باي حاجه خالص ولا مين الي استدعاه واختاره للشغل في المستشفي ..
اما صفاء فالنوم اتحرم عليها قعدت تفكر هتعمل ايه خايفه جدا ومتوتره ومش عارفه تفكر او تعمل حاجه في الموقف ده لو مرحتش لصفوت مش هيطلقها ولو راحت ليه مش ضمنه ممكن يعمل معاها ايه خايفه خالد يضيع منها قامت خدت شاور دافي وقعدت علي سريرها وقررت انها تروح لصفوت واسبوع هيفوت وخلاص وف قراره نفسها انه مش هيلمسها خالص كان النهار طلع واحمد صحي عشان يروح شغله لقي نور اوضه صفاء والع خبط علي الباب قالتله اتفضل دخل احمد عليها وقال..