نصيبك تحب مجنونه (زواج ام دراسه الجزء الثاني)

البارت الاول

اسفه جدا علي التأخير اللي حصل بس الموب كان اتحرق مني وكل حاجة كانت عليه لحد ما جيت واحد جديد وعرفت تتصرف فاسفه جدا علي اللي حصل مني وان شاء الله ميحصلش تأخير تاني😊😉
تلخيص الجزء الاول .. شهد وهي بنت ١٨ سنه ابوها اتوفي ومبقاش غير مرات ابوها اللي زي امها(سعديه) واخوها من الاب(ادم) خدت شهاده الثانوي ومكملتش عشان كانت بتحب ابن عمها بس الله كانوا بيكرهوها هي واهلها واهلها كانوا رافضين الجواز وهي فضلت مصره لحد ما اتجوزته فعلا (ابراهيم)وبعدين امه (هدي) واخته(تسنيم) قعدوا سبع شهور يفرقوا بينهم عشان خطه كانوا عمليتها واستعينوا بشخص عشان ينفذ المهمه معاهم(هاشم) وهي تشويه سمعت شهد ونجحوا واقنعوا ابراهيم انها علي علاقه بهاشم واخدها لاهلها بس موقفوش معانا ولا حد صدقها ساعتها هي بعدت وراحت لابو صاحبتها (محمود) وهو وقف جنبها وساعدها ترجع تاني وهي افتكرت كل حاجة وعرفت ان هدي شربتها حاجه خلتها ناسيه اللي حصل بينها وبين جوزها وبينت حقيقتها لاهلها وعرفت هدي انها افتكرت وبعدين سافرت برا لعند صاحبتها (جنه) وبمساعده محمود كملت دراستها ودخلت هندسه وبعد سبع سنين رجعت مصر بشخصيه جديده غير شخصيتها المرحه وهتقابل مديرها ف الشغل(فارس) وبتحصل بينهم شد وجزر لحد ما هتشوفه مع بن عمها وطليقها وساعتها هتخش ف غيبوبه وانتهي الجزء الاول علي انها فاقت وان ادم جاله تليفون خطير وصوت انفجار ف بيت ابراهيم .
اتمني اني اكون قدرت اعمل فلاش باك واوضحه لاحداث الجزء الاول ولو ف اي حاجة مش واضحه هوضحها تاني اسيبكم مع الحلقة

نصيبك تحب مجنونه
(زواج ام دراسة الجزء الثاني)
الفصل الاول
-------------------&
ادم أن شاء الله خير متخافيش الفون بتاعه رن دخل جابه ورجع رد عليه وبعدين ملامح وشه اتبدلت الصدمة
سعديه بقلق : ادم ف اي
ادم بصدمه : شهد مش موجوده في المستشفى
سعديه بصدمه مماثله : نعم
ادم : ايوه وقام دخل اوضته بسرعه يلبس هدومه
سعديه ،: انت مين اللي قالك كده
ادم : اتصلوا بيا ف المستشفى قالولي اوضتها فاضيه
سعديه بدموع : بنتي بنتي راحت فين
ادم : متخافيش يا ماما أن شاء الله هلاقيها
سعديه : لتكون هدي عملت ليها حاجه
ادم : صدقيني لو ليها دخل ف الموضوع مش هرحمها
سعديه : ماشي ابقي طمني يا ادم.
ادم : ماشي ولسه بيفتح الباب شاف شهد واقفه قدامه
ادم بصدمه : شهد
سعديه سمعت اسمها جريت عليها وحضنتها بس مفيش رد فعل من شهد
سعديه : حبيبتي انتي كويسه انتي فيكي حاجه ردي عليا يا شهد
ادم : شهد خرجتي برا المستشفى لي ف حاجه شهد
شهد : لي
ادم وسعديه بصولها باستغراب
ادم : لي اي
شهد : لي مكنتوش عايزني اوافق ع الجوازه دي ؟؟؟لي انت كنت رافض الجوازه؟؟؟؟ لي بطلتوا تسألوا عني من ساعه متجوزه؟؟؟ لي مصدقتونيش لم جتلكم هنا وبعيط زي الكلبه ليييي ؟
سعديه اتنهدت : ادخلي يا شهد وانا هفهمك. ودخلت جوا معاها وشهد بتبص للبيت اوي
سعديه : عايزه تعرفي اي بالظبط
شهد : عايزه اعرف كل حاجه أنا معرفهاش
سعديه : حاضر. وبصت لادم وقعدوا
_______________________&
ابراهيم : ماشي يلا اطلع عشان تتعشي معانا
صالح : يلا بس وهم طالعين سمعوا صوت صويت من فوق عالي جريوا فوق ووقفوا من الصدمه لان كان الميكرويف فرقع ف وش الولد وتسنيم وهدي بيصوتوا
تسنيم بصراخ : ابني. صالح جري ع ابنه إللي وقع غ الأرض ووشه متشوه وشاله بسرعه ونزل بيها ع تحت
ابراهيم : استني انا جي معاك. ونزل وراه جري ووراه تسنيم وهدي وراهم وركبوا العربيه بسرعوا وراحوا ع المستشفي ف وسط صراخ الولد
هدي : بسرعه يا ابراهيم
صالح بوجع ع منظر ابنه : بس يا حبيبي بس
تسنيم : ابني يا صالح. صالح مردش عليها ووصلوا ع المستشفي ونزلوا بسرعه ع جوا
الدكتور : يا ساتر هاتوا الولد ده بسرعه. واخدوه ودخلوا
الدكتور : الجروح إللي ف وشه محتاجه عمليه تجميل
إبراهيم : اعمل إللي أنت عايزه يا دكتور بس المهم يخف
الدكتور : ان شاء الله. ودخلوا جوا
صالح بزعيق : بطلي عياط بقي وفهميني إزاي ده حصل
تسنيم :
صالح : قولت اتكلمي
هدي : هو ف اي انت بتزعقلها كده لي
صالح : متدخليش بيني وبينها
تسنيم : انا كنت قاعده مع ماما عادي طلب مني أكل قولتله خد اي حاجه من التلاجه معرفش انه انه عايزه يسخن زيت وو كان ف بطاطس ف الثلاجه حطها بالمايه بتاعتها ف الزيت وو واتفحت ف العيط من جديد وهي بتفتكر صريخ ابنها والنار إللي مسكت ف وشه ولولا انها طفت النار بسرعه ورمت فوشه مايه كان زمانه ف خبر كان
صالح بصدمه : يعني انت السبب في إللي ابني فيه ده
ابراهيم : أهدي يا صالح أهدي
صالح : أهدي أهدي اي أختك دي مهمله مش قادره تقوم هي تسخن اكل لابنها ده ابنها الوحيد إللي معندناش غيره
هدي : ف اي مش غلطتها هو عيل صغير ما المفروض يكون عارف
صالح بحده : انتي متتكلميش خالص انتي فاهمه سنين وانا ساكت عليكي انتي وبنتك عشان ابني وعشان بحب بنتك لكن ملعون الحب يا شيخه انتي اي عايزه منها أي بتبوظيها لي
هدي بحده : انا ببوظ بنتي ف ام تعمل كده ف بنتها
صالح : دي لو ام إنما انتي واحده غريبه خلتي بنتك بتكره الناس واقرب الناس ليها خلتيها تكره عائلتها ومتحبش حد فيهم اي بنتك مكنتش مهتمه بالواد لي كنتوا بتخططوا حاجه جديده ولا اي
ابراهيم: صالح اتكلم كويس انت بتتكلم مع أمي واختي يبقي تتكلم باحترام انت فاهم
صالح : لا مش فاهم وانت محموق اوي كده انا بقولك اهو خد أختك اختك طالق انتي طالق يا تسنيم وابني هاخده منك. وسابهم ومشي بغضب وتسنيم وابراهيم وهدي واقفين مصدومين من كلام صالح
_______________________&
سعديه وهي بتحكي : زمان اول ما اتعرفت ع ابوكي كان ساعتها هنا بيخلص شغل لانه كان شغال مع عمك محمود اتقابلنا ساعتها والصدفه جمعتنا تاني وثالث وانا ولا هو نعرف بعض ولا لينا علاقه ببعض لحد ما اتحولت المشاعر إللي بينا لاعجاب اعجاب من الطرفين والإعجاب اتحول لحب ومحدش كان عارف بموضوع حبي لابوكي غير عمك الله يرحمه لانه كان بالنسبه لوالدك ف مقام باباه بس جدك الله يرحمه مكنش موافق أن ابوكي يتجوز من برا العيله ابدا ابدا بس أنا كنت متعلقه بابوكي وهو كمان نفس الشئ وجدك والدي كان موافق اتجوزنا من ورا ابوه بس اخوه كان عارف وكان شاهد هو وابو جنه ع كتب الكتاب
سعديه مكمله : بعدها بسنه هدي عرفت ان ابوكي اتجوزني راحت قالت لحمايا العزيز وسيد انكر الكلام ده كان لسه ادم مكملش الثلاث شهور ف جدك الله يرحمه شرط ع ابوكي عشان يتاكد انه مش متجوز من برا العيله يتجوز هند مامتك يا شهد
شهد عنيها دمعت لم جابت سيره مامتها
سعديه : سيد عشان ميخليش والده يشك في حاجه اتجوزها وبعدها عني نهائي عشان مدايقش وعدت سنه ونص من غير احداث بس كانت هدي دايما تيجي تبصلي بنظره استغراب اوي من اي معرفش لحد ما جيه سيد وقالي انه متجوز طبعا انا اتصدمت ادم اخوكي كان عنده لسه سنتين وبعدها باسبوعين لقيته جي وشيلك ع ايديه استغربت وعرفت ساعتها ان امك ماتت يا شهد ساعتها قولت مش هحسسها ولا هعرفها بالموضوع ده ابدا وهيبقي زيها زي ادم لان انا جربت العيشه من غير ام وعارفه هي عامله ازاي وهدي من بعدها بقت تكرهني اوي
شهد بدموع : بس بس بردو هي بتكرهنا لي انا مش فاهمه واي علاقتها بماما ولي كنتوا عايزني متجوزش لي
ادم اتنفس لانه عارف انها هتكون صدمه لشهد : هدي هي إللي قتلت مامتك.  شهد بصتله بصدمه كبيره وسعديه غمضت عينها بحزن
شهد بصدمه : نعم ادم انت
ادم : دي الحقيقه يا شهد هدي هي إللي قتلت مامتك
شهد بصدمه : لييييي قتلتها لييييي
سعديه : معرفش انا معرفش بس كل اللي اعرفه انها بعد ما ولدتك انها تعبت فجاه وهدي راحت معاها للدكتور ده ع حسب كلام سيد وقالها انها من الحمل والولاده عملها مشاكل بس الحقيقه مكنتش كده وده اللي اكتشفته لم هدي كانت موجودة في البيت مع جوزها
#فلاش
هدي قامت من مكانها وطلعت ع البلكونه بعيد عن الكل
سعديه : امال هدي فين
سيد : ف البلكونه بتعمل مكالمه
سعديه : ماشي انا هروح اندهلها عشان نتغدا
سيد : ماشي. وراحت سعديه ع البلكونه بس قبل ما تدخل
هدي بعصبية : إنتي عايزه أي إنتي والدكتوره الزفته دي دي خلاص ماتت واللي انا كنت عايزاه خلاص حصل انا قولتلك حطي سم ليها ايوه بس انتي معكيش دليل وهي ماتت واندفن السر معاها يبقي خلاص ولو مبعدتيش عن طريقي هقول للكل انك إنتي اللي سميتي هند
سعديه شهقت بصدمه معقول معقول هدي تبقي تبقي هي إللي قتلت هند. وبعدت عن البلكونه بسرعه وساعتها طلعت هدي و سعديه قربت منها
سعديه : هدي يلا عشان ناكل
هدي بارتباك : سعديه إنتي هنا من امتي
سعديه : لسه جايه حالا يلا بقي
هدي بارتياح وشك بسيط : ماشي.
#باك
سعديه : لحد قبل وفاه ابوكي بسنتين انا كنت بكلم هدي وكلمتها ق الموضوع ده
#فلاش
هدي بعصبية : إنتي اتجننتي عايزه تلبسيني مصيبه شوفي مين لعب ف دماغك وتعالي كلميني إنتي فاهمه ابعدي عن دماغي يا سعديه لو الكلام ده وصل لحد صدقيني هتندمي
#باك
سعديه : ومن ساعتها وأنا مقولتش لحد بس اخوكي كان ساعتها سمع كل حاجه وعرف الموضوع ولحلفته انه ميقولش لحد
شهد بدموع : يعني السبب اني ابقي يتيمه هي هدي السبب أني مليش حد دلوقتي هي هدي سبب كل حاجه حصلتلي وبتحصلي هي هدي
ادم : شهد إحنا مرضناش نفولك قبل كده لانك كنتي صغيره بس دلوقتي كبرتي وتقدري تفكري وانتي عارفه ان هدي مش سهله
شهد : وانتوا لم عارفين كده مقولتليش لي سبتوني لي ليها مبقتوش تسالوا عليا لي غيرتوا ارقامكم لي
ادم : لان هدي هددتنا
سعديه : بعد ما اتجوزتي
#فلاش
دخلت سعديه الاوضه وشافت ادم والحزن اللي ع معالم وجهه
سعديه : مالك يا حبيبي
آدم : تعبان تعباااان اوي يا ماما
سعديه : من اي يا حبيبي احكيلي
ادم : من كل حاجه تعبت تعبت من دنيا مش عايزه اننا نعيش في سعاده تعبت من أن كل حاجه جايه علينا تعبت من أن احنا ملناش حق نفرح زي ما نكون لو فرحنا ممكن نتحرق
سعديه حضنته : بس يا ادم اكيد يا حبيبي هنفرح ف يوم اكيد الدنيا شايله لينا الفرح
ادم : هو فين الفرح ده بابا مات واختي وقعت في ايد ناس مبيحبوهاش وجنه صاحبتها هتسافر بعيد عنها واحنا هنبعد بعيد عن شهد كمان
سعديه بعدم فهم : نعم إزاي يعني
ادم : زي الناس يا ماما ضروري نبعد عن شهد ودي كانت رساله واضحه
سعديه : رساله رساله اي
ادم : هقولك الصبح وانا قاعد لقيت رساله من رقم غريب وكان مضمونها الآتي
"اختكم خلاص بقت ف بيتنا انتوا لو كنتوا عندكم ذره عقل واحده اصلا كنتوا منعتوها عن الجوازه دي بس عبكم انكم طيبين زياده عن اللزوم بس صدقوني بنتكم هتتعب اوي ولو فكرتوا مجرد تفكير انكم تقربوا منها تاني هيكون مصيرها  مصير امها وابوها وتحصلهم ابعدوا عنها نهائي لان انتوا إللي دخلتوها  الدائره بينا امك غلطت اوي  بس صدقني اللعبه دي مش هتطول لاني مش  هستحملها وانا إللي هحط النهايه بنفسي مع السلامه "
سعديه بصدمه : لا مستحيل
ادم : عرفتي بقي انا لي كنت مش موافق
#باك
شهد : ياااااااه كل ده حصل
ادم : ايوه بس صدقيني يا شهد احنا عمرنا ما كرهناكي احنا بنحبك اكتر من اي حد يا شهد صدقيني احنا بس مش اخوات إحنا روح واحده يا شهد وصدقيني منظرك وأنتي كنتي بتعيطي كان وجعني يمكن اكتر منك بس مقدرش اتكلم يا شهد مقدرش لأن مش معني كده أن الحكايه خلصت دي الحكايه لسه بتبدأ مفيش حد يعرف هدي بتفكر في اي
سعديه : سامحينا يا بنتي معرفناش نحميكي وأنا مقدرتش اقوم بواجبي كام ناحيتك معرفتش ادافع عنك ف وسط إللي ظلموكي سبتك تبعدي عن حضني وانا عارفه انك هتقعي ف وسط ذئاب أنا اسفه يا شهد 😥 وبعدت بعيد وعيطت وكان رد شهد انها جريت عليها وحضنتها جامد
شهد : سامحيني يا ماما سامحيني انا كنت وحشه اوي معاكي وزعلتك مني سامحيني إنتي أحسن من مامتي إنتي كنتي خايفه عليا بس انا مقدرتش ده أنا أسفه يا مامتي😭
ادم عينه دمعت من المنظر وراح ناحيه شهد وهي بصتله وراحت حضنته وهو كمان
ادم : وحشتيني اوي يا شهد
شهد : وانت كمان وحشتني اوي أوي
ادم: متبعديش تاني يا شهد ارجعي وسطنا
شهد : حاضر وقعدت تعيط وسعديه حضنت ولادها الإثنين والثلاثه عيطوا ف حضن بعض
شهد وهي بتمسح دموعها : بس بقي كفايه عياط احنا عيطنا كتير أوي كده عينينا هتنشف
ادم : ملكيش دعوه
شهد : كرت دعوه
ادم : لا كده اتطمنت عليكي إنتي مش كنتي لسه بتعيطي ومكتئبه
سعديه : ههههههههه
ضحكت شهد وقالت : الأولي قبل اي اساله لانكم اكيد هتسالوني خرجت ازاي من المستشفي عايزه استحمااااا
سعديه : ماشي يا حبيبتي هتلاقي هدومك ف اوضتك زي ما هي من ساعه ما سبتيها
شهد : ماشي يا مامتي. وراحت ع اوضتها وبصت عليها لأنها وحشتها أوي وجابت هدومها وحضنتهم اوي ودخلت تاخد شاور
سعديه : اخيرا شهد رجعتلنا تاني يا ادم
ادم : الحمدلله يا ماما رجعنا عيله واحده من ثاني
سعديه: متتخيلش انا فرحانه قد اي عشانها
ادم : وأنا كمان بس وافتكر حاجه اوووبا زمان جنه قلقا...مكملش كلامه لان شاف فونه منور وكانت جنه رد عليها
جنه بدموع : ادم الحقني شهد مش ف المستشفى ومعرفش هي راحت فين انا قلقانه عليها اوي يا ادم هتكون راحت فين
ادم بابتسامة : ممكن تهدي الاول شهد معايا
جنه بسرعه : أهدي از..... اي شهد معاك
ادم : ايوه شهد معايا ف البيت
جنه بفرحه : بجد يعني شهد رجعت وخفت
آدم : ايوه
جنه : الله انا جايه سلاااام وقفلت معاه وادم ابتسم
سعديه : مالك مبتسم لي
ادم : جنه وشهد دول ناس غريبه ممكن يتخانقوا ويزعلوا من بعض بس مهم حصل ولو واحده اتاذت بيقفوا جنب بعض تحسي انهم اخوات مش مجرد أصحاب
سعديه بابتسامه : النوع ده نادر جداً من الصداقه وشهد وجنه متربيين مع بعض اكيد هتلاقيهم كده
آدم : فعلا
بعد نص ساعه شهد طلعت من الاوضه
سعديه وادم : هربتي من المستشفي إزاي
___________________&
ف مكان تاني بالتحديد ف شرم الشيخ كانت جودي نايمه ع السرير وهاشم جنبها ب التحديد ف حضنها وهي بتملس ع شعره
جودي : ياااه يا هاشم أنا إلي الان مش مصدقه اننا اتجوزنا
هاشم : وانا كمان مش مصدق اني هرجع بكره البيت شهر العسل خلص بسرعه اوي
جودي : حبيبي عشان إحنا مع بعض فيه مش اكتر
هاشم وهو بيبوس ايديها : ربنا يخلينا لبعض يا حبيبتي
جودي : بحبك
هاشم : وأنا كمان بقولك اي
جودي : قول
هاشم : ما أنا مينفعش اتكلم. ونسيبهم بقي عرسان وكده
______________________&
ف الفيلا نزل فارس من اوضته عشان يجيب مايه بس لقي نور اوضه انجي مفتوح وراحلها
انجي : ماشي يا جوجو هستناكي
المتصل : .....
انجي : خلاص ماشي باي وقفلت وفارس خبط ع الباب
فارس : ممكن ادخل
انجي : ادخلي يا فارس أنت مش غربب يا جدع
فارس : هههه عامله اي
انجي : شويه بانيه يستهلوا بوقك
فارس : اي يا بت الخفه إللي نزلت من عند ربنا دي
انجي : طول عمري دمي خفيف أصلا بس أنت إللي احول
فارس : لا والله ماشي
انجي : وأنت عامل اي
فارس : عامل شويه مكرونه هتنفع جنب البانيه
انجي : لا والله
فارس : ايوه المهم كنتي بتكلمي مين
انجي : الأول كنت بكلم ايمان ومن شويه كنت بكلم جيداء
فارس : ماشي بابا عامل اي
انجي : الحمدلله اتحسن كتير
فارس : الحمدلله طيب عايزه حاجه يا جوجو
انجي : لا ميرسي انا هنام كده كده
فارس : ماشي تصبحي ع خير وسابها ومشي من الاوضه وانجي نامت وهو دخل اوضته واتوضي وصلي
فارس بتنهيده ورجاء : يااااااارب يااااااارب. ونام
___________________&
ف المستشفى تسنيم قاعده ولسه مصدومه معقول صالح طلقها
هدي : متزعليش هيلف يلف ويرجعلك
ابراهيم : ارتحتوا ارتحتي يا ماما لم طلقها
هدي : اي الكلام اللي بتقوله ده يا ابراهيم هرتاح لي
ابراهيم : عشان زي ما قال تقعدوا تخططوا براحتكم ومفيش حاجه تزعجكم
تسنيم : ابراهيم اي إللي انت بتقوله ده انت عارف انت بتكلمني ازاي
ابراهيم : انا لحد دلوقتي متكلمتش ولا فتحت اي موضوع بس لو حصل اي حاجه بسبب تفكيركم الوسخ ده مفيش غيري هيقف ليكم
هدي : ولد أنت الظاهر اتلحس مخك من ساعه ما المحروسه رجعت اتعدل يا ابراهيم
ابراهيم بصلها ومتكلمش وبعد فتره طلع الدكتور
تسنيم : طمني يا دكتور ابني عامل اي
الدكتور : احنا الحمدلله خفينا جزء كبير من الجروح والحروق إللي ف وشه والاثر مش هيبقي واضح
ابراهيم : يعني هو بقي كويس
الدكتور : ايوه تقدروا تروحوا وتيجوا بكره بعد اذنكم. وسابهم ومشي
تسنيم : أنا هفضل مع ابني روحوا انتوا
هدي : لا انا هفضل معاكي
ابراهيم : ملهاش لازمه واقفتكم دي يلا اتفضلوا قدامي. ومشيوا قدامه وروحوا ع البيت وتسنيم حزينه وف دماغها فكره واحده الانتقام وبعدين ناموا كلهم
___________________&
شهد : بس يا سيدي واديني جيت اهو
ادم : يعني إنتي خبطي الدكتور ع دماغه واخدتي البلطو وهربتي واللون الازرق
شهد : ياااختي قولنا زفت ممرض وكان بيستهبل ولابس بلطو الدكتور انا اخدته منه
سعديه : يا جبروتك يا شيخه
شهد: عيب عليكي يا ماما إنتي مش عارفه بنتك
سعديه : ما المصيبه اني عرفاكي. وقطع كلامهم جرس الباب
شهد : اكيد جنه. وقامت بنفسها تفتح وجنه شافتها وحضنتها أوي
جنه بفرحه : ياااااااه انا مش مصدقه انك قدامي يا شهد بجد وحشتيني بشكل فظيع
شهد : طب أهدي كده إللي طالع ع الباب هيقول حاجه غلط نقفل الباب الاول
جنه : وحشتني غلستك يا شهد
ابتسمت بهدوء وقفلت الباب وحضنتها
شهد بابتسامة : وانتي كمان وحشتيني يا عجل البحر
جنه : متتخيليش اول ما عرفت انك ف المستشفى كنت عامله ازاي
شهد : ازاي
جنه : كنت خايفه عليكي أوي وخوفت لتكوني اتخطفتي ولا حاجه
ادم : طب مفيش ازيكم
جنه : اه سوري يا ادم ازيك وازيك با ماما
سعديه : الحمدلله شهد ادخلي انتي وجنه اوضتكم اكيد انتي تعبانه
شهد ؛ لا يا ماما أنا مش تعبانه ولا حاجه بالعكس انا مبسوطه اوي اننا رجعنا تاني
جنه بعدم تصديق : ماما إنتي قولتي ماما اتصالحتوا !!!!!!!
شهد : ايوه
جنه : هييييييه ايوه كده هي دي شهد ودخلوا قعدوا مع بعض
جنه : وهترتاحي يومين بقي ولا حاجه
شهد : لا ارتاح اي انا بكره نازله الشغل
ادم : بتهزري صح
شهد : لا بتكلم جد
سعديه : يا بنتي بس ممكن يكونوا رفدوكي من الشغل
شهد : لا متخافيش يا ماما أكيد زي ما أنا واديني رايحه بكره واشوف كفايه أوي بقالي شهر او اكتر مستريحه ف البيت
جنه : مستريحه ف بيت اي انتي كنتي ف مستشفي يا ماما مستشفي
شهد : واحده نايمه كل المده دي أكيد يعني مش هقدر انام تاني انا لو نمت ممكن اسوس حضرتك وبعدين عايزها اشم هوا
سعديه : ماشي يا حبيبتي إللي يريحك انا هدخل أنام
جنه : وأنا هنام مع شوووهد النهارده
شهد : ههههههههه بس ع الارض يا عسل
جنه : نعععم ازاي
شهد : اوضتي وعايزه استفرد بيها النهارده
آدم : والله انتوا عيال تصبحوا ع خير وسابهم ودخل وسعديه كذالك
جنه : هنام جنب بعض
شهد : لا ع الارض
جنه : جنب بعض
شهد : ع الارض. وبصوا لبعضهم بتحدي وبعد عشر دقائق كانوا الاثنين نايمين ع الارض
جنه : بس نمنا جنب بعض برود
شهد : نامي ابت كتك القرف
جنه : بحبك اوي يا شوشو
شهد : وانا كمان يا جنونه
جنه : محدش بيقولي كده غيرك
شهد : يلا ابسطي اتخمدي بقي. وناموا مع بعض
سعديه : انا قلقانه
ادم باستغراب : لي يا ماما
سعديه : شهد اختك مش من النوع المسالم .. ورا هدوئها ده اكيد ف حاجه وبالذات بعد الحاجات اللي عرفتها ..  مش سهل حد يعرف قاتل حد عزيز عليه ويسكت بالك دي امها
ادم : وأنا عارف ان شهد مش هتسكت .. بس يكفي انها معانا واحنا هنفضل جنبها وسبيبي بكره لبكره
سعديه : ربنا يجعل الايام الجايه خير .. تصبح ع خير يابني
ادم : وأنتي من أهل الخير
دخلت جوا الاوضه وهو وقف مكانه وهو بيبص ع الاوضه إللي فيها شهد
ادم بشرود : يا تري ناويه ع اي يا شهد
ودخل اوضته وهو بيدعي ان الايام الجايه تبقي فعلا خير يتمني
_________________&
بدايه مبشره بالخير أن شاء الله .. لو اي حاجه مش واضحه هوضحها تاني قبل الحلقه الجديده ولو في تفاعل ممكن انزل حلقه كمان
تفتكروا شهد هتعمل حاجه ولا لا
فارس هيعمل اي لم يعرف أن شهد خفت
هدي وتسنيم وابراهيم هيعملوا اي لو عرفوا برجوع شهد
تسنيم بتخطط لاي
توقعاتكم
#Nemo