غرام احباب

الفصل الثالث

كله دم وبقايا زجاج ازرق عليه .. والدرج الي فوق مفتوح ..
ناظرتها شويه وانغرقت عيوني بالدموع .. يمكن جدتي تعبانه ؟؟ انا اتذكر اخذنا في العلوم شي عن الدم .. اكيد كريات الدم البيضا جالسه تسد الجرح في راس جدتي
بس تقول أستاذه عفاف لازم نحط لزقة جروح
طاحت دمعتي .. مسكينه جدتي لازم احط لها لزقة جروح .. رحت واخذت وحده وفتحتها وحطيتها على راسها وانأ ابكي
قومي بالسلامه يا جدتي .. والله لا اسوي لك الشوربه البيضا الي علمتيني عليها بس قومي .. لا تنامين كثير
ونمت جنبها ..
تدرون ما كنت ادري انها ماتت ؟؟ ما كنت ادري اني يتيمه ؟؟ ما كنت ادري وش هالعالم ؟؟ كنت دلخه ..
كنت ساذجه بكل معنى الكلمه
ما كنت اعرف اي شي في هالحياة لان بإختصار انا اعيش بقريه .. بمكان صغير .. ماعرف شي بهالدنيا الا من عيال جيراننا ..
ما كنت اعرف وشو الفلوس ؟؟ ولا اعرف وشو العرس ؟؟ ولا اعرف وشو مايكل جكسون الي تسولف عنه العنود
كنت بس اعرف اني بالسعوديه .. قريتنا الصغيره اسمها ****** ..
اعرف الملك فهد .. شفت صورته في الكتاب حقنا .. واعرف الامير عبدالله .. حبوب مره على قولى الاستاذه .. اعرف اطبخ شويه واعرف اصلي واصوم وارتل قران
مفاهيمي كانت محدوده جدن .. نمت على ذراع جدتي الميته وانأ اكل كورن فلكس .. وأفكر بمملكتي الواسعه .. مملكتي الورديه ..
مر وقت ووقت ووقت وانأ جوا البيت محبوسه .. مرات اجلس اهز جدتي بعنف وانأ اصيح ومرات اروح انطط على السرير لان جدتي تحت ما تقدر تشوفني .. لحد ما بدت تتعفن جثتها ..
صرت اجلس بغرفتي واتمسك بفراشي وانأ ابكي مره .. اكيد الوحش سوا بجدتي شي .. مر يوم لي وانأ ابكي بسريري بخوف .. اشرب من موية البزبوز واكل من التمر الي في الباديه بغرفة جدتي .. صرت اخاف انزل تحت .. ريحه خااااااايسه مره وجدتي لونها صار وع .. وبعدين اخاف الوحش يجيني ..
كنت بس لما اقرب لطرف الدرج واناظر الدم الناشف وشعر جدتي منثور من فوق ارجع ابكي واقفل علي بغرفتي وابكي من الخوف ..
كنت مجرد طفله .. مجرد ..... طفــــــــــــــله .. بقريه بعيده ...
بديت ابكي .. وينها العنود الحماره ليش ما تجي تعلم الشرطي عن الوحش ويمسكونه وترجع جدتي زينه وريحتها حلوه زي اول
فتحت الدريشه بعد محاولات كثيره .. كانت ثقيله اوانا .. مجـرد طفله ضغيفه قدامها
فتحتها ودموعي على خدي كثييره .. طلعت وجهي وبديت اصرخ
العنـــــــــــــــــود ... ماما نــــــــــوره .. يا شرطــــــــــــــــــي فيه وحش في بيتنا .. وانأ ابكي وابكي .. ليه محد يسمعني
اخيرا وقف اخو العنود .. حمد .. ناظرني ثمن صرخ بأعلي صوته : شجــــــــــــــون وش فيــــــك ؟؟
حطيت يدي حول فمي عشان يوضح صوتي: حـــــــــمد الوحش اكل جدتي
هز حمد راسه .. كان بثاني متوسطه .. نحيس مره .. ودايم يقول عني يا الغبيه .. مدري ليش يكرهني مدري ..يمكن لان عقلي صغير
قلت له : حمد الله يخليك ناد الشرطي ناده ..
وبديت ابكي بكى مو طبيعي واهز الشباك بعنف .. جدتــــــــــــــــي مريــــــــــــضه .. الله يخليكم لا تتركون الوحش ياكلها .. بعدين يمكن تحطونها تحت التراب
بديت ابكي بهستيريا لحد ما تجمعت الناس .. فتحو الباب .. دخلت الشرطه .. دخلت الاسعاف بعد فوات الاوان .. كل هذا وانأ بحظن ام حمد ..
كانت حاظنتني بقوه بقوووووووه مره وهي تبكي .. وتقول لي خلاص حبيبتي ما صار شي خلاص
طيب هو صار شي اصلا ؟؟ وش صار ؟؟ ليش الشرطه يصورون جدتي ؟؟
رحت بسرعه ومسك ذراع الشرطي :وخر عن جدتي هي ما تحب احد يصورها .... وبديت اصرخ ... وخخخخخخخخخخخخخخر
بعدوني عنه بقوه وانأ ابكي واقول حرام عليكم وين بتاخذونها هي ما تحب المستشفى .. وما تحب احد يلمسها وهي ما لبست حجابها .. وما تحب احد يصوروها .. وش هالنحااسه .. ليييييييييييش تسوون كذا فيها مسكينه جدتي ...
مسكينه جدتي ..
مسكينه ..

ومرت ايام ..
رحت لدار الايتام .. اسبوع .. شفت اطفال كثيرين .. مكان حلوو .. انا دخلت الرياض وانأ نايمه ..بس يوم طلعت من الدار .. كنت مفتحه عيوني عالاخر اناظر البيوت الحلوه .. وايدي تحتضن ايد سعاد .. ماما سعاد .. الي اختارتني من بين كل الاطفال في اسبوع واحد بس
ابتسمت بإنتصار ... كنت عارفه انه فيه بقاله ثانيه غير البقاله الي في جده تبيع بابا وماما .. بس حقت الرياض احلا ..
ركبت السياره ووجههي لاصق مررررره بالقزازه ..
اناظر بدهشه .. اسئله كثيره .. وش هذا ؟؟ وليش هذا كذا ؟؟ ومتى صار في الدنيا زي كذا ؟؟
لكن الي خلاني اصيح من الخوف .. الفيصليه .. لما شفتها افتكرتها وحش .. وحش كبييييييييير مره يبي ياكل ماما سعاد مثل ما اكل جدتي ..
بس ماما سعاد قالت لي انه فندق كبييييييير حلو مو شرير .. طيب وشو فندق ؟؟ ايه فندق المكان الي ينامون فيه الناس الفقيرين الي ما عندهم فلوس ..
ناظرت شوارع الرياض بفضووول كبير .. وين انا عن هالاشياء ؟ ليش جدتي ما جت توريني الرياض ؟؟ لازم اقول لالعنود عن الاشياء الي شفتها ..
وقفت عند بيتنا .. بيتنا الجديد
الله .. كل هذا بيت .. لا اكيد هاذي المدرسه حقتنا .. سألت ماما سعاد بفضول
انا : ماما الحين فيه أستاذه نوره جوا
نزلت ماما سعاد لمستواي .. كانت مرررره حبوبه معي .. كانت تقول لي في السياره انها اختارتني لاني انا مؤدبه وجالسه لحالي .. ولاني حلوه بعد .. سألتها مثل سندريلا قالت ايه .. وعطتني ببسي وعلك وحلويات .. جدتي كانت تشتري لي شي واحد في الاسبوع بس ..
قالت لي ماما سعاد : منهي استاذ نوره ؟
انا:الي في هذي المدرسه
ماما سعاد:لا يا حبيبتي هذا بيتنا ..
بيتنا ... يعني صدق هذا بيتنا مثل ما توقعت ؟؟ يعني فيه ناس عندهم بيت زي المدرسه كبير ؟؟