بقلم :نهال عبدالواحد
نظر سليم بين سليم إبنه ومحمود والد خطيبته وكانا يتبادلان نظرات جامدة كأن هناك خطبٌ ما.
سليم : هو في إيه يا محمود ؟!
محمود : مش وقته يا سليم.
سليم : لا وقته ، عايز أعرف في إيه و دلوقتي ؟
محمود : بص يا سليم الموضوع مش بيني بينك انت وسلمي فوق راسي ، لكن بنتي الوحيدة أغلي حاجة عندي.
سليم : قولي عملها إيه و أنا هتصرف.
محمود : لا مش محتاج تتصرف ولا غيره ، لكن لما واحد يسيب خطيبته و يقاطعها ولا حتي يتصل بيها .
سليم : ما هو البعيد إيه ؟!!
قاطعت العيلة من بابها يا حيوان ولا إيه ؟!!
سليم الإبن بحرج : يا بابا !
كل الحكاية قولتلها ما تدخليش ، تزعل ليه بأه ؟!
محمود : ده جزاتها إنها كان عايزة تصالحك عليهم ؟!
سليم الإبن : وأنا قولتها بلاش تدخلي.
محمود : فتعاقبها و تسيبها كل ده ولا تعبرها تنقهر علي نفسها ، كان لازم افهم كده إن اللي يقاطع أهله.....
سليم : حقك علي أنا يا محمود ، هنطمن علي سلمي وهجيبه و نجيلكم لحد عندكم ويعتذرلها غصب عنه .
محمود : الموضوع مش موضوع إعتذار ، بس لما لسه عل البر و يطنشها بالأسابيع أمال لما تبقي ف بيتك طول الوقت هتعمل إيه فيها ؟!!!!
سليم : استهدي بالله يا محمود ! اطمن هشدهولك ، اتفضل أدامي يا دكتور !
سليم الإبن : بابا.......
فنهض سليم وقال : ورايا.
واستأذن سليم وانصرف وخلفه إبنه حتي وصلا لمكتب عمر وكان فارغ فدخلا.
سليم : ممكن أفهم في إيه ؟!!
مش انت جيت وقولتلي أنا معجب برقية وبحبها وعايز اتقدملها ولا حد غصب عليك ؟!!!
سليم الإبن : يابابا هي اتدخلت ليه ؟! وبعدين كان لازم تقدر الظروف اللي كنت بمر بيها وما تحاسبنيش عل واحدة.
سليم : ظروف إيه اللي تخليك لا تسأل ف خطيبتك ولا تكلمها كام أسبوع ؟!!
سليم الإبن : انتو كبرتوا الموضوع وهو ما كانش يستاهل !
سليم : ما كانش يستاهل ؟!!
انت إزاي كده ؟!! اللي بيحب حد ده ما يقدرش يبعد وما يعرفش يسيب مهما حصل حتي لو حاول يبقي عنده الموت أهون ، كأن روحك بتتسحب منك.
مش هنظلم بنات الناس معانا ، لو مش قادر تكمل ولا حاسسها يبقي انهي الموضوع ده.
سليم الإبن : بس أنا بحبها والله.
سليم : حب إيه ده فهمني!
إلا لو ناوي تعيش زي ناس كتير من غير حب حقيقي و تبقي عيشة والسلام ، بس هتخسر كتير.
أنت تقرأ
(لقاء ولا في الأحلام) By:NoonaAbdElWahed
Roman d'amourSpecial romantic parts ❤❤❤❤ Valantain 2019 (الجزء الثالث من رواية ولا في الأحلام) عندما يتقابل أبطال رواياتي معاً في لقاء لقاء ولا في الأحلام February : July 2019 #NoonaAbdElWahed #Noonazad تعديل July 2020
