دعني أحطم غرورك ©️ - كاملة ✅

الفصل السادس عشر

الحلقة السادسة عشر :



على مدار يوم كامل حاولت جانا بكل الطرق أن تخلع من يدها الخاتم الذي وضعه عز الدين قسراً في إصبعها ، ولكن كل محاولاتها باءت بالفشل الذريع ، حتى وهن في رحلة البحث عن فستان مناسب للخطوبة ،،،
-جانا بضيق واضح : اوووووووف ، يعني مش هعرف أشيلك
-دينا وهي تحاول مساعدتها : الدبلة سميكة اوي يا جوجو ، انا مستغربة ازاي انتي لبستيها؟
-جانا بنرفزة : مش انا ، مش أنا ، المنيل على عينه هو اللي حشرها في صوباعي

كانت سهير في حيرة من أمرها ، فكل الفساتين الخاصة بالخطوبة جميلة ، لذا قررت أن تترك المجال لجانا لتنتقي ما تريد ولكن تحت اشراف منها و...

-سهير متسائلة وهي تبتسم : ها يا عروسة ، قررتي هتلبسي ايه ؟؟ أنا مش عاوزة كارثة من بتوعك
-جانا على مضض : ينفع ماحضرش؟
-سهير: وده كلام يا بنتي ، ده الليلة ليلتك يا عروستنا
-جانا بضيق : ليلة سودة ومهببة

لمحت سهير احد الفساتين ، فأمسكت به بيدها و...
-سهير وهي تنتقي فستان ما : بصي ده ، هيبقى حلو أوي عليكي
-جانا وهي تنظر إليه بضيق واضح : لأ شكله بلدي
-دينا بمرح: ده ع اساس انك كنتي لابسة princess وانتي بتختاري الشبكة

تذكرت جانا ما ارتدته خلال انتقاء الشبكة و...
-جانا بغيظ : متفكرنيش ، ده انا قولت امه هتطفش وتفركش اما تشوف منظري ، لاقيتها ولا في دماغها
-دينا غامزة : مكتوبالك يا قمر
-جانا وهي تنهرهــا : بطلي يا دينا


ثم استمروا في البحث عن ضالتهن المنشودة ، وأرهقت جانا كلاً من سهير ودينا في انتقاء ما تريد ...

.....

في فيلا يوسف الكيلاني ،،

استغربت جانا كثيراً من تصرفات جانا وطريقتها في التعامل مع عز الدين ، وبدأت تتناقش مع زوجها يوسف حول هذا وتوضح له شكوكها و....

-عايدة مندهشة : انا مستغربة من تصرفات جانا اوي يا يوسف ، حاسة انها بتعاند ومش حابة الخطوبة
-يوسف وهو يهز رأسه : ليه بتقولي كده ؟؟؟؟

أوضحت عايدة ليوسف سبب شكها هذا بـ.....
-عايدة : مشوفتش امبارح وهي نازلة معانا تشتري الشبكة ، كان شكلها فظيع ، انا اتصدمت بصراحة ،واحدة المفروض انها عروسة بتكون على سنجة عشرة ، لكن اللي شوفته استحالة يتوصف
-يوسف ضاحكاً : ههههههههه ، طالما عاجبة ابنك يبقى خلاص هو حر
-عايدة : اللي مستغرباه ، it's impossible انهاكانت عايشة بره ، محدش يصدق أبداااا
-يوسف مبرراً : والله يا ديلة كانت عايشة ، بس هي بتحاول تبان انها بنت بلد ، يعني بتخفي حقيقتها
-عايدة متسائلة : ومين قالك كده؟
-يوسف وهو يشير بيده : حسين قالي انها رقيقة جداااا ، وحساسة أوي ، وبتحب تكون مميزة في كل حاجة، من الاخر كده بونبوناية ، بسكويتة ، حاجة كده رقيقة

دلف عز الدين إلى الفيلا ، ثم استمع إلى عبارة والده الأخيرة ، فتسائل عن تلك التي يتحدث عنها ويصفها بتلك الخصال الجميلة و...

-عز مقاطعاً وهو يجلس إلى جوارها : مين دي اللي بونبوناية؟؟
-عايدة : جانا
-عز بتهكم : الصرااااااحة ااااااه
-عايدة بضيق : انت بتهزر يا عز؟؟؟ انت ماشوفتش كانت عاملة ازاي امبارح؟؟
-عز: يا ماما سيبك من اللي هي بتعمله ده ، كله كلام فاضي
-عايدة : وعرفت منين ؟؟
-عز وقد نهض من مكانه : مش محتاجة يا ماما، هبقى أقولك بعدين لأحسن مستعجل...
-يوسف وهو ينظر إليه باستغراب : على فين العزم يا بني؟؟
-عز مبتسماً : هاروح النادي يا بابا أعزم أصحابي ع الخطوبة!
-يوسف: اوك ، متتأخرش وربنا يهنيك يابني
-عز وهو يوميء برأسه : حاضر ، سلام

.....

وفي النادي ،،،،

أبلغ عز الدين أصدقائه بأمر خطبته ، فصدمت دارين من ذلك الخبر ونظرت إليه غير مصدقة لما يقول و....

-دارين بصدمة : بتقول ايه يا عز؟؟؟؟؟ هتخطب ؟؟؟؟
-عز: ان شاء الله يا دارين ، منتظرك بكرة
-دارين بلهفة : ده حصل امتى وازاي وفين و....و...؟؟؟؟؟
-عز: حيلك حيلك .. بعدين هبقى اديكي التفاصيل ، المهم هنتظرك بكرة
-دارين بحزن: بقى أهون عليك يا مون شيري تعمل فيا كده وتخطب غيري بعد الحب اللي كان بينا؟
-عز بحدة: حب ايه وزفت ايه، وهو انا وعدتك بحاجة ، فوقي يا دارين !!
-دارين محاولة أن تظهر تأثرها : بجد انا مشـ.......

تدخل حازم في الحوار حتى يخفف من حدة الجدال الذي كان على وشك النشوب بين عز الدين ودارين ، فحازم لا يهتم لأمر عز أو حتى خطبته ، ولكن من يشغل باله هو دارين و..
-حازم مقاطعا: مبروووك يا زيزووو ، هنجي شور الخطوبة ، فكك يا دارين وباركي لعز
-دارين باقتضاب: مبروك
-عز لباقي أصدقائه : متتأخروش يا جماعة ، هستناكو

انضم ياسين إلي باقي الأصحاب ، ثم تسائل عن ...
-ياسين من بعيد: ميتأخروش على ايه ؟؟
-عز بتنهيدة : أخيرااااا طليت علينا
-ياسين وهو يسحب المقعد : سوري يا جماعة كان ورايا كام مصلحة بخلصها
-عز: ماشي يا عم المهم ، بكرة خطوبتي أنا وجانا متتأخرش
-ياسين مصدوماً : ايه ده بجد؟؟؟ يعني هتخطبها بجد ولا كده وكده ؟؟؟
-عز: وهي الحاجات دي فيها هزار يا سينو ؟
-ياسين وهو يحرك رأسه : معاك انت كل شيء جايز
-عز بنظرات جادة : خف تعوم يا سينو ، هستناك متتأخرش

نهض ياسين من على مقعده ، ثم اقترب من صديق عمره عز الدين واحتضنه و...
-ياسين وهو يحتضن عز: ماشي يا عررررريس ، من بدري هتلاقيني فوق دماغك

.........



في منزل حسين الدمنهوري ،،،،

أعلن منزل حسين الدمنهوري حالة الطواريء استعداداً لحفل الخطبة الليلة ، كان الجميع يعمل على قدم وساق لانجاز الكثير من الأعمال في وقت قليل
-سهير: بسرررعة ، ايوه هنا ، بس كده شكلهم حلو أوي ، سنية حطي طقم السرفيس في الحوض عشان يتشطف ، أه وشوفي الطباخين خلصوا ولا لأ
-سنية: حاضر يا ست سهير هانم

جاءت دينا إلى والدتها وهي ترتدي ملابسها وتستعد للنزول ، ثم أبلغتها بـ .....
-دينا : مامي انا نازلة البيوتي سنتر ، هلبس هناك واجي ع طول
-سهير بحدة : لأ مافيش نزول ، باباكي قال ان البنات اللي في السنتر هيجوا هنا يزوءوكم
-دينا على مضض : اوووف يامامي
-سهير وهي تشير بيدها : روحي شوفيلي جانا بتعمل ايه الوقتي
-دينا بتأفف : اوك

ثم انطلقت دينا إلى حجرة جانا ، وتفاجئت بها نائمة وتغظ في نوم عميق .. فقفزت على الفراش ، وحاولت افاقتها و...
-دينا: wake up يا عروسة
-جانا وهي تضع الغطاء على رأسها وبصوت ناعس : امشي يا دينا سيبيني أنام
-دينا: يالا بقى فوقي ، ده النهاردة يومك
-جانا بنرفزة : يووووووه ، انا مش عاوزة أقوم ولا أعمل حاجة ، الهي يااا رب اليوم يبوظ عشان ترتاحوا
-دينا متعجبة وبصوت حالم : ده انتي عروسة يعني المفروض تفرحي بعريسك ، هااااااااه ، ده كيوت ، ووسيم ، وتقييييل ، اموووت أنا في الصنف ده
-جانا بقرف : خديه ، اشبعي بيه ، انا متنازلالك عنه!!
-دينا: ياريت كان ينفع ، بس هو بيحبك انتي
-جانا بنرفزة : حبه برص ، هو ده بتاع حب أصلاً ؟؟؟؟
-دينا وقد نزعت الغطاء تماماً : طب يالا ، البنات من البيوتي سنتر هيجوا كمان شوية عشان يجهزوكي ياأحلى bride

طرأ على بال جانا فكرة ما ، هي مجنونة ، ولكنها ستنفذها ...
-جانا ولمعت في عقلها فكرة : اهاااا ، حلووو اوي !!!
-دينا: ها فكرتي هيكون استايلك ازاي في اليوم الـ special ده؟؟

ارتسم على وجه جانا ابتسامة شيطانية ، ثم اعتدلت في جلستها و...
-جانا بابتسامة شيطانية : اومـــــــــــــال .. ودي حاجة تفوتني ! ده انا هبهركم
-دينا بقلق : ربنا يستررررررر .. قلبي عندك يا عز
-جانا بلهجة آمــرة : out Dina ، بدل ما أطلعهم عليكي انتي .... !!
-دينا: اوك ، اوك I'm out .. بس متناميش

بدأت جانا تستعد لحفلة الليلة ، وطلبت من فتيات مركز التجميل ان يعاونوها في تجهيز الاستايل الذي تريده .. ورغم غرابة طلبها كعروسة ، إلا أنه لم يكن أمامهن إلا الانصياع لأوامرها .. فهي العروسة ، وتلك هي رغبتها ....

..............