دعني أحطم غرورك ©️ - كاملة ✅

الفصل السابع والعشرون

الحلقة السابعة والعشرون:




بعد رحلة استغرقت ما يقرب من اربع ساعات ، وصل الجميع الى الساحل الشمالي ، وتحديداً عند الشاليه الذي تملكه عائلة يوسف الكيلاني ، ترجل عز الدين أولاً من السيارة بعد أن أرخى قبضته عن جانا ، ثم لحقت به دينا ، وكذلك ياسين ، بينما ظلت جانا بداخلها ترفض النزول ...

ابتسم ياسين إلى دينا ، و... ،،،
-ياسين مبتسماً : حمدلله ع السلامة ، والله المكان نور.
-دينا بخجل : ميرسي
-عز بصوت هاديء وهو يشير بيده : يالا يا جانا انزلي وصلنا


عقدت جانا كلا ساعديها أمام صدرها ، ونظرت إليه في ضيق و...

-جانا بضيق : مش نازلة ، هو انت ايه فاكرني شوال بطاطس ، هووب تشيله تحطه هنا ، وهووب تشيله توديه هنا


زفر عز الدين في ضيق ، ثم نظر إليها و...

-عز بضيق : يعني يا هانم عاوزة تغيري جو لوحدك من غير موافقة جوزك؟؟
-جانا بحدة : هو احنا اتجوزنا أصلاً ؟ ده كلام ع الورق ، اتفاق ،ولا نسيت؟؟؟؟
-عز بعصبية وبتحدي : لأ مانسيتش ، وفي ايدي الوقتي اخليه حقيقي وبجد



احتدم الجدال بين عز الدين وجانا ، فتدخل ياسين على الفور و...

-ياسين مقاطعاً: ايه يا جماعة ؟ صلوا ع النبي كده ، احنا جايين نغير جو مش نتخانق ، ولا انتي رأيك ايه يا آنسة؟
-دينا وهي تنظر إليه : انت بتكلمني ؟
-ياسين بتنهيدة : آاااااااااااه
-عز بصوت شبه هاديء : عليه الصلاة والسلام ، انزلي يا جانا الله يهديكي
-دينا وقد بدى عليها الإرهــاق : يالا بقى يا جوجو ، بليز ، انا تعبانة وعاوزة ارتاح



بعد إلحاح مستمر من دينا ، اضطرت جانا أن ترضخ في النهاية ، فهي تعلم أن ليس لعنادها هذا أي نتيجة ، لذا ترجلت من السيارة وهي تتمتم بكلماتٍ غير مفهومة

...

ترجلت جانا من السيارة وظلت تزفر في ضيق من تصرف عز الدين معها ، وظلت تنظر إليه شزراً ...



وقف عز الدين يشرح للجميع كيف سيكون الوضع في المصيف و...


-عز وهو يشير بيده : بصوا بقى احنا اخدين 2 شاليه جمب بعض ، واحد هتقعدي فيه يا جانا انتي ودينا ، والتاني أنا والأخ ياسين هنقعد فيه لحد ما يحصلنا بقية العيلتين .. هما هيوصلوا بالكتير بكرة الصبح
-جانا بحدة وهي تشير بيدها : هات المفتاح
-عز بتهكم : اتفضلي أحاجة



نظر ياسين إلى دينا بأعين عاشقة ، و....

-ياسين وهو محدقاً بها : انا في الشاليه ده لو احتاجتي حاجة ، قصدي احتاجتوا حاجة .. رنة بس وهتلاقيني هوووب فوق دماغك ، قصدي عندك .. يووووه عندكم ، انتي قولتيلي رقمك كاااام ؟؟؟؟؟
-عز وهو يدفع ياسين أمامه : يالا يا عم الحبيب ، خلينا نسيبهم يرتاحوا
-دينا : Let's go Jana، يالا ننام شوية

وبالفعل ذهب الجميع إلى داخل الشاليهات ليرتاحوا قليلاً قبل أن ينطلقوا لمغامراتهم .....

....................


قضت جانا معظم النهار في داخل الشاليه راقدة على الفراش ، فانزعجت دينا من ذلك و...

-دينا متسائلة : هاه يا جوجو ، هنروح البلاج امتى ؟
-جانا بعدم اكتراث : شوية كده
-دينا وهي تزفر في ضيق : انا زهقت بقى ، مش هنفضل مقضيين اليوم كله كده inside here ، انا عاوزة أنطلق
-جانا غامزة : عاوزة تنطلقي ولا عاوزة تشوفي الأخ اللي مع عز


ارتبكت دينا عقب عبارة جانا الأخيرة ، وحاولت ألا تظهر توترها أمامها و..

-دينا بنبرة مضطربة : هااااه ، قصدك ياسين
-جانا مبتسمة بخبث : ماشاء الله وكمان فاكرة اسمه
-دينا بضيق : يوووه يا جانا ، بصي اصحي براحتك انا هروح اتمشى شوية ع البلاج
-جانا: اوك ، وانا شويه وهحصلك .. هلبس المايوه وأظبط نفسي وأجيلك
-دينا وهي تلوح بيدها : اوك ، don't be late .. باي

........

وبالفعل خرجت دينا من الشاليه لتسير قليلاً على رمـــال الساحل الذهبية ، وتستمتع بالطبيعة الساحرة هناك ، وتستنشق هواء البحر المنعش ..

وبينما كانت دينا مندمجة في استمتاعها بالطبيعة ، لمحها عز الدين، فأسرع ناحيتها و...،،،
-عز بصوت مرتفع وهو يشير بيده : دينا ، ياااااا دينا !


التفتت دينا بجسدها نحو مصدر الصوت و...

-دينا: ييس عز
-عز متسائلاً : على فين كده ؟ وفين جانا؟
-دينا بنبرة عادية : مافيش أنا زهقانة ، فقولت اتمشى شوية لحد ما تجهز جانا وتحصلني.
-عز: ده انا كنت جايب الغدا عشان نتجمع ونتغدى كلنا مع بعض.
-دينا: اوك .. خلاص انا هنتظركم هنا ..

وبالفعل توجهت دينا إلى المقاعد البلاستيكية الموضوعة بجوار الشاطيء ، وجلست على أحدهم في انتظار أن يتجمع الباقيين لتناول الغذاء معاً ...

لمح ياسين دينا وهي تفترش أحد المقاعد من نافذة الشاليه الموجود به ، فابتسم بسعادة ، ثم وضع يده على حافة النافذة ليرفع نفسها، ووثب منها برشاقة ، وأسرع في خطاه لكي يجلس بجوارها ...
وبينما هو في طريقه إليها لم ينتبه لعز الدين ، وبالتالي اصطدم به ، فأمسك عز به كي لا يسقط ... ،،،
-عز وهو يمسكه بذراعيه : ايه يا عم مش تفتح كده ، واخد في وشك وبتشووط في اللي قدامك !!


لم يعرْ ياسين الانتباه لعز الدين أو حتى لحديثه ، فقد كان مسلطاً بصره على دينا و...

-ياسين وهو يدفعه بيده : اوعى بس ، روح شوف مراتك ، وفكك من ياسين دلوقتي واللي جابوه !!

تعجب عز الدين من تصرفات ياسين ، ثم قرر أن يتجه إلى شاليه جانا ..

.............


بالفعل ذهب عز الدين لكي يرى جانا ، كان على وشك طرق باب الشاليه الموجودة به ، ولكنه تفاجيء بها تفتح باب الشاليه لتخرج منه مرتدية ( مايوه بيكيني أسود اللون ) فأظهرها رائعة الجمال وكلها حيوية وأنوثة طاغية .. صدم عز الدين لرؤية جانا بتلك الملابس المثيرة ، ظل محدقاً بها لثواني ناظراً إليها بتمعن شديد متفحصاً كل جزء فيها بنظرات غريبة وهو فاغراً شفتيه ....

ثم أدرك عز الدين ما هي عاقدة العزم على فعله ، إنها تنتوي الخروج من الشاليه على هذا الشكل ، لذا قام عز الدين بامساكها من ذراعها ، وجذبها للداخل ...


أرخى عز الدين قبضة يده عن ذراع جانا ، بينما نظرت هي إليه بضيق و...

-عز وهو يشير بيده : ايه ده يا هانم ؟ ايه اللي انتي لابساه ده ؟؟


وضعت جانا كلتا يديها في وسط خصرها ، ومدت أحد ساقيها إلى الأمام ، ثم تمايلت بجسدها قليلاً ونظرت إليه بنظرات مقتضبة و...

-جانا بتهكم : ايه ، يعني مش عارف ده ايه ، ده مايوه!
-عز بضيق واضح : ما انا عارف ان ده زفت مايوه ، لابساه ليه ان شاء الله ؟
-جانا بعدم مبالاة وهي تعقد ساعديها أمام صدرهــا : الله ! مش انا هنزل البحر ، يبقى عاوزني البس ايه ؟؟


احتقنت الدماء في وجه عز الدين الذي اغتاظ من ردودها الباردة والغير مبالية و...

-عز مغتاظاً : اي نيلة زفت غير ده
-جانا بتهكم : الله مش انت كنت بتقول عليا شبه طُلبة صاحبك وناقصني شنب ؟؟ مالك بقى زعلان ليه ؟؟؟

-عز بضيق واضح : الله يحرق طُلبة ، امانة عليكي يا شيخة لتلبسي زي الأول ، انا محقوقلك .. والله ما ينفع تخرجي كده !!!


صمتت جانا قليلاً لكي تفكر في كلام عز الدين ، وضعت إصبعها على جبينها ، وظلت تطرق على رأسها قليلاً ، ثم...

-جانا بعد تفكير : تصدق انت عندك حق ، انا فعلا مينفعش اخرج بالمايوه كده!


تنهد عز الدين في ارتياح بعد قرار جانا الأخير و....

-عز: الله اكبررررررررررر ، اخيرااااا ، اول مرة تسمعي الكلام
-جانا مبتسمة : انا هلبس فوقه الكاش مايوه
-عز بضيق وهو يشير بكلتا يديه في عصبية : الله ياخدك انتي والكاش مايوه .. ايييييييييه !!!
-جانا وهي تزفر في ضيق : يوووه بقى ، ده اللبس المناسب للبحر
-عز بتهكم : ده انا اللي اسمي جوزك مشوفتكيش مرة لابسالي كده ، يبقى يوم ما تجي تلبسي مايوه ، تكون أمة لا إله إلا الله كلها شيفاكي بيه لابساه.. ايييييييه ياشيخة بقى .. غيريه ، والله ما هتخرجي كده ، على جثتي لو ده حصل !!
-جانا بانزعـــاج : يووووه ، زهقتني ، خلاص هقلعه خالص.
-عز مصدوماً : تقلعيه؟؟؟ انت اتجننتي !!!
-جانا وهي تشير بإصبعها : انت قليل الأدب على فكرة ، انا أقصد هغير هدومي وألبس حاجة تانية
-عز مبتسماً : ان كان كده ماشي
-جانا وهي تشير بيدها : يالا ، ماتمشي ، واقف ليه؟
-عز بسهوكة ونظرات عاشقة : الله في ايه ؟ مستنيكي تقلعي!
-جانا: أقلع فين؟
-عز وهو يشير بيده مبتسماً : هنا، متخافيش انا مش حد غريب، ويا ستي هبص بأدب!!


أدارت جانا عز الدين بكلتا يديها ، ثم دفعتها بكل قوتها إلى خارج الشاليه و...

-جانا وهي تدفعه خارج الشاليه بحدة : برررررررررررره ... اطلع برررررررررره

دلف عز الدين إلى خارج الشاليه ، وأغلقت جانا الباب من خلفه بحدة ، ثم استندت بظهرها على الباب وهي تبتسم ...

شعرت جانا بأن عز الدين بالفعل قد بدأ يزيد من اهتمامه بها ، بل وربما بدأ يشعر بالغيرة ..


وفي الخارج كان يشعر عز الدين بأن مشاعره تزداد قوة تجاه جانا يوماً بعد يوم .. ولكن غروره يمنعه من الاعتراف بهذا ....

..............
ركض ياسين ناحية دينا ، ثم وثب بحركة ماهرة امامها ، لتُصدم هي برؤيته وتنتفض في فزع و...

-ياسين مفزعاً دينا : معقول في كده يا ناس ؟ القمر سايب السما وأعد وسطنا كده عادي
-دينا بصدمة : what ؟

ظل ياسين ينظر حوله بقلق وتوجس و..

-ياسين وهو يتلفت حوله : لأحسن يكون ابوكي جاي من هنا ولا هنا؟
-دينا محذرة : لو سمحت!!
-ياسين مبتسماً وهو يميل برأسه : أؤمر يا قمر
-دينا وهي تشير بيدها : ( احترم نفسك ) behave yourself
-ياسين مدعياً الغباء : ايوه ايوه ، اللي هو ازاي يعني؟
-دينا: انا اقصد تقعد كويس


جلس ياسين على المقعد البلاستيكي ثم مدد ساقيه عليه و...

-ياسين : اه والله عندك حق ، استني أما أمدد رجلي شوية
-دينا وهي تضحك : crazy man
-ياسين وهو يشير لها بيده : ايوه ، انا ده بالظبط !!

..............

عند الشاليه ،،،،

بالفعل ارتدت جانا فستاناً صيفياً بدت فيه رائعة الجمال ،ثم دلفت إلى خارج الشاليه ، فتأملها عز الدين بنظرات إعجاب ، ثم رفع لها علامة الاعجاب بإبهامه و...

-عز بإعجاب : اه كده معقول ، مش تقوليلي بكيني ومابكينيش !!


ارتبكت جانا أمام عز الدين ، وحاولت أن تخفي توترها ، وتغير من مجرى الحديث و...

-جانا: يالا بقى انا جوعت.
-عز: ماشي ، اتفضلي قدامي.
-جانا وهي توميء برأسها : اوك.


سار عز الدين خلف جانا يراقبها وهي تتمايل بأنوثة في خطواتها ، نظر إليها بتمعن شديد وعلى وجهه علامات الانبهار والإعجاب و...

-عز وهو يسير خلف جانا متأملاً إياها : يخربيت كده.
-جانا وهي تلتفت اليه بدلال : نعم؟
-عز مبتسماً : نعم الله عليكي يا حاجة .. امشي بس وبصي قدامك ، بدل ما اخرج عن شعوري

وبالفعل انطلق الاثنان سوياً للقاء دينا وياسين ..


وفي الطريق صادفت جانا أحد أصدقائها القدامى الذي نظر إليها بكل إعجاب و... ،،،
-معتز بصوت عالي ووجه مبتسم : لألألألأ مش معقول ، جاجوو بنفسها هنا


تحدثت جانا برقة شديدة وبصوت مليء بالنعومة و...

-جانا برقة ودهشة : OMG ،ميزوووو مش ممكن ، انت جيت امتى يا مان؟

اقترب معتز من جانا لكي يحضنها ويقبلها من وجنتيها ، ولكن عز الدين منعه من الاقتراب ، وصده بذراعه ووقف حائلاً بينهما ،،
-عز بضيق وهو يبعده : ايييه يا بني انت ، ما تحاسب ! مش شايفني واقف
-جانا بدلال وصوت رقيق : سوري ميزوو ، ده عز ، اصله مش عارفك



نظر عز الدين إلى جانا بنظرات مغتاظة وحانقة و...

-عز بحنق : وكمان بتعتذريله ، اللهم طولك ياروح ، ما تعرفينا بالأخ ؟؟؟


أشارت جانا بيدها لمعتز ، وتحدثت بنبرة مليئة بالحيوية و...،

-جانا: ده معتز my best friend ... قصدي ميزووو صديقي الصدوق

مد عز الدين يده لكي يصافح معتز ، وما إن أمسك بكفه حتى ضغط عليه بكل قوة وكأنه يريد الفتك به و...

-عز وهو يصافحه بشدة: تشرفنا يا أخ
-معتز متآلما : ouch .. وجعتني ، بشويش عليا ، انت tough اوي
-عز مستهزءاً به وبتهكم : لا يااااا راجل ، لا مؤاخذة أصلنا رجالة ، هاااه فاهمني رجالة وجامدين اوي مش لامؤاخذة زيك كده طري و مــــان !!!
-جانا بدلال مصطنع : ميزوو ، متخدش في بالك هو كده ..
-معتز ناظراً إليها بإعجاب: It's okay babe ، بس انتي بقيتي حلوة اوووي


وقف عز الدين يزفر في ضيق ، ونظر بأعين منزعجة مليئة بالغضب إلى كلاهما و....

-عز محذراً : اللهم اخذيك يا شيطان ، يا بني الله يكرمك متلعبش في عداد عمرك ، خاف على نفسك !
-جانا بدلع ورقة : يووووه ، عز بليز ، سيبني أخد راحتى مع ميزوو
-عز بتهكم وحنق : يا شيخة ، انتي مش هترتاحي إلا اما اقتلك الوقتي
-معتز مبتمساً وبصوت ناعم : بجد يا جاجوو ، لندن من غير so dark ، بليز come back
-جانا برقة : اوووه ميزووو ، بجد !! خلاص هفكر
-عز بضيق واضح : صبررررني ياااااااااااااا رب !!


نظر معتز إلى عز الدين بنظرات استغراب ودهشة و..

-معتز وهو يشير بيده : مين ده ؟؟ ماله خنيق اوي كده بشكل اوفر!

-عز بنبرة انزعــاج واضحة : ما تقولي للأخ أنا مين ، ولا يمكن أنا شفـــاف مش باين قصادكو لا سمح الله يعني .


رسمت جانا على وجهها ملامح الآسى وتحدثت بنبرة خافتة مليئة بالحزن و...

-جانا بنبرة حزينة : اوووه ميزوو ، ده يبقى my husband
-معتز مصدوماً وفاغراً شفتيه : مش معقووول ، you got married ؟

أطرقت جانا رأسها في أسف ، وظلت تحركها يميناً ويساراً وكأنها ترثي حالها و...

-جانا مبدية أسفها: ااااه تخيل يا ميزووو ، جاجوو اتجوزت

-عز متهكماً : جوازة الشوم والندامة ، الظاهر اني واقف عزول بينكو ..
-معتز وهو يواسيها : قلبي عندك حبيبتي.
-عز بضيق بالغ : وجع في قلبك ، هو انا مت !
-جانا: Thanks dear

أمسك عز الدين بكف معتز عنوة ، ثم صافحه بشدة ، ودفعه بكلتا يديه و....

-عز وهو يصافحه : طب يا اخت ميزووو ، قصدي يا اخ ميزوو ،احنا متشرفناش ولا حتى فرحنا اننا شوفناك ، مع السلامة وماتجيش عندنا تاني.
-معتز باستغراب : What ؟
-عز: لا توطي ولا متوطيش ، احنا مستعجلين
-جانا: ايه يا عز مينفعش كده ؟؟
-معتز: ولا يهمك جاجوو ، اسيبك دلوقتي ونتقابل بعدين

ثم اقترب معتز من جانا لكي يقبلها من وجنتها ، فدفعه عز الدين بكلتا يديه بغل وأبعده عن جانا ،،،
-عز بضيق شديد : ايييييه ، في ايه ، هو انت مصمم اني شفــــــــــاف قصادك ، اتوكل على الله دلوقتي ، امشي بقى ده انت رزل !!


سقط معتز على إثر دفعة عز الدين له ، ثم نظر عز الدين إلى جانا و...

- عز مكملاً : يالا يا هانم بدل ما ارتكب فيكي جناية !
ثم وضع عز الدين يده على ذراعها ، وجذبها بشدة منه وتوجها سوياً ناحية دينا وياسين ........

..........................................