ﺍﺳﻤﻲ ﺭﺟﻌﻪ ﻋﻤﺮﻱ 35 ﺳﻨﻪ ﺍﻭﻝ ﻣﺎﻭﻋﻴﺖ ﻉ ﺍﻟﺪﻧﻴﺎ ﻭﺍﻧﺎ ﻧﺴﻤﻊ ﻓﻲ ﻧﻔﺲ
ﺍﻟﻜﻼﻡ , ﺭﺟﻌﻪ ﻟﻤﺮﺍﺟﻊ ﻭﻣﺮﺍﺟﻊ ﻟﺮﺟﻌﻪ
ﻭﻟﻤﺎ ﻭﺻﻠﺖ ﻋﻤﺮ ﺍﻟﺰﻫﻮﺭ 16 ﺳﻨﻪ , ﺻﻔﺖ ﺩﻏﺮﻱ , ﺩﻏﺮﻱ ﻟﻘﻴﺖ ﺩﺑﻠﻪ ﻓﻲ
ﻳﺪﻱ
ﺣﻜﻴﺖ ﻣﻦ ﻫﻨﺎ ﻭﻣﻦ ﻫﻨﺎ , ﻳﺎﻫﻮﻩ ﻳﻬﺪﻳﻜﻢ ﺍﻟﻠﻪ ﺭﺍﻧﻲ ﻣﺎﻧﺒﻴﺶ ﺍﻣﺮﺍﺟﻊ ,
ﻳﺎﻫﻮﻩ ﺭﺍﻩ ﻧﻘﺘﻞ ﺭﻭﺣﻲ , ﺑﺲ ﻻ ﺗﻨﺎﺩﺓ ﻟﻤﻦ ﺣﻴﺎﺗﻲ ( ﻻ ﺣﻴﺎﺓ ﻟﻤﻦ ﺗﻨﺎﺩﻱ )
ﺻﻤﺘﺖ ﻋﻠﻲ ﺭﺍﺉ ﻭﺧﺎﺻﺔ ﺍﻧﻪ ﺍﻣﺮﺍﺟﻊ ﻣﺎﻳﺤﺒﺶ ﺍﻟﺘﻜﻨﻮﻟﺠﻴﺎ ﻭﻛﻴﻒ ﺑﻨﺖ
ﻧﻔﺴﻲ ﻣﺎﺗﺴﺘﺨﺪﻣﺶ ﺍﻟﻬﺎﺗﻒ ﺍﻟﻨﻘﺎﻝ
ﺟﻴﺖ ﺣﻜﻴﺖ ﺍﻻﻣﻲ ﻭﻗﻠﺘﻠﻬﺎ ﻳﺎﺍﻣﻲ ﻣﺎﻧﺒﻴﺶ ﺍﻣﺮﺍﺟﻊ , ﻧﺒﻲ ﻧﻌﻴﺶ ﺣﻴﺎﺗﻲ ﻧﺒﻲ
ﻧﻄﻠﻊ ﻣﻦ ﻋﻴﻠﺘﻨﺎ ﺍﻟﻜﺌﻴﺒﻪ
ﻗﺎﻟﺘﻠﻲ ﺍﻧﺘﻲ ﺗﺒﻲ ﺗﻘﺮﺿﻲ ﺑﻴﻨﻲ ﻭﺑﻴﻦ ﺳﻠﻔﺘﻲ ﻭﻋﻤﻚ
ﺍﻧﺎ : ﺗﻮﺍ ﻗﻌﺪﺕ ﺳﻠﻔﺘﻚ ﻣﺎﻳﻮﻣﺘﻬﺎ ﻗﻠﺘﻲ ﻋﻠﻴﻬﺎ ﺳﻨﻮﻧﻬﺎ ﺍﻛﺒﺎﺭ ﻭﻣﺴﻮﺳﺎﺕ ﻭﺍﻱ
ﻋﻢ ﺗﺤﻜﻲ ﻋﻠﻴﻪ ﻫﺬﺍ ﻟﻲ ﺳﻠﻒ ﻣﻦ ﺑﺎﺗﻲ 3000 ﻭﺭﺩﻫﻦ ﻟﻬﻦ 1500 ﻣﺶ ﻫﻚ
ﻳﻮﻣﺘﻬﺎ ﻗﻠﺘﻲ ﻫﻚ
ﺍﻣﻲ : ﻃﻴﺢ ﺳﻌﺪﻙ ﻳﺎﺧﻼﻃﻪ ﺍﻟﻨﻮﺍﺟﻊ ﻭﺍﻟﻠﻪ ﻧﺤﺮﺵ ﺑﻮﻙ
ﻭﻣﺎﻧﻨﺪﺭﻱ ﺍﻻ ﻋﻠﻲ ﺻﺒﺎﻁ ﻃﻦ ﻓﻲ ﺭﺍﺳﻲ , ﻃﻦ ﻳﻌﻨﻲ ﻃﺐ ﺍﻱ ﻭﻗﻊ
ﺧﺸﻴﺖ ﻟﺪﺍﺭ ﻣﺘﺎﻋﻲ , ﻃﺒﻌﺎ ﻫﻤﺎ ﻳﻘﻮﻟﻮ ﺩﺍﺭﻱ , ﺑﺲ ﻓﻴﻬﺎ ﺍﻃﻨﺎﺷﺮ ﻃﺮﻑ
ﺻﺎﻟﻮﻥ ﻣﺮﻓﻊ ﻓﻮﻕ ﺑﻌﻀﻪ , ﻭﺻﻨﺪﻭﻗﻴﻦ ﺯﻳﺖ ﻭﺻﻨﺪﻭﻕ ﻃﻤﺎﻡ ﻭﺷﻮﺍﻝ ﺭﺯ ﻭﻧﺺ
ﺷﻮﺍﻝ ﺳﻜﺮ ﻭﻓﻲ ﺯﺍﻭﻳﻪ ﻓﻴﻪ ﻋﻘﺎﺏ ﻓﺮﺍﺵ ﻋﻠﻴﻪ ﻓﻮﻃﻪ ﻭﻣﻌﺰﻭﻗﻪ ﻋﻠﻲ
ﻣﺨﺪﻩ ﺑﺲ ﺑﻔﻀﻞ ﺭﺑﻲ ﻭﺍﻟﺤﻤﺪﺍﻟﻠﻪ ﻳﻌﻨﻲ , ﺑﺮﻳﺰﺓ ﺍﻟﺸﺤﻦ ﺟﻨﺒﻲ ﺩﺭﻛﺖ ﺍﻱ
ﺩﻏﺮﻱ ﺍﻱ ﻣﺒﺎﺷﺮ ﺟﻨﺒﻲ
ﻭﺩﻭﻻﺏ ﻓﺮﺩﻩ ﻃﺎﻳﺮﻩ ﻭﻓﺮﺩﻩ ﻗﺎﻋﺪﻩ ﻭﻳﺠﻮ ﻳﻘﻮﻟﻮﻟﻲ ﺍﻧﺖ ﺑﺪﺍﺭﻙ ﻭﺗﺪﻟﻌﻲ
ﻭﺗﺸﻐﻠﻌﻲ , ﺗﻲ ﺍﻧﺎ ﻟﻮ ﻳﺴﻴﺮ ﺯﻟﺰﺍﻝ ﻭﻻ ﺳﻘﻒ ﻳﻄﻴﺮ ﻳﺤﺴﺎﺑﻮﻧﻲ ﻓﺎﺗﺤﻪ ﻣﺤﻞ
ﺟﻤﻠﻪ
ﻣﺎﻋﻠﻴﻨﺎ ﺧﻦ ﻧﻜﻤﻠﻠﻜﻦ , ﻭﻣﻦ ﺳﻮﺀ ﺣﻈﻲ ﺍﻧﻪ ﻣﺎﻋﻨﺪﻳﺶ ﺧﻮﺍﺕ ﻭﻻ ﺧﻮﺕ, ﻻﻻ
ﻣﺎﻧﺒﻴﺶ ﻭﺣﺪﻩ ﺗﻘﻮﻟﻲ ﻭﺣﻴﺪﻩ ﺍﻛﻴﺪ ﻣﺪﻟﻌﻪ ﺍﺳﻜﺘﻦ ﻭﺍﺳﻤﻌﻦ
# ﺍﻟﻤﻬﻢ
ﺍﻣﻲ ﻭﺍﻛﻠﻪ ﻭﺟﻬﻲ ﺭﺟﻌﻪ ﺳﻴﻘﻲ ﺭﺟﻌﻪ ﻃﺒﺨﻲ ﺭﺟﻌﻪ ﺍﺳﻘﻲ ﺍﻟﻮﺭﺩ ﺭﺟﻌﻪ
ﺍﺭﻣﻲ ﺍﻟﺘﻨﻮﺭ ﻻ ﺍﻟﺘﻨﻮﺭ ﻫﺬﺍ ﻛﺬﺏ ﻣﻠﻴﺖ ﻣﻦ ﺍﻟﺸﻐﻞ ﺑﺼﺮﺍﺣﻪ
ﻟﻨﻘﺎﻧﻲ ﻫﺬﻛﻴﻦ ﺍﻟﻴﻮﻣﺎﺕ ﻗﻠﺖ ﺍﻻﻣﻲ ﻧﺎ ﻣﻠﻴﺖ ﺗﻘﻮﻝ ﻓﻠﻪ ﺗﺤﺮﺛﻲ ﻋﻠﻲ ﻟﻴﻞ ﻧﻬﺎﺭ
ﺍﻣﻲ : ﺗﻲ ﻣﻦ ﻓﻠﻪ ﻫﺬﻱ
ﺍﻧﺎ : ﻫﺬﻱ ﻟﻲ ﻣﺎﺗﺖ ﺍﻣﻬﺎ ﻭﻣﺮﺍﺕ ﺑﺎﺗﻬﺎ ﺧﻠﺘﻬﺎ ﺧﺪﻳﻤﻪ ﻭﺧﻮﺍﺗﻬﺎ ﺍﻻﺛﻨﻴﻦ
ﻳﺤﻔﺮﻟﻨﻬﺎ ﺩﻳﻤﺎ
ﺍﻣﻲ : ﻫﻬﻬﻬﻬﻪ ﺗﻲ ﻫﺬﻱ ﺭﻳﻤﻲ ﻣﺶ ﻓﻠﻪ
ﺍﻧﺎ : ﺍﺣﻠﻔﻲ
ﺍﻣﻲ : ﻭﺍﻧﺎ ﺗﻮﺍ ﻣﺮﺍﺕ ﺑﺎﺗﻚ ﻗﻌﺪ ﻳﺎﺑﻨﺖ ﻃﻮﻭﻭﻭﻭﻁ ﻳﺎﻛﻠﺒﻪ ( ﻣﻌﻠﻴﺶ ﻧﻌﺘﺬﺭ
ﻋﻠﻲ ﻛﺘﺎﺑﺔ ﺍﻟﻨﺺ )
ﺍﻧﺎ : ﻭﻭﻭﻭﻩ ﻭﻭﻭﻩ ﻣﻠﻴﺖ ﻣﻦ ﺷﺘﺎﻳﻤﻜﻢ ﺍﻋﺘﺒﺮﻭﻧﻲ ﻣﻮﺍﻓﻘﻪ ﻋﻠﻲ ﺍﻣﺮﺍﺟﻊ ﻭﺡ
ﻧﺘﺰﻭﺟﻪ
ﻃﻠﻌﺖ ﺍﻣﻲ ﻣﺒﺘﺴﻤﻪ ﻭﻣﻊ ﺳﺎﻋﻪ 10 ﻓﻲ ﻟﻴﻞ ﺩﻕ ﺑﺎﺏ ﺣﻮﺷﻨﺎ ﻭﻓﻲ ﺍﻟﻌﺎﺩﻩ
ﺑﻌﺪ ﺍﻝ7 ﻣﻌﺶ ﻳﺪﻕ ﺍﻟﺒﺎﺏ ﺯﻣﻄﺖ ﺭﻳﻘﻲ ﻭﻗﻠﺖ ﻣﻦ
ﻟﻮ ﻟﻘﻴﻨﺎ ﺗﻔﺎﻋﻞ ﻭﺗﺎﻗﺎﺕ ﻳﻤﺴﺤﻦ ﺍﻟﻜﺒﺪ ﻧﻜﻤﻠﻮ ﺍﻟﻘﺼﻪ ﻭ ﺡ ﺗﻨﺰﻝ ﻋﻠﻲ
ﺻﻔﺤﺘﻲ ﺑﺲ
# ﺟﺮﺟﻴﺮﻩ ﺍﻟﻌﺮﻓﻲ
