لمهم يابنات عدت ساميه تكلم في حد ينقضنا
امراجع: جيبي خاتمي
انا: مش بجوك ياحلو😒
امراجع: زعما ساميه كيف سمعتنا
انا: ماسمعتناش اصلا هي تراقب فيك
امراجع: اسكتي اشكتي صوت كرعين
عصام: جيجي كيف طحتي😍😳
انا: طيحني هال😒😒😒
عصام:😂 عطك حبه اسكتي هاتي يدك
انا: امسك هاك👋🤤
امراجع: وانا ماحد يبي يطلعني😒
انا: خلي ساميه تطلعك
ساميه: اصلا انا جيت
امراجع: اهي اهي جت😂
عصام: هات يدك ياراجل هي نطلعو
# المهم عدينا شور سيارتنا وخايمنا
باتي: تعالي هنا معش تحركي كل مكان تمشيله تسيرلنا مصيبه😒
انا: شن دخلني اذا انتو جبتوني وجهي اشكل
باتي: لا في هذي صدقتي😂
امي: تعالي هنا وفكيني من تمشي ومن الحركه اثبتي توا😒
المهم بعد نقاشنا نا وامراجع في هاذك الحفرة ردينا للزردة وانا نفكر في قلبي هذا❤☹
يحبوني عصام وامراجع والخواتم اشحيتره 😂
باه ونا من نحب 😳 انت ياقلبي من تحب عليش متوهني❤
وفي تلك اللحظات مانجيب علم إلا وسباط امي في وجي
انت يابنت نعيطولك من بدري تعالي كولي مالشوايات
عصام : تعالي انا اللي درتهن😉
امي : تعالي وانتي مغير تخممي تقول ضانيه عشر عويل
انا : ياحبذا😂
جيت عد ودقيت من هذكن الشوايات دقه نين بطني وجعتني
ونشوفلكن مهند العقابي قاعد يحكي مع سامية😡
واللحمة السمحه هذك اقعدت في ارقبتي لابت تنزل لابت ترقا
القيت جنبي حيطة شلتا وحطيت فيها كل قوتي وطلقتا شورهم 😡
شلفطت في راس ساميه😌
قعد اعياط والدنيا شالت وانجلينا جولي(سامية) صرخت تصريخة😂
ونا طبعا منسجمة 😂😂
والباين انه محد شافني لما طلقت الحيطة😂
امراجع: من اللي طلق الحيطة😡 ووجهه امعبى عروق
عصام: مش عارف من وين جت 😳
امي : تعالي ياسامية ايش صار فيك
باتي: لاحول ولا قوة الا بالله ، اكيد شي ولد حرام هاللي طلقها 😡
انا : (بيني وبين نفسي )يارا تريح فكني من تحليلاتك 😂 بنتك اللي طلقتا
مهم طلع راس جديد في جبهة ساميه 😂😂 تكردمت
امي: فيك حاجة واعره يابنتي
سامية : تبكي وقالت ساهلة يا عمتي
جا نزار أخ سامية وحكوله وخذاها وعدو بعد عزايم واجد من امراجع،
بعد مشو جا امراجع راقيله وينفخ 😡
امراجع: والله لو نعرفه نقصه كرعيه 😡
عصام: تي مغير ريحنا ايش دخلك بيها انت😒
امراجع: وانت ايش دخلك 😡
انا: صح صدق عصام ايش دخلك بيها 😒 بالك راهي خطيبتك
امراجع: لا خطيبتي تعرفيها انتي 😒
انا : 🙈🙈
#المهم
عصام وامراجع في بينهم تتشات صارن وتفنيص , وكمل باقي يوم الزرده وساميه وامراجع يشلطو😒
انا: ساعه 7 خلونا نروحو راني هلكت
عصام: فعلا صح
اعطيوه: زرده بشهودها والله اخر مره نزرد معاكم
نط باتي وقاله انا بروحي معش نمشي مع حد فيكم وصارت هرجه وشورخ وشهدن علينا العصافير
#روحنا يابنات وانا جسمي مدقدق زردة بشهودها اصلا
بااتي: انتي يابنت قبل لا تسحبي تعالي نبيك
انا: من قالك نبي نسبح😒 نبي نرقد طول
امي: ولفرش ولفراشات الله يعطيك دعوه
انا: اقطعينا علي طشة هالفرشه توا نتجوز دكتور ونجيبلك محل فرش😡
باتي: تحشمي توا نطلق في راسك شي حاجه
انا: تي نبصر وانتو ماتصدقو😋
باتي: كلمني امراجع وبكره االفاتحه قالي
انا: تي مش اول امس قال مانبيش ولا بمزاجه هوا
باتي: انا ماعنديش علم انه قال مايبيش
انا: لا غير سكتت ومانبيش نغلظ للقلوب بس قالها راه
باتي: ساهل ساهل توا بكرا نتفاهم معاه
انا: بجوكم تخطبوني ولا تزوجني ولا حتي طلقوني مليت كل مره براي
امي: باهي من وينلك هالخاتمين يابنت😒
انا: 😌 من انساباتك
امي: شن😡
انا: تي واحد من عصام او واحد من امراجع
امي: باهي هلي فيه لؤلؤه ذوق من💍
انا: ذوق عصام
باتي: خلاص عدي من جنبي نين بكرا نشوف هالقصه
----------
جيت خشيت فراشي
لقيت كرعي تقول مغطوسات في تنور😒
صبيت وسبحت ولما طلعت , لقيت نقالي يرن , ثاريته من ,(الدكتور زياد)
انا: السلام عليك
زياد: اهلا عليك السلام
انا: شن حالكم وايش اخباركم
زياد: نبيك في موضوع
انا:اليوم لي يمسكني يقولي نبيك في موضوع ايش قصتكم انتو😂
زياد: من لي مسكوك😌
انا: مايمشيش عقلك البعيد
نحكي علي عيلتنا
زياد: اوك تمام , بس ممكن تعطيني عنوان السكن ورقم الحوش لقبكم عشان بكرا بندزلكم امي
انا: عليش دز فيها😒
زياد: تبي تعرف علي امك وفي موضوع بعدها ادعي ربي يسير منه
انا : اوكي تمام بس شن الموضوع
زياد: بكرا نحكيلك يااموره
انا: اموووووره😂👋 وبوي عمري ماسمعتها الله يجبر بخاطرك😂
زياد:😂 بجد دمك خفيف بكل
وصكر يابنات عمكن زياد الخط
وقعدت محتاره بين عصام وزياد وامراجع لي سوده انظاره😂👋 ياعلم
صكرت الخط وقلت صوبه زياد هذا ايريد يخطبني😕اماله عليش بيجيب امه😰
ويرن علي في نفس الوقت عصام
انا: اوو عصوم
عصام: انا يابنت الناس نبيك وشاريك وحكيت عليك توا لباتي وامي , وقالو بكرا توا يجو الهلك ويحكولهم
انا:😳 حتي انت بكري
عصام: كيف صار من في غير بكرا
انا: عصام لو سمحت ماتكلمش هلك نين نسق اوموري وانت عارف مشاعري اتجاه امراجع
عصام: بس امراجع يتكرب
انا: هوا حاكي الباتي وقاله الخطبه بكرا
عصام: وانتي شن رايك
انا: حكيت الباتي وقلتلا يلعب مره يقول نفسخ مره يقول نخطب
عصا:باه وباتك شن قال
انا: قال انه يبي يمشي يحكي معاهم ولله اعلم
عصام: وحتي انا بكرا باتي بيحكي العمي
انا: لو سمحت علشاني صكر النقاش هذا
عصام: بس انا نبيك
انا: امي جت توا نحكو بعدين
عصام: توزعي في بس بجوك💔
انا: لا ياعصام مش هك
عصام: نحكو بعدين باي
انا: باهي براحتك باي💔
#يتبع
#جرجيره
