قلت الزياد الجو مش تمام نبصكر ولحق ماقال شي, هوا صاح يابنات طرف , بس مهما كان ولد عمي كبسني نشلط😂😌
انا: نعم كنك شن في
امراجع: مع من انتظار
انا: انت شن حشرك
امراجع: تي كيف انا ولد عمك راه نهدلك فمك
انا:😌 عندك حق طاقم
امراجع: قلتلك مع من انتظار
انا: نكلم في ال121 مكسده معاهم
امراجع: والله توا هذا نرن علي اعطيوه نقولها له الله واني حلفت
---------
طبعا خفت انا يابنات😳
انا: نحكي مع عصام وانشده
امراجع: هذا كله عصام😡
انا: ماالك بي نبي نعرف
امراجع: ارعي العيب راه فاطنلك
انا: معش تدخل في لو سمحت ارجوك يعني اشقي بواشونك اشقي بحياتك ايسمه هذا😒
امراجع: ياستي تمام رقمك ح نمسحه بس نبي نقولك شي انا مش خاطبك تمام, بس ماتحلميش برضو حد يزفك غيري😌
انا:😳 تقطع بنصيبي
امراجع: اها😌
انا: حتي كان متت😌
امراجع: هازيه صح😌
انا: مانبيش نتجوز نبي ندكتر اصلا😌
امراجع: ندكتر🤔
انا: اها نقعد دكتوره😌
امراجع: حي عليك, توا نبي نصكر, رد بالك نلقي مشغول
انا: امممم باه
-----------------
المهم صكرت الخط ورنيت علي عصام دغري وقلتلا كنت نحكي مع صاحبتي خش علي امراجع وقلتلا راه كنت نحكي معاك رد بالك تكذبني😂 وفعلا عصام مشا معاي الجو , بس حسيته شاك اني ماكنتش نحكي مع صاحبتي😣
------------------------
وعدي هذك اليوم وليوم لي بعده وجاء وقت الوقت لي نمشو فيه الزرده لي مخططها سي امراجع
انا:امي هي بسرعه نبي نطلعو
امي: ارجي يابقره معاطيتني سائل في طاسه بدل الشامبو😡
انا: تي باهي لي جاك هي😂
اعطيوه: ياامي هي حرقتنا الشمس برا
امي: اصبرو ياعدو وخلونا انا ورجعه
انا: اقعدي بروحك ولا هي اطلعي بسرعه
عصام: خلوها براحتها كنكم انتو
انا: سماحة الزرادي في الصبح بدري
عصام: صدقتي بس مادوريش زين خليها تاخذ راحتها وتعالي هدرزي معاي🤤
امراجع: نستاذنكم انا: تفضل ورد الباب وراك ع ذبان
امراجع:😒
انا:😂 بسرعه
عصام: غار😂
انا: مشكلته معش يهمني
عصام:وكان قلتلك انتي تهميني جد شن ح يكون ردة فعلك
انا:😳 عصام لو سمحت , صح في البدايه صار اعجاب بينا , بس توا نعد فيك نفس اعطيوه😍
عصام: لالا مش خوك انا, فكري في كحبيبب وفوتي العايلات , اهم شي رضانا
انا: عصام صكر علي الموضوع😣
امي: هي هي نمشو
انا: باهي لي طلعتي بس طالعه طرف ياحاجه😂
عصام: سمحه ربي يحفظك ياعمتي
امي: سلمك ياعصام🤭
# المهم
ركبنا سيارتنا ولي يسوق بينا امراجع وانا وامي من لاوره واعطيوه من قدام
حاطين اغاني بصوت عالي
انا: كنيبك توطي هالراديو حتي نموتو نخشو لجهنم 😒
امراجع: ع اساس انتي للجنه يعني , انتي من غير اغاني الجهنم
انا: تعلم بلغيب انت😒
اعطيوه: تراه نزلني ياامراجع
امراجع: عليش كنك
اعطيوه: مش ماناقصني وراسي يوجع في وانت وياها مزعجيين
امراجع: غير خليك بس
اعطيوه: لا والله نازل توا
امي: نزلني حتي انا معاه
انا: نزلوني معاكم
امي: انتي الاساس كملو عرايكم وبالك بالمره ديرو حادث نفتكو منكم
اعطيوه: هي ياامي انزلي
انا: وانا😣
اعطيوه: والله مانك نازله هي
امراجع: لا نزلوها فكوني منها
انا: فكتتك من عمرك والله ماني نازله
امي: هي ياعطيوه اهو عصام نركبو معاه
امراجع: هي ياثقيله
انا: تحكي معاي كلمه نسيب حتي انا السياره
امراجع: تي احسن ياريت
انا: ياريت تموت ونفتكو منك😒
امراجع: عنها في راسك اس
المهم
من هنا انا ندعي وهوا يدعي طلعنا مع طريق مش طريق الزرده
انا: تي هي انت وين سيارتنا
امراجع: تي كله منك معش عرفت روحي وين ماشيين
انا: اعترف انت تبي تخطفني صح
امراجع: توا شن فيك ماينخطف بسببك توا ريحنا الطريق بكل
انا: شن دخلني بيك لو انت عازق عيونك في😌
امراجع: يابهيمه انتي تدوي تدوي تدوي نين ريحت الطريق
انا: جيب الهاتف المحمول نتصل بهلي
امراجع: هلنا واسمه موبايل بلا دلع بنات
انا: جرجيره دونك له بليز😌
امراجع: حي عنما مافيش تغطيه
انا: تحكي جد😳
امراجع: الحمدالله اهي بوابه😍
انا: وين وصلنا نحنا انضني طلعنا من ليبيا
امراجع: تسكتي بكل لما نحكي مع الرجاله
انا: احكي😌 بس تقول شي كذب , انكذبك يلاهم عادي راه😌
امراجع: خير ياشباب✋
الشرطي: خير , عطينا اوراقك ياشاب
امراجع: تفضل هذين الاوراق
الشرطي: من لي معاك😒
امراجع: اختي اكيد مش مخطوفه
انا: هي حسبة مخطوفه
الشرطي: قالت انها مخطوفه بسرعه امسكوه
امراجع: تي تكذب والله تكذب😳
انا: 😳 نبصر نبصر
الشرطي: هات دليل انه هذي اختك
امراجع: ماعنديش اوراق الا السياره بس انشدوها
الشرطي: احلفي انك اخته😡
انا: لا مانحلف قالك اخته معناها اخته
امراجع: ياراجل اختي
الشرطي: عطيني دليل انها اختك
انا: بلا دليل شفت كبر خشمه😌
الشرطي: اها شفته😂
انا: خلاص نفس كب ر خشمي😌
امراجع:😡
الشرطي: صدقت لنقانها اربحو هي😂
انا: معليش نحنا توا علي حدود مصر ولا تونس
امراجع: 😡تقدري تسكتي
الشرطي: 😂😂😂😂 انتي توا في المدينه الفلانيه
انا: الحمدالله😌 مازلنا في ليبيا
امراجع: وين الغابه من هنا
الشرطي:امشي طول وخوذ اول لفه علي ليمين تطلع طول علي فتحه تمشي بيها علي يسار
امراجع: اوكي تمام صحيت
-----------------
المهم ردينا من وين ماجينا
امراجع: بلا براده مع العرب
انا: انت البارد لولاي انا وكبر خشمك راه توا قاعدين عند شرطة الاداب
امراجع: 😒😒 تحكي جد😂
انا: والله تخيل منظرنا بس
امراجع: بس نحنا كنا قريب من مدينه كيف مافيش تغطيه
انا: يمكن الشبكه بس
امراجع: اها يمكن
انا: نشم في بنة شياط👃
امراجع: صدقيني هذين شفاشيفك تحت الوشاح
انا: هه 😏 متت ضحك من بختي الاجرب جرجيره ام الشوارب ماحطتني الا معاك😏
امراجع: 😳 شن لدخان لي في السياره هذا يطلع
انا:😳 ينعلي شن هذا 😭 عليك مشيه بشهودها
امراجع: انزلي انزلي نين نشوف هالخاربه
انا: يييي قصه شكلها , دبر نبي هلي
امراجع: ليش مانزلتي معاهم هلك😌
انا: ياريتني نزلت شن عرفني انا تبي تسيرلنا لقطة مسلسل حب اعمي😢
امراجع: جرجيره😂 دونك في وقتنا مافيش حب اعمي😒
انا: شوف السياره واسكت🤧
امراجع:😳 شوفي علي جنبك شن
انا:😍 الله نبي ننزل توا
امراجع: لفعه ياهبله🐍
انا: نبي ننزل قلتلك🌚
امراجع: ياربي هذي شن جابها لي بس🌝
انا: هيا بس يامراجع
امراجع: السياره ولعت🌚😍
انا:جد😍 هي نكمل طريقنا شور الغابه , وانتي يالفعه امك داعيتلك في ليله القدر كان هذا جيت مسكتك
امراجع: شوفي اخره شن جت التغطيه😍
انا: تحكي جد😍 خن نرن علي عصام
امراجع: علي من ترني
انا: علي عصام😍😌
امراجع: اها باه
انا: ليش انت تغار منه😌
امراجع: انا مانغرش علي حد مايحبنيش
انا: وافترض اني انا نحبك
امراجع: مانحبش نفترض قوليلي انتي تحبيني او لا
انا: مش عارف فوت خلاص
امراجع: شفتي انتي😊 بجوك تمام
انا: انهي انرن علي عصام, الو عصومي وينكم نحنا رحنا
عصام: نجك لي خفت عليك قصدي عليكم
انا: لا ماتخفش رحنا ومسكتنا بوابه وبسبب خشم امراجع طلقتنا , وبعدها دخنت السياره , الو الو الو , يييي التغطية راحت
امراجع: 😒 خشمي خير من خشمك ياصامطه
انا: 😂😒 وجعاتك شي
امراجع: لا بس لي يتصل بيك ولا يشوفك تحكي معاه بتفاصيل الممله لنقانك صامطه وحتي ولد سيدك صامط😒
انا: لا عاد عيب😒 الا التقريم
امراجع: تي نقول فيها في وجه , وبعد درتيها توا انا نبي نرقد شوي
انا: لا نبي نمشي لهلي كنك انت
امراجع: اجديني بسرعه
انا: لا ياصامط نموت ولا نديرها
امراجع: نبي نرقد باي هي😴
انا: حسبي الله فيك , ارجوك استاذ امراجع شيلنا الهلي
امراجع: الله علي الادب😌 تحسيني راجلك😌
انا: بعيد السو 😒
امراجع: نرقد راه
انا: لا خلاص ارجوك سيد امرااجع شيلنا الهلي
امراجع: 😂😂😂😂 ناس ماتجي الا بلعين الحمره, وياريت يلي تابعن في جرجيره ادعمنها في المسابقه عارفتها كلت اوجوهكن بس علشاني😌
#يتبع
#جرجيره
تاقات يابنات ومشاركه للقصه واهو الرابط لي قاللكن عليه امراجع😂
