طبعا يابناتي
مرت الايام وجا يوم الجمعة🌺🌺
امي: هيا نوضي ياعروستنا 😊
انا : همتيمنع😴
امي: فزي يابنت فيش تقولي 🤔
انا : تي خليني راقده ونحنا صارلنا مصار الشحاته وبنتا 😣
امي : من الشحاته وشلطتني بتوبو الغاز اللي في يدها 😡
انا : وااااااو يا امي😫 تي عروس كنك هك انتي
امي : هيا هيا النهار راح توا الساعة 8 وعماتك وخالاتك جايات فالطريق😡
مهم مشيت دوشت وروقت وجيت قعدت جنب امي وخالتي زاهية
طبعا خالتي زاهية كبيرة وعقلها مرة يجي مرة يمشي وكلمه تسمعها وكلمة لأ
انا : شخبارك ياخالتي ايش دايره 😊
زاهية: والله مادرت بصيرة قبل نبي نفتل كسكسو لكن ما قلتوها لي إلا البارح 🤔
انا : 😂😂😂مغير تبقي طيبة ياخالتي اهم شي حضورك 😘
خش باتي ومعاه عطيوه جايبين حولي
باتي : خش يا اعطيوه اذبح وقطع اللحم اكبار
امي : عليش هذا كله
باتي : عشان هالشكله 😂 توا يجو عمامها كلمتهم للغدا عشان يكونو واتيين، الفاتحة بعد العصر
امي : لولولولولي
زاهية : بحتت في وقالتلي اتريد تجوزي 😂
انا : انحرجت قدام باتي😂😂 ايش خطرلك ياخالتي
زاهية: قعدت تغني بالعلم
مبروك ياعزيز عليك،، ادراجك اللي ماشيلهن 😊
امي تزغرت وخشن عماتي يصفقن والحوش انقلب 😂😂
خشيت لداري نشوف لنقالي لقيت 8 مكالمات من امراجع وعصام وزياد
ونا طبعا رايقة ونبي نهزبهم كلهم 😂
بديت بزياد
زياد : الو صباح الخير ياعيوني 😍
انا : يا انت ريحني وفكني من كلامك السمح هذا🙊
زياد : الكلام السمح يطلع بروحه لما نسمع صوتك 😚
انا : يارا اركح 🙈
زياد : 😂😂😂😂 هذا اكثر شي عجبني فيك حناطتك وكنت مكلمك نبي نطمن عليك ونسمع صوتك
انا : بخير الحمد لله
زياد : تمام نسيبك توا اكيد حوسة عندكم ونا طالع للمستشفى كلموني
انا : مستشفى يوم الجمعة عليك قل هناء 🙄
زياد : الله غالب شكله في حالة مستعجلة
انا : تربح ربي يوفقك بس القصة هذه فكني منها بعد الزواج 😒
زياد : حاضر اللي تبيه كله يصير 😂😂
صكرت الخط ورنيت علي امراجع
انا : ايواه مرحبا سي جعجع 🤨
امراجع: كنك تحكي هك 😣
انا: شنو تبي عالصبح
امراجع: يعني هذا كله مزلتي زعلانة مني 😣
انا : لا مش زعلانة انا عرفت كل حد على حقيقته
امراجع: وشنو حقيقتي اللي عرفتيها
انا: انك متاع مادة وماعمرك حبيتني بس عشان ممتلكاتنا بس 😉
امراجع: ويش فيها لما تكوني مراتي، رزقنا حيكون واحد
انا : 😳😳 مزلت تحكي في نفس الكلام ، يعني تتمنى في بوي يموت باش نورثه وتستفيد
امراجع: الأعمار بيد الله وهذه سنة الحياة
انا : 😭😭 خطاني خطاني انت طلعت نذل وماعمرك حبيتني
امراجع: ويش فيك من حاجة تنحب 🤔
انا : خلاص اسكت قهرتني وصكرت في وجهه 😭
😭😭😭 قعدت نبكي ومقهورة
رن النقال شفت لقيته عصام
انا : الو عصام كنكم هك انتو معقولة النذالة هذه 😭😭😭😭
عصام : كنك يابنت عمي من مزعلك وليش تبكي 😨
انا : انت وامراجع متفقين علي واللي بياخذني منكم يستفيد من رزقنا بعد يموت باتي 😭😭😭😭
عصام : 😳😳 صكري فمك معقول تحكي هك على عمي ، ربي يحفظه ويطول بعمره
انا : يعني انت ماتفكر هك 😥
عصام : تي كنك انت مهبوله ولا شنو ينعل بوهن الفلوس مايفكر هك غير النذل 😕
انا : امراجع 😭
عصام : كنه امراجع
انا : طلع نذل ياعصام 😭
عصام : كنه ايش دار 😌
انا: طلع مايحبنيش ويبيني بس عشان ممتلكاتنا واراضينا 😣
عصام : ممتلكاتكم هذه ساكنه عليها 😂😂 بعدها باه اللي فهمتي
انا : عليش تضحك 🙄 وشنو الي فهمته
عصام : شي ، كلمتك نبي نقولك كلمة بس
انا : لا احكيلي قبل شنو اللي فهمته 😫
عصام : مرة اخرى نحكيلك 😒 توا اسمعيني
انا : ها ايش تبي
عصام : انا نبيك يارجعة 💔
انا : احكيلي ولا متفقين انت وهوا😒
عصام : شنو متفقين كنك انتي 😥
انا : هذا اللي نشوف فيه ويلا توا نبي نسكر ونوتي روحي خطوبتي اليوم 😌
عصام : اصبري ياجيجي مزال عندي كلام 💔
وهو امراجع حكالي بس متفهميش خطأ
انا : يعني متفقين😳 هيا سلام وصكرت الخط
خشت خالتي زاهية بحتت في وقالتلي من انتي😳
انا : 😂 انا رجعة ياخالتي
زاهية: ويش جيبك لداري انتي😣
انا : 😂ياخالتي انتي اللي في داري راهو
زاهية : اسملاهي الكريم ويش جابني نا هنا 🤨
انا : بختي😂
زاهية : بختك سمح اللي قالولي ثلاث رجاجيل يريدوك 😒
انا : حكتلك امي 😕
زاهية : اه حكتلي ونا يابنيتي نريد نحكيلك 😥
زمانات عندنا فالنجع كانت فيه وليه جيعانه هي وولدها والحالة ساعتا حالة فقر والعالم كله يسرق من بعضه
انا : تقعدت وقلت باه🙄
زاهية: اللي هو عد خش راجل لخيمتا ويريد يسرق شي حاجة توتكل 😭
انا: ينعلي اكيد قعدت تصرخ😫
زاهية: لا ماصرخت، ولدها هو اللي قعد يبكي مالجوع 😭
قالت لولدها اسكت ياوليدي اهو عمك كان لقا حاجه توتكل سا يعطيك
انا : طيح سعدها باه اللي ماقتلها😭
زاهية : طلع الراجل وغاب قيس ساعة ورد عليها في خيمتا وجابلها شعير وقطعة لحم وقاللها عطيها لبناخيي
انا : انقنه راجل😍😍
زاهية : الله يربحك ديمه
انا : ونا كده استفدت ايه 🤔
زاهية : والله عد ازرقت هالقصة ماني عارفه كيف
انا: 😂😂😂😂😂 اطلعي برا
زاهية: وين نطلع ماني مانيش في حوشي وقاعده بره🌚
انا: ينعلي باهي عدي خشي
زاهيه: تلزي في يابنت القرده
امي: 😳 من لي قرده
زاهيه: بنتك هذي امها قرده , مش انتي قصدي بس امها مش بشريه😂
امي: 😂😂😂 صدقتي هالله
انا: باه برا علشان مانقعدلكنش شمبانزي جد توا🌚
امي: هي زاهيه, فكينا من هالهبله🌚
-----------
وجاء وقت لي يعدو الرجاله للجامع علشان يقرو الفاتحه
انا: يارب سهلي, يارب يكون قراري صائب , يارب مانكونش ظلمت لا امراجع لا عصام
-------------وبنات الجامع جنبنا, والتمو العرب كلهم ونقالي يرن امراجع يرن عليك😌لا عاد موهكذيش , امراجع يتصل بك
انا: نعم كنك ياولد عمي😊
امراجع: الفاتحه هذي مش ح يسير منها
انا: وعليش ان شاء الله
امراجع: لانك انتي من زمان معروفه لي
انا: قلتها بروحك , زماااااان
وباي توا😒
*صكرت الخط من امراجع رن عصام اخره
انا: نعم ولد عمي😊
عصام: انا والله نبيك قولي لا قبل يفوت الاوان
انا: جرجيره شن يفوت لاوان ماعرفتهاش🌚عاودي النص ياحنه😒
عصام: انا والله نبيك قولي لا قبل لا تنقرا الفاتحه وتزرطي
انا: خلاص ياعصام , والله ماترقق عزمي, انت تقول امراجع طامع فيك وامراجع يقول عصام طامع فيك
عصام: انا باتي دكتور واملاكنا اكثر , مش كل شي ماده راهو
انا: سااامحني البراني خير
عصام: تقتليني لو وافقتي
انا: بس انا خذيت قراري خلاص سامحني
عصام: لو انتي راضيه انا مسامح هي سلام
انا: عصاااام
عصام: نعم
انا: تبكيش ارجوك
عصام: مش مهم ازوجت الدهر ان شاء الله😊💔
انا: سلمك سلام
---------------
بعد نص ساعه من الاتصاال 👇
جا عطيوه خش علينا وقالي الف مبروك 😍😍😍
انا : 🙈🙈 يبارك فيك وعقبالك
امي : العقبة لعطيوه العسل،، يجيب عروسه فوق جمل 🐫
وبدت الطحنة😂
ونحنا في تلك اللحظات نسمعوا في اسلاح برا وقلنا اكيد هضوم هل زياد😍
ونا نسمع ف صوت عصام 😳
طلعت لقيته يقوللهم والله مايزفها غيري 😳
منظره مش طبيعي وهو يعيط فالشارع😳
اعطيوه: عصام كنك تقول سكران 😳
عصام : كل يوم نسكر وقاعدلكم هنا قدام الحوش 💔 رجعة لي نا
عمي مازن: امشي قدامي للحوش توا نوريك 😡اعطيوه : باه اللي العرب عدو قبل ما يجي عصام
انا : هذا كله عشان قطعة الارض اللي تبو تقاسموها انت وسي امراجع😒
عصام: لا وانتي الصادقة هذا كله عشان قطعة من قلبي تبي توتخذ مني💔
#يتبع
#جرجيره
شاركن القصه وديرن تاقات
