ﻟﻤﺎ ﻟﻘﻴﺖ ﺍﻣﻲ ﻣﻄﻠﻌﻪ ﻃﻨﺎﺟﺮ ﻭﺍﻟﺨﺒﺮ ﻛﻠﻪ ﻣﻦ ﺍﻟﻤﺨﺰﻥ ﺗﺄﻛﺪﺕ ﻭﺍﻳﻘﻨﺖ
ﻭﻋﺮﻓﺖ ﺍﻧﻪ ﺍﻣﺮﺍﺟﻊ ﺣﻴﻜﻮﻥ ﺧﻄﻴﺒﻲ ﻻ ﻣﺤﺎﻟﻪ
ﻣﻊ ﺩﻗﺖ ﺍﻟﺒﺎﺏ ﻗﻠﺖ ﻣﻦ
ﺍﻣﺮﺍﺟﻊ : ﺍﻓﺘﺤﻲ ﻳﺎﺑﻨﻴﻪ
ﺍﻧﺎ : ﻣﻦ ﺍﻧﺖ ﻋﻠﺸﺎﻥ ﻧﻔﺘﺢ
ﺍﻣﺮﺍﺟﻊ : ﺗﻲ ﺍﻧﺎ ﺟﻌﺠﻊ ﻭﻟﺪ ﻋﻤﻚ ﻳﺎﺟﻴﺠﻲ
ﺍﻧﺎ : ﻣﺎﺳﻤﻌﺘﺶ ﻣﺎﻧﺴﻤﻌﺶ ﻣﺎﻧﺮﻳﺪﺵ ﻧﺴﻤﻊ ﻭﺧﺸﻴﺖ ﻭﺻﻜﺮﺕ ﺍﻟﺒﺎﺏ
ﻭﻧﺴﻤﻌﻠﻜﻦ ﻓﻲ ﻫﺎﻟﺒﺎﺏ ﻳﺪﻕ ﻭﺍﻟﺠﺮﺱ ﻳﺮﻥ ﺩﺭﺕ ﺭﻭﺣﻲ ﻣﺎﻧﺴﻤﻌﺶ ﻣﻦ
ﺍﻻﺧﻴﺮ
ﻣﻊ ﻃﻠﻌﺖ ﺍﻋﻄﻴﻮﻩ ﺧﻮﻱ ﻭﻛﻴﻒ ﻭﺍﻋﻲ ﻣﻦ ﺍﻟﻨﻮﻡ ﻭﻻﺑﺲ ﻛﻨﺘﻴﺮﺍ ﻋﻠﻲ ﺳﺮﻭﺍﻝ
ﻋﺮﺑﻲ ﺭﺻﺎﺻﻲ ﻧﺬﻛﺮﻫﺎ ﻭﻗﺎﻝ ﻣﺎﺗﺨﻠﻮﺵ ﺣﺪ ﻳﺮﻗﺪ ﺗﻲ ﺷﻦ ﻫﺎﻟﻌﻴﺸﻪ ﺍﻟﺴﻮﺩﻩ
ﻭﺍﻧﺘﻲ ﻳﺎﺑﻼﺀ ﻣﺎﺗﺴﻤﻌﻴﺶ ﻓﻲ ﺍﻟﺒﺎﺏ ﻃﺒﻌﺎ ﺍﻟﺒﻼﺀ ﻫﺬﻱ ﻣﻘﻴﻮﻟﻪ ﻟﻲ ﺍﻧﺎ , ﻳﻼ
ﻣﺎﻋﻠﻴﻨﺎ ﻣﻨﻪ ﻳﺤﺴﺎﺏ ﺭﻭﺣﻪ ﻣﺎﻋﻨﺪﻩ ﻋﻀﻼﺕ ﻭﻟﺤﻴﻪ ﻏﻴﺮ ﻫﻮ
ﺍﻧﺎ : ﻓﺎﺿﻴﺘﻠﻜﻢ ﻧﺎ ﻧﻔﺘﺢ ﻭﻧﺼﻜﺮ ﻭﻧﺸﻬﻮﻱ ﻣﻠﻴﺖ ﻣﻠﻴﺖ
ﺍﻋﻄﻴﻮﻩ : ﺍﺻﺒﺮﻱ ﺑﺲ ﻏﻴﺮ ﻧﻔﺘﺢ ﺍﻟﺒﺎﺏ ﺗﻮﺍ ﻧﻮﺭﻳﻚ ﻋﻠﻲ ﻋﻠﻮﺓ ﺍﻟﺼﻮﺕ
ﺍﻧﺎ : ﺍﻋﻼ ﻣﺎﻓﻲ ﺧﻴﻠﻚ ﻭﺍﺭﻛﺒﻪ ﻭﻗﻌﺪﺕ ﻧﺨﻄﺐ ﻳﺎﺭﻳﺘﻪ ﺍﻣﺮﺍﺟﻊ ﻳﺘﺰﻭﺟﻨﻲ ﺣﺘﻲ
ﺍﻟﺰﻭﺍﺝ
ﻭﻧﺴﻤﻌﻠﻜﻦ ﺧﻮﻱ ﺑﺮﺍ ﻳﻘﻮﻝ ﺍﻧﺴﺘﻮ ﺍﻧﺴﺘﻮ ﺷﺎﻑ ﻣﻦ ﻋﺎﺷﻜﻢ ( ﻋﺎﺵ ﻣﻦ
ﺷﺎﻓﻜﻢ ) ﻟﻜﻢ ﻭﺣﺸﻪ ﻟﻨﻘﺎﻧﻲ ﺿﺮﺑﺖ ﺍﺳﺪﺍﺳﻲ ﻓﻲ ﺍﺧﻤﺎﺳﻲ ﻭﻗﻠﺖ ﻻ ﻣﻌﻘﻮﻟﻪ
ﺍﻋﻄﻴﻮﻩ ﻳﻘﻮﻝ ﻟﻤﺮﺍﺟﻊ ﻫﻚ ﻻﻻ ﺍﻛﻴﺪ ﺍﻧﺎ ﻭﺍﻫﻤﻪ
ﺟﻴﺖ ﻧﺠﺮﻱ ﻣﻦ ﻋﻨﺪ ﺭﻭﺷﻦ ﺍﻟﻤﻄﺒﺦ ﻭﺯﺭﻗﺖ ﻋﻴﻨﻲ ﻣﻦ ﻉ ﺯﺍﻭﻳﺔ ﺍﻟﺮﻭﺷﻦ
ﻭﻧﺸﻮﻓﻠﻜﻦ ﻫﺬﻙ ﺍﻟﺸﻮﻓﻪ ﻳﺎﺑﻨﺎﺕ ﺍﻟﻠﻬﻢ ﺍﻧﻲ ﺻﺎﻳﻤﻪ
ﺛﺎﺭﻳﺘﻪ ﺣﻨﻲ ﺣﺎﻛﻴﻪ ﺍﻟﻌﻤﻲ ﻟﻲ ﻓﻲ ﺍﻟﺨﺎﺭﺝ ﻣﻦ ﺧﻼﻝ ﺍﺳﺒﻮﻉ ﻗﺒﻞ ﺣﺘﻲ ﻻ ﺍﻧﺎ
ﻧﻨﻄﻘﻬﺎ ﻭﻧﻘﻮﻝ ﻣﻮﺍﻓﻘﻪ , ﻗﺎﻳﻠﺘﻼ ﺗﻌﺎﻝ ﻭﺍﺣﻀﺮ ﺧﻄﺒﺔ ﺟﻴﺠﻲ ﻭﺟﻌﺠﻊ ,
ﻣﺎﻋﻠﻴﻨﺎ ﻣﻨﻬﺎ ﺗﺤﺐ ﺗﺸﻮﺭﺥ ﺷﻮﻱ ﻭﻃﻴﺒﻚ ﺷﻮﺭﺧﻪ
ﻳﺨﺶ ﻋﻤﻲ ﻣﺎﺯﻥ ﻭﻣﻌﺎﻩ ﺿﻨﺎﻩ ﺍﻟﺨﻤﺴﻪ
ﻋﻤﺮ, ﻋﺼﺎﻡ , ﻋﺒﺪﺍﻟﻠﻪ , ﻋﻠﻲ , ﻋﺎﺩﻝ
ﻭﺍﻧﺎ ﻧﺘﻔﺮﺝ ﻭﻧﻘﻮﻝ ﻻ ﺍﻛﻴﺪ ﺍﻧﺎ ﻓﻲ ﺣﻠﻢ
ﺑﺲ ﻓﻲ ﻟﻘﻄﻪ ﺻﺎﺭﺕ ﻋﺮﻓﺖ ﺍﻧﻲ ﻣﺶ ﻓﻲ ﺣﻠﻢ ﻭﻫﺬﺍ ﻭﺍﻗﻊ ﺍﻣﺮﺍﺟﻊ ﻓﻲ
ﺟﺮﺗﻬﻢ ﻭﻻﺑﺲ ﺻﺒﺎﻁ ﺍﺻﺒﻊ
ﺧﺸﺶ ﺍﻋﻄﻴﻮﻩ ﺿﻨﺎ ﻋﻤﻲ ﻟﻲ ﻣﺎﻋﻤﺮﻳﺶ ﺷﻔﺘﻬﻢ ﻭﻧﺴﻤﻊ ﻓﻲ ﺍﻣﻲ ﺗﻀﺒﻂ
ﻭﺗﺤﺐ ﻭﺍﻧﺎ ﻧﻘﻮﻝ ﻳﺎﺭﻳﺘﻨﻲ ﺍﻧﺎ
ﻋﺪﻳﺖ ﻧﺠﺮﻱ ﻛﻲ ﺍﻟﻬﺒﻠﻪ ﻭﺩﺭﺕ ﻗﻬﻮﻩ ﻭﻓﺘﺤﺖ ﺣﻔﺎﻇﺔ ﺍﻟﺴﻠﻚ ﻓﻴﻬﺎ ﻛﻴﺲ
ﺍﺳﻮﺩ ﻓﻴﻪ ﻣﻌﻤﻮﻝ ﺗﻘﻮﻝ ﺍﻳﺶ ﻭﻓﺘﻠﻜﺖ ﻫﺬﻙ ﺍﻟﺴﻔﺮﻩ , ﻭﻣﻌﺶ ﻋﺮﻓﺖ
ﻛﻴﻒ ﻧﻜﻠﻢ ﺍﻋﻄﻴﻮﻩ ﻭﻻ ﺍﻣﻲ
ﻗﻌﺪﺕ ﺍﻧﺘﻨﺤﻨﺢ ﻭﺗﻘﻮﻝ ﺍﺣﻤﻤﻢ ﺍﺣﻤﻤﻢ ﺍﺣﻤﻤﻢ ﺍﺣﻤﻤﻢ , ﻣﺎﺻﺎﺭ ﺷﻲ ﻣﺎﻓﻴﺶ
ﺍﻱ ﺣﺪ ﺭﺩ , ﻑ ﻣﺎﻓﻴﺶ ﺣﻞ ﻏﻴﺮ ﺍﻧﻲ ﻧﻨﻄﻖ , ﺷﻮﻱ ﻗﻠﺖ ﺑﺼﻮﺕ ﺭﻗﻴﻖ ﻓﺮﻗﺖ
ﺣﺎﻝ ﻧﺎﻧﺴﻲ ﻗﺪﺍﻣﻲ ﻭﻗﻠﺖ ﺍﻋﺘﻴﻮﺍ ﻣﻦ ﻛﺜﺮ ﺍﻟﺮﻗﻪ ﺣﺘﻲ ﺍﻟﻄﺎﺀ ﻣﺎﻧﻄﻘﺘﻬﺎﺵ
, ﻭﻧﺸﻮﻓﻠﻜﻦ ﻫﺬﻙ ﺍﻟﺸﻮﻓﻪ ﻳﺎﺑﻨﺎﺕ
ﻃﺒﻌﺎ ﺑﺎﺏ ﺍﻟﻤﺮﺑﻮﻋﻪ ﻛﺎﻥ ﻣﺮﺩﻭﺩ ﻣﺎﻧﺤﻘﻠﻜﻦ ﺍﻻ ﻫﺬﻙ ﺍﻟﺴﺎﻕ ﺩﻑ ﺍﻟﺒﺎﺏ ﻋﻠﻲ ﻗﻮ
ﻗﻮﺗﻪ , ﻗﻠﺖ ﻓﻲ ﺳﺮﻱ ﺍﻟﺴﺎﻕ ﻫﺬﺍ ﻣﺶ ﻏﺮﻳﺐ ﻋﻠﻲ ﻓﻌﻼ ﻳﺎﺑﻨﺎﺕ ﻃﻠﻊ
ﺳﺎﻕ ﺍﻣﺮﺍﺟﻊ ﺑﺤﺖ ﻓﻲ ﻭﻗﺎﻟﻲ
ﺍﻣﺮﺍﺟﻊ : ﻫﺎﺗﻲ ﺍﻟﺴﻔﺮﻩ ﻭﻓﻜﻴﻨﻲ ﻣﻦ ﺍﻟﻤﺒﺎﻭﻋﻪ ﺣﻘﻴﺘﻬﺎ ﻋﻴﻨﻚ
ﺍﻧﺎ : ﻭﻭﻭﻩ ﻋﻠﻴﻚ ﺗﺮﻛﻴﺰ ﻃﻴﺢ ﺳﻌﺪﻙ
ﺍﻣﺮﺍﺟﻊ : ﻫﺎﺗﻲ ﺍﻟﻘﻬﻮﻩ ﻭﺧﺸﻲ ﺟﻮﺍ ﺭﺍﻩ ﻧﺤﻘﻚ ﺑﺮﺍ ﻧﺤﻒ ﻛﺮﻋﻴﻚ ﺣﻒ
ﺍﻧﺎ : ﺗﺤﻒ ﺍﻳﺴﻤﻪ
ﺍﻣﺮﺍﺟﻊ : ﺍﻫﺎ
ﺍﻧﺎ : ﻭﺍﻟﻠﻪ ﻧﺤﺮﺵ ﻓﻴﻚ ﺑﺎﺗﻲ
ﺍﻣﺮﺍﺟﻊ : ﻣﺎﺷﻲ ﻧﺸﻴﻞ ﻓﻲ ﺍﻟﻘﻬﻮﻩ ﻭﻧﺎ ﺣﺬﺭﺗﻚ
ﺧﺸﻴﺖ ﻟﻠﻤﻄﺒﺦ ﻭﻓﻘﺪﺕ ﺍﻻﻣﻞ ﺑﻜﻞ ﺍﻧﻲ ﻧﺸﻮﻑ ﺍﻟﺸﺒﺎﺏ ﺍﻟﺨﻤﺲ
ﻭﺣﻄﻴﺖ ﻛﺮﺍﻉ ﻋﻠﻲ ﻛﺮﺍﻉ ﻭﻳﺪﻱ ﻋﻠﻲ ﺧﺪﻱ ﻭﻗﻌﺪﺕ ﻧﺘﺬﻛﺮ ﻓﻲ ﻭﺟﻪ ﻋﻤﺮ
ﻭﺍﺧﻮﺗﻪ ﻭﻗﻠﺖ ﻓﻲ ﺳﺮﻱ ﻃﺒﻌﺎ ﻟﻴﺶ ﻣﺶ ﻋﺼﺎﻡ ﻭﻻ ﻋﻠﻲ ﻭﻻ ﻋﻤﺮ
ﻫﻮﺍ ﻟﻲ ﻳﺨﻄﺒﻨﻲ ﺑﺲ ﻫﺎﻟﺪﻧﻴﺎ ﺩﻳﻤﺎ ﻣﺎﺷﻴﻪ ﺑﺎﻟﻤﻘﻠﻮﺏ ﻭﻛﻨﺖ ﺳﺎﻫﻴﻪ
ﻭﻃﻴﺒﻚ ﺳﻬﻮﻩ
ﺧﺶ ﻋﻠﻲ ﻋﺼﺎﻡ ﻭﻗﺎﻟﻲ ﺍﻟﺴﻼﻡ ﻋﻠﻴﻜﻢ
ﻗﻠﺖ ﻓﻲ ﺳﺮﻱ ﺍﻧﺎ ﻓﻲ ﺣﻠﻢ ﻭﻻ ﻋﻠﻢ
ﻋﺼﺎﻡ : ﺍﻟﺴﻼﻡ ﻋﻠﻴﻜﻢ ﻭﻻ ﻣﺎﺗﻔﻬﻤﻴﺶ ﻓﻲ ﺍﻟﻌﺮﺑﻲ
ﺍﻧﺎ : ﻋﻠﻴﻚ ﺍﻟﺴﻼﻡ ﺑﺲ ﺍﻧﺖ ﻣﻦ , ﺩﺭﺕ ﺭﻭﺣﻲ ﻧﺴﺘﻌﺒﻂ ﻋﺎﺩ
ﻋﺼﺎﻡ : ﺍﻧﺎ ﻋﺼﺎﻡ ﻭﻟﺪ ﻋﻤﻚ ﻣﺎﺯﻥ ﻟﻲ ﻧﺴﻜﻨﻮ ﺑﺮﺍ ﻋﺮﻓﺘﻴﻨﻲ ﻳﺎﻃﺸﻪ
ﺍﻧﺎ : ﺑﺴﻼﻣﺘﻚ ﻣﺎﻧﻌﺮﻓﻜﺶ ﺑﺲ ﻭﻋﻠﻴﻚ ﺍﻟﺴﻼﻡ
ﻋﺼﺎﻡ : ﻻﻧﻚ ﺑﻴﺒﻲ ﻣﺎﻋﺮﻓﺘﻨﻴﺶ
ﺍﻧﺎ : ﻣﺎﺑﻴﺒﻲ ﻭﻻ ﻭﺍﻟﻲ ﻓﻲ ﻫﺎﻟﺪﻧﻴﺎ ﻣﺎﻧﻜﻢ ﺟﺎﻳﻴﻦ ﻋﻠﺸﺎﻥ ﺧﻄﺒﺘﻲ
ﻋﺼﺎﻡ : ﺻﺢ ﺻﺢ ﻓﻌﻼ ﺑﺲ ﺟﺮﻳﻤﻪ ﺍﻧﻚ ﺗﺮﺗﺒﻄﻲ ﻭﺍﻧﺘﻲ ﺍﻟﻤﻔﺮﻭﺽ ﻣﺎﺯﻟﺘﻲ
ﺗﻠﻌﺒﻲ ﻓﻲ ﺍﻟﺸﺎﺭﻉ
ﺍﻧﺎ : ﻭﺍﻟﻠﻪ ﻳﺎﻋﺼﺎﻡ ﺍﻧﻚ ﺻﺎﺣﺐ ﻋﻘﻞ ﻭﺻﺪﻗﺖ ﻭﺍﻟﻠﻪ ﺑﺲ ﻫﺎﺕ ﻣﻦ ﻳﻔﻬﻢ
ﻋﺼﺎﻡ : ﻟﺤﻈﻪ ﻣﻌﻠﻴﺶ ﺧﻠﻴﻚ ﻭﻋﻴﻂ ﻟﺨﻮﻩ ﻋﻤﺮ
ﻋﻤﺮ : ﺍﻳﻮﺍ ﻧﻌﻢ ﻛﻨﻚ ﻳﺎﻋﺼﺎﻡ
ﻋﺼﺎﻡ : ﺗﻌﺎﻝ ﺳﻠﻢ ﻋﻠﻲ ﺭﺟﻌﻪ ﺑﻨﺖ ﻋﻤﻮ
ﻋﻤﺮ : ﻣﺸﺎﺀ ﺍﻟﻠﻪ ﻣﺸﺎﺀ ﺍﻟﻠﻪ ﺭﺟﻌﻪ ﺣﻠﻬﺎ ﻛﺒﺮﺕ ﺍﻫﻼ ﺍﻫﻼ ﻭﻣﺪﻟﻲ ﻳﺪﻩ
ﺍﻧﺎ ﺟﻴﺖ ﺑﻨﻤﺪ ﻳﺪﻱ ﻭﻗﻠﺒﻲ ﻳﺪﻕ ﺑﻜﻞ
ﺗﻲ ﻣﺪﻳﺘﻬﺎ ﺧﻼﺹ ﻭﻳﺠﻲ ﺍﻣﺮﺍﺟﻊ ﻗﺪﺍﻣﻲ ﻭﻳﻘﻮﻟﻪ ﺍﻟﻮﻟﻴﻪ ﻣﺎﺗﺴﻠﻤﺶ ﻳﺎﻋﻤﺮ
ﺍﻧﺎ : ﻻ ﻧﺴﻠﻢ ﻣﻦ ﻗﺎﻝ ﻣﺎﻧﺴﻠﻤﺶ
ﺍﻋﻄﻴﻮﻩ : ﻫﻬﻬﻬﻬﻪ ﺍﻣﺮﺍﺟﻊ ﺑﺪﺍ ﻳﻐﺎﺭ
ﻋﻤﺮ : ﻫﻬﻬﻬﻬﻪ ﻣﻌﻘﻮﻟﻪ ﻭﻟﺪ ﻋﻤﻬﺎ ﻭﺍﺫﺍ ﺳﻠﻤﺖ ﻋﻠﻴﻬﺎ ﻭﻫﻲ ﺑﻴﺒﻲ ﺍﺻﻼ ﻣﻔﺮﻭﺽ
ﺟﺒﺘﻠﻬﺎ ﺷﻮﻛﻼﻃﻪ
ﻋﺼﺎﻡ : ﺍﻧﺎ ﺟﺒﺘﻠﻬﺎ ﻫﺪﻳﻪ ﺣﻠﻮﻩ
ﺍﻣﺮﺍﺟﻊ : ﻋﺼﺎﻡ ﻋﻤﺮ ﺑﻼ ﺣﻨﺎﻃﻪ ﻋﺎﺩ
ﺍﻧﺎ : ﺑﺼﺮﺍﺣﻪ ﺩﻣﻜﻢ ﺧﻔﻴﻒ ﻳﺎﺿﻨﺎ ﻋﻤﻲ ﻛﻤﻠﻮ ﻛﻤﻠﻮ ﺷﻦ ﺟﺒﺘﻮﻟﻲ ﺍﺧﺮﻩ
ﺍﻣﺮﺍﺟﻊ : ﻓﻮﺗﻮﻫﺎ ﻭﺗﻌﺎﻟﻮ ﻧﻔﺴﺤﻜﻢ ﻓﻲ ﻣﺰﺭﻋﺘﻨﺎ
ﺍﻧﺎ : ﻻ ﺧﻠﻴﻬﻢ ﻧﺒﻲ ﻧﺪﻳﺮ ﻋﺼﻴﺪﻩ
ﺍﻣﻲ : ﻭﻳﻦ ﻋﻤﺮﻙ ﺩﺭﺗﻴﻬﺎ ﺍﻧﺘﻲ
ﺧﺬﻳﺖ ﺍﻣﻲ ﻋﻠﻲ ﺟﻨﺐ ﻭﻗﻠﺘﻠﻬﺎ ﺍﻧﺘﻲ ﻻﺯﻡ ﺗﻨﻄﻘﻲ ﻭﺗﺤﻜﻲ ﻫﻚ ﺗﺒﻲ
ﺗﻄﻠﻌﻴﻨﻲ ﺑﺎﻳﺮ ﻗﺪﺍﻡ ﺍﻣﺮﺍﺟﻊ ﻃﺒﻌﺎ ﺍﻧﺎ ﻧﺒﻴﺶ ﻋﺼﺎﻡ ﻭﻋﻤﺮ ﻳﺸﻮﻓﻮ ﺍﻧﻲ
ﺑﺎﻳﺮﻩ
ﺻﺪﻗﺖ ﺍﻣﻲ ﺍﻟﻤﻮﺿﻮﻉ ﻭﻗﻠﺘﻠﻬﻢ ﺻﺢ ﺻﺢ ﺧﻠﻴﻜﻢ ﺗﺎﻛﻠﻮ ﻋﺼﻴﺪﻩ ﻭﻋﺪﻭ
ﻃﻠﻌﻮ ﻋﺼﺎﻡ ﻭﻋﻤﺮ ﻭﻋﻄﻴﻮﻩ ﺷﻮﺭ ﺑﺎﻗﻲ ﺍﻟﺸﺒﺎﺏ ﻭﻃﻠﻌﺖ ﺍﻣﻲ ﻃﻨﺠﺮﺗﻬﺎ ﻭﺑﺪﺕ
ﺗﻌﺼﺪ
ﺍﻣﺮﺍﺟﻊ : ﻉ ﺍﺳﺎﺱ ﺍﻧﺘﻲ ﻟﻲ ﺗﺒﻲ ﺗﻌﺼﺪﻱ ﻭﺍﻧﺘﻲ ﻋﻤﺮﻙ ﻣﺎﺭﻓﻌﺘﻲ ﻛﺸﻴﻚ ﺣﺘﻲ
ﻗﻬﻮﺗﻚ ﺩﺍﻳﺮﺗﻠﻬﺎ ﻣﻠﺢ ﺑﺪﻝ ﺍﻟﺴﻜﺮ ﻳﺎﺑﺎﻳﺮﻩ
ﺍﻧﺎ : ﺑﻼ ﻛﺬﺏ ﺍﻟﻘﻬﻮﻩ ﺍﺣﺴﻦ ﻣﺎﻳﺪﻳﺮ ﻓﻴﻬﺎ ﺍﻧﺎ ﻭﻧﻌﺮﻑ ﺍﻟﺴﻜﺮ ﻣﻦ ﺍﻟﻤﻠﺢ ﻣﺶ
ﻟﺪﺭﺟﻪ ﻫﺬﻱ
ﺍﻣﺮﺍﺟﻊ : ﺑﺎﻫﻲ ﻭﻳﻦ ﻋﻤﺮﻙ ﻋﺼﺪﺗﻲ ﻋﻠﺸﺎﻥ ﺗﻠﻔﺘﻲ ﺍﻧﺘﺒﺎﻩ ﻋﺼﺎﻡ ﻭﻋﻤﺮ ﻭﻋﻠﻲ
ﻭﻋﺎﺩﻝ ﻭﻋﺒﺪﺍﻟﻠﻪ ﺻﺢ
ﺍﻧﺎ : ﻳﺎﻓﺎﺳﻖ ﻳﺎﻋﺪﻭ ﺍﻻﺳﻼﻡ ﺗﻘﻮﻝ ﻋﻠﻲ ﻫﻚ ﻭﺍﻟﻠﻪ ﻧﻘﻮﻟﻬﺎ ﺍﻟﻬﻠﻲ
ﺍﻣﻲ : ﻛﻨﻚ ﻳﺎﻓﺮﺧﻪ ﺻﻮﺗﻚ ﺍﻋﻠﻲ
ﺍﻧﺎ : ﻣﻌﺶ ﻧﺒﻲ ﻧﺘﺰﻭﺝ ﺍﻧﺎ ﺍﻋﺘﺒﺮﻭﻧﻲ ﺍﻃﻠﻘﺖ
ﺍﻣﺮﺍﺟﻊ : ﻻ ﻭﺍﻟﻠﻪ ﻣﺎﻧﻲ ﻣﻄﻠﻖ ﻟﻮﻭ ﺗﺠﻨﺤﻲ
ﺍﻣﻲ : ﺣﻲ ﻋﻠﻴﺎ ﺍﻧﺎ ﺗﻲ ﺍﻧﺘﻮ ﻛﻴﻒ ﺗﺒﻮ ﺗﺄﺳﺴﻮ ﻋﻴﻠﻪ ﻭﺍﻧﺘﻮ ﺗﺤﻜﻮ ﻫﻚ ﺗﻲ
ﻏﻴﺮ ﺗﻨﻘﺮﻱ ﺍﻟﻔﺎﺗﺤﻪ ﻗﺒﻞ
ﺍﻧﺎ : ﻭﺍﻟﻠﻪ ﻧﻘﻮﻝ ﻟﻠﻘﺎﺿﻲ ﻧﺒﻲ ﺣﻘﻮﻗﻲ ﻭﻧﻄﻠﻖ
ﺍﻣﺮﺍﺟﻊ : ﺗﻮﺍ ﻧﺸﻮﻓﻮ ﻛﺎﻥ ﺣﻘﻴﺘﻪ ﺍﺻﻼ ﺍﻟﻘﺎﺿﻲ
ﻃﺒﻌﺎ ﻳﺎﺑﻨﺎﺕ ﺍﻣﺮﺍﺟﻊ ﻋﺼﺒﻲ ﺑﻜﻞ
# ﻳﺘﺒﻊ
ﻋﻠﻲ ﻓﻜﺮﻩ ﺍﻻﺳﻤﺎﺀ ﺍﻧﺎ ﻟﻲ ﻣﺨﺘﺮﺗﻬﻦ ﻫﻚ ﺑﻠﻌﺎﻧﻲ ﻧﻔﺲ ﺍﻣﺮﺍﺟﻊ ﻟﺆﻱ ﻧﺎﺩﺭ
ﻋﺎﺭﻓﺘﻬﻢ ﺍﺳﻤﺎﺀ ﺟﺪﻳﺪﻩ ﻣﻊ ﺍﺳﻢ ﻗﺪﻳﻢ ﺑﺲ ﻻﺯﻡ ﻳﻜﻮﻥ ﻫﻚ ﺍﻻﺳﻢ
ﻟﻲ ﺗﺒﻲ ﺟﺰﺀ ﺟﺪﻳﺪ ﺗﻌﻠﻖ ﺑﻌﺸﺮ ﺗﻌﻠﻴﻘﺎﺕ ﻭﺗﺸﺎﺭﻙ ﺍﻟﻘﺼﻪ ﻓﻲ ﺍﻱ ﻗﺮﻭﺏ
ﺑﻨﺎﺕ
ﺗﺎﺑﻌﻨﻲ ﻭﻻ ﺿﻴﻔﻨﻲ
ﺟﺮﺟﻴﺮﻩ ﺍﻟﻌﺮﻓﻲ
