ركبت انا وامي في السياره امي من قدام وانا من لاوره ونبحت في عصام في المرايه المهم غمزلي
انا: كنك اتغومز😒
امي: ايش حسك قلتي
انا: لا مش لك
عصام:😅 هه كنك يارجعه
انا: عليش تحركلي في حواجبك شن في
امي: اسكتي خلينا نسمعتو نانسي عجرم مصدومه بجد😒
انا: امي هذي اغنية نانسي وبعدين ياجرجيره هذين في وقتنا مافيش😒
عصام: والله لولا العيب نقري فاتحتي علي جرجيره هذي😂😍
😂😂😂😂😂😂😂
#المهم
وصلنا للشقه
انا:خيرات شخبارك مرات عمو
مرات عمي مازن: خيرات حبي انستن وشرفتن
انا: واو خيال😍
مرات عمو مازن: تفضلن تفضلن
امي: يزيد فضلك
انا: تسلمي اعميميه
مرات عمو مازن: عصام كنك مقفل😡 وكيف عرفت مكان الشقه
عصام: 😂😂 خبره , تفضلي ياعمتي شوفي باقي الشقه , عدي ياامي فرجيها
امي: اني خاشه نتفرج😍
خشن امي ومرات عمي للشقه جيت نبي نخش للشقه مسكني عصام مع يدي
انا: شن الدلاله هذي😒
عصام: تي نبيك تحكيلي شن في
انا: اجلس نحكيلك😔
عصام: ليش الحزن في عيونك
انا: عصام انت عارف اني نحب امراجع
عصام: وهوا يحبك شن الجديد
انا: لا معش يحبني لما حبيته هوا زهد في
عصام: فوتيه انتي
انا: المشكله اني عطيت موافقتي لهله رن علي وقالي ديري راي وافسخي انا مانبيكش
عصام: تحكي جد😳
انا: حكيتها الامي رقالها
عصام: شرايك نساعدك
انا: كيف تساعدني
عصام: خلي امك تحكي لعمي انه امراجع اولده رفض يخطبك وخلي العيله تعرفها
انا:😳 وبعدها
عصام: بعدها خليها شوري
انا: كيف شورك لازم تحكيلي
عصام: تبي امراجع يردلك صح
انا: اها بس كيف
عصام: لما تنعرف قصتكم في العيله انه مافي نصيب بينكم ح نتقدملك انا
انا: 😒 طيح سعدك وتعارك علي انت وهوا ونفس المسلسلات😌 تقتلو بعضكم ونحنا نترحلو😌
عصام:😂😂😂🙏 لما نقتلو بعضنا عليش نترحلو وبعدين وين المسلسل لي في ترحيل😅🙏
انا: شن عرفني عاد😌 نخاف جعجع يخبط بجعبه ع راسك نرتزي فيك انت زاد😌
عصام:😂🙏اما انتي حناطه اقسم بالله😂 ياريت يافنز جرجيره تقنعوها تاخذني لرجعه بدل امراجع😌
انا: باهي كيف ننشرها قصة انا فسخنا باتي ح يقتلني
عصام: لا ماتقوليش انتي ماتبيش تحطيش الوم عليك
انا: قولي الهلك ولعمي امراجع رن علي وقالي مانبيش الخطوبه
انا : صح صدقت😌 اتفقنا خلاص
عصام: تم, انا توا ماشي نجيب فيه زفي عمه وامه وتوا نجي
انا: في امراجع😱
عصام : اها امي وباتي وصوني نجيبكم كلكم😂🙏
انا: تمام نتلاقو ولا بينا مسج
عصام: تمام يالوزتي نتلاقو
عدي عصام وانا قعدت نتفرج علي الشقه وكانت انعنها شقة كل صاحب😌
وقلت العميمه ام عصام, انا وامراجع فسخنا
اعميمه: معقوله😳 عليش
امي: اكيد منها😒
انا: والله ياعميمه هوا لي رن علي وقالي مانبيش النسبه هذي بكل
اعميمه: وين بيلقي كيفك😳
انا: لما كنت رافضه كان ميت موت علشان نوافق ولما وافقت انا هوا رفضني😊
اعميمه: كل شي نصيب ياحبي
امي: لا بس كيف يدير هك هابا كان يسمعها باتها والله ينجلط راس بنت وهك يدير معاها ولد عمها وياريته غير براني😒
انا: امي خلاص باتي مش ح يتكلم رد بالكم حد يعاتبه يحسابني ميته عليه
اعميمه: صدقتي والله خلوهم براحتهم واساسا هم اصغار
انا: امي عيوني ماتخليش يحرق فيك ماملي ميت فيا😍
امي: وينهم وينهم😒
انا: شن قلتي ياامي🤔
امي: تمام ح نسكت بس ح نقولةالباتك انه امراجع هوا لي مش موافق
انا: لا قوليها هذي عادي بس نبي النفوس هاديه وراس مامتي😍امي: مامتي🙀جرجيره عاودي االنص😒
انا: اهم شي نبي النفوس هاديه ياامي
امي: 😌😂 لا باه نجك لي انتي وجرجيره
ونحنا نتناقشو سمعت باب الشقه انفتح
ام امراجع: خيرات اشحالكن ياك طيبات
انا: اهلا اهلا انستي
امراجع: السلام عليكن
انا: وعليك السلام
امي: عليك السلام
اعميمه: تفضلو الشقه اعتبروها شقتكم
انا: اوووي امراجع😒
امراجع: كنك😒
انا: كويشك من ع الفرشه ياغجري😒
عصام: تحشم هي😂
امراجع: والله مافطنت بعدين تعالي نبيك يابنت
انا: نعم كنك😒
امراجع: قربي نقولك😒
انا: ها قول نسمع👂
امراجع: طووووووووووووط📢😂
انا: يابارد ياصامط فجعتني كنك شن تبي نبي نخش
امراجع: تي حكيتي الامك ولا لا
انا: عليش مستعجل😌
امراجع: نخافها تقعد زعلت مني😣
انا: لا مش زاعله شرحتلها كل شي ياسيد
امراجع: تمام هي وجك جوا وخشي وشن قايلك علي لزواق لي علي الوجه هذا😡
انا: معش تحشر روحك في حياتي
عصام: بس حلو لزواق عليها ياامراجع🙂
امراجع: يمكن كل حد وذوقه🙂
انا: شكرا عصوم نتلاقو جوا
عصام: تم يالوزتي
امراجع: لوزتك🙂
انا: اها انعم في مانع
امراجع : لا والله عادي براحتكم🙂
عصام: خشي يالوزتي هي
طلعو عصام وامراجع تحت المبني
عصام: يعني قصدك معش تبيها بكل
امراجع: اها معش نبيها ان شاء االله يجيها نصيبها
عصام: يارب😍 بس مش ح تلقي كيف خفة دمها وجمالها , انا كنت عايش برا بس نفسها ماشفتش
امراجع: ياولد عمي وهي عاجبتك خوذها انت بس انا خلاص
عصام: لو خطبتها ماتزعلش
امراجع: لا مستحيل نزعل😒
عصام: بما انك رافع ايديك والله مايزفها غيري😉
امراجع: صكر ع الموضوع وبراحتكم , نقالي يرن نستأذن😊
عصام: تفضل
######
عصام: الو جيجي حكيت معاه باهي
انا: شقال هالحقير😒
عصام: بلا حقاره هوا متخلص منك يعني
انا: كيف متخلص💔
عصام: قالي مايبكش وقالي وهي عاجبتك اخطبها انت
انا: كيف عاجبتك
عصام: هوا يحسابني معجب بيك فانا مشيته ع الجو عشان يغار وانتي خليكي نفسي
انا: وهوا مايحبنيش صح💔 امراجع تغير بكل
عصام: الله اعلم شفته يشلط علي تليفون
انا: خزي هالخاين الفاسق💔
عصام:😂😂 تحملي لو تبيه يردلك😒
انا: تمام صكر عشان مايشك فينا
عصام: نتلاقو يالوزتي
#######
صكر عصام الخط رفعت اكمامي وخشيت للمطبخ وقعدت نطبخ وراقيلي وجيت ولعت الكوشه وحطيت العجه وصكرت باب الغاز بقوه وكنت متحمقه ومتعقده بكل , ف مشعارف كيف شاطت في الكوشه في يدي
انا: وووووووه امممممي
امي: نعلي اسملاهي كنك
اعميمه: اسملاهي عين والله عين
عصام: شن في شن الصوت هذا
امراجع: شن العيطه لي توا
عصام: يدك😳
امراجع:😳 جيجي كيف صار هك
#####
وبقدرة قادر دخت ونطيح بين ايدين عصام😂
عصام:😳 امراجع امسك
امراجع: ماتت😳😤
امي: بنتي لا ينعلي مانتقولوها بكل
# المهم
امراجع انفجع ويعزقني علي فرشة المطبخ😂
انا: اي ياراسي من القرد لي عزقني
امراجع : انا القرد😳انا خفت عزقتك
انا: يدي اي تشوهت انا خلاص😭
امي: ينعلي يابنتي ياوحيدتي
عصام : لبسيها ياعمتي نشيلها للمستشفي
انا: ينعلي 😭 نبي نموت
امراجع: هي صبي امشي معاي😒
انا: لا نبي نمشي مع عصام اقل مافيها كني متت نموت وانا اعصابي هاديه
امراجع: 😡 تمشي غصبن عنك
امي: خلاص امراجع انهي هي ياعصام شيلنا توا
#يتبع
#جرجيره
وين التفاعل ولتاقات😡
