طبعا اعطيوه لي قتلتكن خوي 😌 هوا مش خوي, هوا ولد خالتي المتوفيه في حادث ف امي خذت اعطيوه من عمره 29 يوم ومتربي معاي ع اساس انه خوي😌✋
المهم قلت المراجع اطلع من الكوجينه👀
امراجع: مش طالع مش بجوك
امي: سكتو كنكم انتو تقول توم وجيري تريحو
انا: يا يطلع يانطلع شور عصام 🤤
امراجع: تطلعي وذنك تريحي خيرلك😡
انا: معناها اطلع انت😌
امراجع : اني طالع باهي😌 بس خليني نحق رمتك
امي: خلاص عدي ياجعجع شور باقي الشباب 😌 توا نجيكم
طلع عمكن امراجع قلت الامي مانبيش امراجع نبي عصام😭
امي: غير تريحي زمعيتا غير امعبرك عصام
انا: وكنا مايعبرني😒
امي: ايسيبو هالاجنبيات ويبحت فيك😂 ام سوري بس صعبه شوي😒
انا: بس انا حوينطه وروحي سمحه😌
امي: الروح متاعك نقعيها في زهر😒 ع اساس
انا: سبحان الله ديما مكسره مجاديفي😡 دبري من يوتي معاك حاجات العصيده
امي: 😂 كلام الحق ديما وجاع
مع خشت اعطيوه قالي كنك ياضبع
انا: وشن فيها كان خطبني عصام🙄
اعطيوه: من جدك😒
انا: اها والله من جدي🤭✋
اعطيوه: من جدك فاتحه معاي دلاله هك🙄😡
انا: والله نسيت الله😳
اعطيوه: امشي الدارك ونهار بوك احرف😡
عديت شور الدار نجري خفت المعصده تكصر علي ظهري😆
خشيت الداري وصبيت علي المرايا وقلت معقوله في بنت سمحه كيفي انا تاخذ واحد كيف امراجع🙄بعد تذكرت انه امراجع اجمل مني😌 لا عاد يابنات حقانيه انا ماتقولن رجعه تشكر في روحها😌
قعمزت في زاويه وقلت عطها دعوي جرجيره😒 ليش ماخلت عصام هوا لي يخطبني 😒بس ماعلينا منها حسديه وحقوده😌
قعدت ساعه الا سارحه في عالم خيالي , شي عصام مطلعني يفسح في شي ماشيين لعيادة النساء عشان نشوف جنس البيبي😍 شي ماشيين لسوق , شي ماشيين متعشيين عند هلي😍 لااالا يابنات جزء هلي الغنا مافيش داعي نجيهم😒
وتخش علي امي وانا سارحه وتقولي صبي ياحنه صبي اغسلي الماعين
انا: وووه ياريتني شاب حتي انا😒
امي: ياريت 😒 كان هذا تكملي يومك برا نفس اعطيوه😌
انا: كان هذا والله نصاحب عصام🤤
امي: طيح سعدك ما امراجع يبي يخطبك😡 حرام تحكي هك
انا: لا معليش الغي الخطوبه الوهميه😒
امي: كيف نلغي مش اول امس قلتي موافقه😰
انا: نكذب نكذب😌
امي: انتي تبي تقرضيني مع عمك ومراته😰
انا: لا توا نقول انا لي رافضه ماحد دخله بي😒
امي: مش مسامحتك كان درتي هك😰
طلعت امي وانا خشيت علي الماعين وقعدت نغسل😌 ونسمع باتي يقول لا عادي ماعندكمش اشكاليه امتي ماتبو , قلت اها هذوم يحددو في يوم الخطبه😢 خليتي باتي يصكر وقلتلا اسمع ياباتي انا مانبيش راه انت لو راحتكم هكي انا مش متريحه ماتزروش علي😔مش مستعده للشي هذا
باتي: لا براحتك ياجيجي مش شرط تمشي معانا😌
انا: مش شرط شنو علي شن تحكي انت😳
باتي: رن علي عمك مازن قالو ملتمين يبو يمشو اسبوع للمصيف وعزومنا بس براحتك ياجيجي توا نحطوك عند جدتك 😊
انا: لالا نبي نمشي انت فهمت غلط☹باتي نبي نمشي كساد وملل جدتي ولي زمان مامشيت البحر
باتي: تي انتي بروحك قلتو ماتزرونيش كنك انتي😳
انا: انا نحكي علي خطبتي بمراجع مش ع المصيف
باتي:بس حتي عيت عمك لؤي ماشيين
انا: ونمشو كلنا عادي نحنا عيله ولازم نلتمو ياباتي كل شي الا صلة الرحم ياويلنا من الله علي قطع الارحام, من زمان معروفه قطع الارقاب ولا قطع الارزاق , وخالق الراس قاطعه والدنيا فانيه وكلها حفره يعني
باتي:😳 الخبر ايسمه شن الكلام هذا 😳
امي: تي انا فاهمه شن قصدها بقطع الاعناق ولا قطع الارزاق😒
انا: امي اسكتي😳
باتي: شقصدها خليني نطلق في راسها هالكاس😒
انا: والله نحكي بحكمه بس
باتي: لا مشاء الله مثقفه سلم بنتي😌
انا : امي هي نعدو نوتو ارواحنا للمصيف بكرا😍
باتي: كثرن دبش راه قالو اسبوع قاعدين حاجزين
انا: تمام😍 نلم معاي دبش اعطيوه ولا لا
امي: توا تلمه نا😒 انتي لمي دبشك بس
عديت نجري لدراي😍 طلعت حقيبة السفر نين ركبتني منها حساسية الصدر من كثر الغبار ولعجاج لي عليها😰
وفتحت دولابي طلعت البلوزه السوده متاع الطلعات😌 من كثر التحديد نين لونها رصاصي😒 ماعلينا توا يصلح وضعي مش ديما هك😌😂
وطلعت هذك السروال فكني من قولة بنطلون😒
بعدها علي ما شفت وقلبت مالقيتش دبش☹
مع خشت امي علي😒 قالتلي تبي ترتزقي وتشوفي عصام😒 صار قطع الاعناق ولا قطع الارزاق😒
انا:😂😂 لا انتي فهمتي هك انا نحكي هك وخلاص😌
امي: مشيها علي باتك هذي مش علي وبكرا في البحر ارزني باهي وفكيني من ضنا عمك مازن😒
انا: وباقي ضنا عمومتي عادي😒
امي: اها😒
انا: ليش هذكوم بني بكر وهذكوم بني تغلب😕
امي: اها اانتي البسوس توا تخلي امراجع يكره عصام😡
انا: ويكره شن دخلني😌
امي: نشوفك مع عصام نروح بيك وانا حذرتك😒
انا: تي كله بصاره ياامي انا موافقه علي امراجع اسااسا😌
امي: ايواه الله يربحك
انا: بس انا نبي دبش☹
امي: طلعي بلوزتك السوده😍
انا: ياامي كليت وجها نبي شي جديد😌 ديزاين جديد و لوك عصري😌
امي: عصري ولا مغربي😂
انا: 😂 ايواه الحناطه هذي فكينا منها قدام مرات عمي الاجنبيه😒
امي: 😒 صقع عليها انا
انا: اه بدينا في الغيره😂😒
امي: لا والله😒
طلعت امي وقعدت نرجي في امتي الصبح يجي😍
وصلت الساعه 5 فجر , قال باتي هي اوعوا عيت جدكم يرجو فينا😍
انا: وووهو ماتخلو حد راقد, المشكله اني نكذب ماكنتش راقده😒
باتي: ردي كملي نومتك وتوا تجي جدتك تقعد معاك😒
انا: لا عاد وعيت خلاص😌 لبست وطلعنا في سياره باتي وامي لقدام وانا واعطيوه من لاوره😌
اعطيوه: غطي سيقانك😒
انا: مغطيات😒
اعطيوه: وعظيمة الرخاء لي باينه علي تقول ركبة جمل هذي شني😒
انا: ها تبيني نقعد فيل افريقي عشان ماتقعدش في عظمة😒
باتي: سكتووو سكتوو
انا: من هوا
اعطيوه: لا منها
باتي: احترمي خوك لي اكبر منك😒
عطيوه: وووه😂💪
انا: خزززي😒 صامط
وصلنا يابنات الحوش عيت جدي😌
ونشوفلكن هذك الشوفه💔
#يتبع
بنات ديرن تاقاات شاركن القصه😒 قبل ماكنتنش هكي😡 لو لقينا تفاعل انزل حلقه 5 وطويله😍
كلكن ضيفني عشان ح يقعدن الحلقات ع صفحتي للمضافات بس😘
#جرجيره
