طبعا كلكن عارفات انه عصام زعل عشان وزعته💔
وفي ثاني يوم معش عرفت شن ندير , لا عرفت نوزع زياد علي سبه امراجع, ولا عرفت نفوت امراجع من تصرفاته
انا: امممممممممي وين الشامبو متاعي من كمله😡
امي: اغسلي بسائل وفكيني من العياط😡
انا: باتي وين قوليلي وين😡
امي: عدا شور عمك لؤي يبي يحكيله في قصتكم
انا: والله انا مش بجو حد😡 ياريت باتي يرفض عشان انا رافضه
امي: امشي رني عليه وقوليلها له بروحك😒
انا: تجوزو في تقول عمري57 سنه وانا عمري 17 سنه مازلت في عمر الزهور😡
امي: انا شدخلني بيك امشي احكي الباتك
انا: اليوم بيجينا دكتور يخطب في وموافقه عليه
امي: وشدخلني بيك😒
انا: ومن بيستقبلهم😋
امي: انا ديما نستقبل😂
انا: هاالله جت علي هذوم😌
----------------
عديت ع ظهر نصبت طنجرتي للغداء درت هذكين لبريكات وهذك الطاجين المحمر, وهذك السلاطه😌
وبديت نوتي في السفر , وساعه 2 نسمه الباب يخبط , طاف طاف طاف
انا: تي من تي من
امراجع: افتحي افتحي😡
انا: من انت 😒
امراجع: انا امراجع حلي الباب
انا: يلا معش دق راك غالط يابابا
امراجع: والله كان ماتحلي تشوفي
مع طلعت اعطيوه
اعطيوه: تي شن فيه من لي يخبط هك
انا: هذا امراجع يهدد في😢
اعطيوه: ارجي ارجي كيف يهدد فيك😡
انا: انا ماعرفتش صوته قالي افتحي الباب راه نشنقك , شن معني نشنقك يااعطيوه😢
اعطيوه: بلا مسكنه 😒 انتي مش عارفه كلمة انشنقك😒
انا: 😂😂 بس والله يهدد في خليه يدق
اعطيوه: حولي بنفتح ماتخلو حد يرقد
امراجع: اخيرا حليتو
اعطيوه: امرقدين🙂
امراجع: تعالي نبيك شوي ياجيجي
انا: لا نبيش😒
اعطيوه: بنكمل رقدتي ياريت تعاركو في صمت
انا: باهي😌
امراجع: تي صاح عصام يبي يجي يخطبك اليوم
انا: لا😳
امراجع: امس قالها لي وقالي انت مستهتر ومتاع وجيج
انا: صدق الراجل يقول في صادقه😌 يامتاع ساميه
امراجع: ياهبله والله نغيض فيك واالله مانبي غير
انا: انا نبي نوافق علي عصام بس😌
امراجع: تي عصام راه طامع فيكم😊
انا:😳😒 في شن بيطمع هن عقاب مزرعتين وفيلا ومصيف و7 سيارات و4 محلات ذهب😌
امراجع: جرجيره كثرتي نقصي من الاملاك شوي😂😌
انا: لا ماتنقصش هذين املاكنا جد😌 ولو نقصت منهن معناها هي حسوده وحقوده😌
امراجع: المهم راه والله شفته مراسل وحده وكاتبلها ناخذ لي نبيه ونرد لسويسرا
انا: مستحيل بلا كذب😒 عصام طيب ونيات
امراجع: جيجي يعني اخر قرار لك تبي توافقي علي عصام وترفضيني انا لي نحبك
انا: حتي عصام يحبني
امراجع: تمام , بس ردي بالك تجيني وتشكيلي فاهمه
انا: ياريت تخلينا ضنا عم وبس
وتفضل علي الغداء
امراجع: كيف نتغدي وانا قلبي💔 هك
انا: ياريت تباعد علي ياجعجع لو سمحت جديات نحكي
امراجع: تم صحه غداكم وبنعدي انا😊 وشكرا علي ثقتك في
انا: عفوا مربوحه
--------
خشيت حطيت اسفيرتي وقعدت امي وباتي واعطيوه يتغدو
باتي: كولي بلا مرطزه
انا: ماعنديش نيه بنرقد نمشي , امي تغسلي علي المواعين
امي: عدي تعبتي انتي اليوم, غفي شوي قبل لايجو العرب
باتي: اي عرب🤔
انا: احم احم اي عرب ياامي
امي:😂 ماافيش عرب عليش تفنصو في راه نكذب😒
انا: باهي نبي نرقد 😒
امي: علي تفنيصك في امشي ياقرده اغسلي انتي😒
انا: لا وراس ماعد نديرها خليني نرقد شوي😭
امي: اخر مره امشي ارقدي😌
-------------------
خشيت لدار وجيت بنرقد, رن نقالي
انا: الووو
زياد: خيرات , اليوم امي جايتكم راه
انا: اتفضل بس شن سبب الزياره
زياد: توا تعرفي بعدين
انا: نحبش نعرف بعدين قولي توا
زياد: نبي💍
انا:😳
زياد: اها ليش نصدمتي😒
انا: تخطب وحده تعرفهاش, تخيل انا حقيره
زياد: سماهم علي وجوههم
انا: تاخذش علي سماحتي وخفت دمي😌 مرات نقعد مش تمام
زياد: لا نشدت عليك اصلا🙂
انا: مش امس قلتلي نبي امس هلك ولقبكم وهكي , كيف نشدت بسرعه هذي
زياد: تؤ تؤ انا من يوم حرقتك وانا ننشد عليك
انا: ومن نشدت🙂
زياد: االله اعلم🙂سر
انا: اها , بس نقولك , الراي الاول ولاخير شور هلي😌
انتهت المكالمة مع زياد حطيت راسي ورقدت ..
دقايق بس رقدت ويقعد تخبيط فوق راسي 😏
انا: كنكم انتو مش في بهيمة راقدة هنا😫
امي : بهيمة وتسهري😂😂😂
انا : 😒😒 عليك ام هذ
امي: 😂هي صبي يا روحي انتي يا احلى رجعة في الدنيا 😘
انا: 😍😍 الولية كنها
امي: بنيتي الوحيدة 😘😘 وتحبحب في
انا مصدومة من المعاملة هذه بس قلت يلا مشاعر أمهات 😂
مشيت عد نوتي ف روحي ونفتلك ، ونا نفكر ازعما صح كلام امراجع عن عصام وانه يبي يستغلني عشان طامع فينا 🤨
انا نفكر ويرن زياد
زياد : انا وامي قدام حوشكم ☺️
انا : وكيف عرفتوه وايش تبو فينا 😩
زياد: حناطه ياربي 😂😂 ماهو انتي اللي عطيتيني العنوان
انا : توا تطلع امي تفتح الباب لأمك
زياد: وأنا 😔
انا : انت اطلق كرعيك خير مايشوفك شي واحد يقصهن 😏
زياد : 😂😂😂 باه باه هيا سلام
امي : مرحبا مرحبا تفضلي
غالية ام زياد: خير عليكم كيف حالكم
خششتا امي وقعمزن وقعدن يحكن
وانا جوا كرعي يخبطن في بعضهن مالخوف وبطني قعدت توجع في 😂
امي : تعالي يارجعة سلمي على عمتك غالية
غالية ام زياد : من رجعة؟🤨
امي : بنتي ونور عيوني 😍
غالية : بس زياد ماقالش اسمها رجعه قالي جيجي ونا كنت نحسابها ابتهاج او جومانه 🤨
امي: لا اسمها رجعه على اسم عمتي ام راجلي😒 مش عاجبك ولا شنو
غالية : نحس فيه اسم قديم حرام بنوته عروس هك اسمها 😒
امي بصوت خفيف: عليك جقهبة😞
غالية : شنوو
انا خشيت هذك اللحظة 🙈 مطبسة وخايفة وسلمت على امي 😂
امي : سلمي على عمتك غالية نا ايش تبي في😂😂
انا : 😂😂 نضحك ونسلم عالولية ومن اول لحظة كرهتا من حركات يديها وطريقة تسليمها 😡
غالية : اهلين يارجعه😂 وتضحك
انا : خير اشحالك😒
غالية : اشحالي😂 كويسة بخير، تعالي اقعدي جنبي
انا: توا نجيك شوي بس 🙈
مشيت حطيت الحلو اللي جابه اعطيوه والشربات 😂 قصدي العصير وجيت نبي نخش
غالية : زياد اوليدي يحب بنتكم رجعة وقالي نجي نخطبها له وهو يبي يتجوز في غضون شهر باش يسافر لباريس عنده دوره طبية في فرنسا 😏
امي : مرحبتين بيكم اولا وثانيا الكلام مع بوها وهي شخصيا
انا: باريز 😍😍😍
خشيت مندفعة بالسفرة كرعي خشن بعضهن ونقوللكن بالسفرة طاااف بين امي وغالية 😂😂😂😂😂😂
كباية العصير مشت شور غالية بأمانتها 😂😂😂 وانكبت في نص كترها
امي : استغفر الله العظيم كنك ترفسي😤
غالية: ساهلة ساهلة هذه أولها 🙄
امي رقالها من غالية قالتلها عادي بنت صغيرة وأول مرة يجوها طلاب 😒
غالية: بس مش طريقة هك خلتني فضيحة 😤
انا معش مسكت روحي: بلا اتجقب ساهلة توا نمشي نجيببك منديل نمسحلك 😡
طبعا الجو اللي درته والحبركة كلها ذهبت ادراج الرياح 😂😂😂
تعبيت عصير وقعدت معسلة 😂😂
خشيت نجيب في منديل لقيت غالية تبي تطلع وزياد يرجى فيها برا
غالية : خلاص هذا رقمي وبعد تاخذو قرار ردو علينا 😏
امي: بدري مزال في عصور
غالية : لا نبي نمشي لأختي والله مرة اخرى كان صار نصيب 😊
مشت غالية وانا مصبية بالمناديل وفي لحظة جتني المخدة نين قلبتني 😂😂😂
انا : كنك يا امي😂
امي : فضحتيني يا الشكلة 😂😂😂
انا: الله غالب يا ماما انحرجت😂
#يتبع
#جرجيره
