بعد الهرجة اللي دارها عصام💔 والجو هدا
ناضت زاهية 🤔
زاهية : كنكن ياصبايا ماتصفقن ايش الدوة 🤨
امي : اللي يباركلك بارك فيه؛ العقبة عنده نين اتجيه 🥳🥳
زاهية : اهياا
قيسك عالصلايا ديمه ،، حصلته سمح االتبسيمة
انا : قصدك نا سمح التبسيمة 🤔
زاهية : طبعا يا بهيمه😂😂
انا : 😣😣😣
________
جا وقت العشاء وحطينا عشانا وطبعا ام زياد قالت توا نجي بعد العشاء عشان تلبسني
امي : الولية طولت شي 😥
زاهية : اكيد غيروا رايهم اهناك حد يشري قردة يحطه معاه في حوشه 😂
انا : ياخالتي زاهية كان ما اتخطيني نطردك انتي واختك مالحوش😡
امي : 😂😂😂 اكيد يازاهية توا تقنع في زياد تقوله ياوليدي شن تبي فيها 😂😂
زاهية : طيبك طيحة طيحته فيك يارجعة😌
انا : شكرا ياخالتي 🙊
زاهية : طاح بكرعيه الاربعة 😂😂
انا : شن قصدك هو كلب تقولي كرعيه الأربعة 😫
زاهية : اكيد يعني انتي يبي ياخذك بني ادم طبيعي😂😂😂😂
طلعت نجري من جنبهن الصبايا هذين مش طبيعيات واخذات حبوب ولا مش عارفه😂😂
رن نقالي
زياد : السلام عليكم
انا : وعليكم السلام وينكم طولتو 😐
زياد : والله مش قادر نطلع من المستشفى وانتي عارفه ماعندنش حد يشيل امي وخالتي شوركم عيال خالتي كلهم صغار وخالتي راجلها متوفي 😨
انا : يعني مش جايات ولا شنو 😡
زياد : لا اليوم مش حيصير منها لكن بكرا نجوكم 😕
انا: معقولة هكي قاعدين نرجو فيكم كيف نبي نقوللهم انكم مش جايين😳
زياد : قوليلهم بكرا الله غالب ياروحي😚
انا : 😭😭😭 صكرت الخط علي وجهه
وطلعت نبكي
امي : كنك يابنتي اسم الله اكيد عين
زاهية : وين صاغت فيها العين 😂
انا : زياد كلمني وقال اليوم مش جايين نجو بكرا😭😭😭
زاهية : مش قتلك غيروا رأيهم 😂😂😂
امي : 😂😂اليوم وبكرا زي بعضهن ماتزعليش ياعيوني
انا : لا امه اصلا ماتبيش تبي تخرب 😭😭
زاهية : صدقت 😂😂😂😂
امي : اسكتي يازاهية حرام عليك 😂
------------
طلعو الصبايا كلهم وقعدت نا وأمي نلمو ف الحوسة وخالتي خشت تبي ترقد
ونحنا نلموا نسمعلكن خالتي تعيط وتبكي 😭
امي : اسم الله كنك يازاهية
زاهية : اطلعن من حوشي ايش جابكن 😫
انا : عقلك اللي بدري قيسه روح 😂
امي : يازاهية راك في حوشي قاعدة متخافيش
زاهية : قفطاني وين منصور يريد يدز هله توا 😊
منصور طبعا راجل خالتي المتوفي
امي : الله يرحمه منصور يازاهية
زاهية أطلقت عيطة طويييلة 😭😭😭
زاهية : مات 😭 عليك بخت بختي يا خسارة ياما غنالي عالبير وقدام نجعنا
امي : مات بعد تجوزك 😂
زاهية: اطلعن من حوشي 😭
صكرنا نا وامي الباب على خالتي وكملنا عقاب الحوسة وجيت لداري نبي نرقد
يرن النقال
عصام : الو جيجي
انا : انت إنسان مش طبيعي وتبي تخرب علي فرحتي 😭
عصام: فرحتك ما اتم إلا بي 😒
انا : وانت شن تبي في نا توا مرات راجل🙄
عصام : اسكتي معش تقولي مرات راجل خليه ياخذك قبل 😡
انا : هو خلاص قرو الفاتحة ووزعنا باستي وطربقنا شك ولوح خلاص فرح الا😣
عصام : مفش فرح 😡
انا : ياعصام خليني نحكيلك وانت صارحني ، انت تحكي مع بنت من باريز وين ماكنتو ومتفق انت وهي انك تسرق فلوسنا وتمشيلها 😣
عصام: اولا نحنا كنا في سويسرا
انا : ماهو باريز في سويسرا 🤔
عصام : لا مش شور بعضهن 😁
والكلام اللي قلتيه هذا عرفت من قاله لك
انا : من يا بو العريف 🤨
عصام : امراجع
انا : كيف عرفت 😒
عصام : انا المدة اللي فاتت كنت خافي حبي لك 💔 وكنت نشوف في امراجع كيف يبيك ، امراجع شك اني نحبك من طريقة نظرتي لك وطريقة كلامي معاك
انا : تقعدت طبعا وقتله باه😳
عصام: الكلام هذا خليه بيناتنا ياجيجي ،
المهم انا كنت شاك انه امراجع طامع فيكم جيت حكيت لامراجع وقتله انا نبي بنت من سويسرا وحال الغاية الواحد يحصل فلوس من اراضينا اللي هنا ويمشي يتزوجها 😒
امراجع قاللي والله حتى نا نبي فلوس بس المشكلة معش عندنا اراضي إلا إذا خذيت رجعة ، قتله كيف يا امراجع فهمني، قالي بعد ناخذ رجعة نبي نطالب بحقها وكان حصلت الفلوس عندي ولية نبي ناخذها 😍😍
قتله ورجعة😳 قاللي بعد ناخذ الفلوس كان رضت تقعد مارضت تربح نردها لحوشها 😊
انا : 😳😳😳 من جدك انت ياعصام
عصام: اقسم بالله هذا اللي صار ولما عرفت انه امراجع هك نيته جيتك وصارحتك بحبي اللي هو الشي الوحيد الحلو في حياتي 💕 وياريت ماتسرعي لاني نبيك وشاريك يابنت عمي💔
انا : خلاص اهلي عطوا موافقة وقرو الفاتحة ، انتهت انساني💔
عصام : مستحيل وحندير اي شي عشان ناخذك💔
ونا قاعد ندعي في كل صلاة انك تكوني نصيبي
هي سلام
انا : سلام 💔
-----------
فالعشية ثاني يوم اتصل زياد وقال نحنا قريب من حوشكم 😍😍
انا وامي استعيدنا وقعدنا نرجوا
خشت ام زياد 😣
غالية : سلام كيف حالكم 🙄
زاهية : مرحبا اشحالك يا سالمين 😍
انا : من سالمين هذه غالية ام زياد
زاهية : مش هذه سالمين اللي تبيع ف البخورة 😕
امي : 😂😂😂😂 لا مش هي عطك الخير هذه عمة رجعة
زاهية : مرحبا مرحبا انستي ماقبل قلنا إلا وخرتوا في كلامكم 😨
انا وجهي ازلط 😥😥😥
غالية : تعالي يارجعة نلبسك الخاتم 💍
انا : 🙈🙈🙈🙈
لبستني غالية الخاتم 😍😍😍
قعدت خالتي تغني
زاهية : تسكاوه ارباوة صقر ، مبروكة علي قناصها😂😂
غالية: 😥😥 اسمك رجعة ولا مبروكة انتي
انا : لا رجعة رجعة 😂😂😂
طلعت عمتي غالية 😚😚
ومرت الأيام ونا وزياد كل يوم نحكو و نتفقوا على مستقبلنا 😍😍
وحددنا موعد الفرح بعد حوالي شهر 😍
----------
في يوم جا باتي وقال لامي تعالي انتي واعطيوه ورجعة نبي نحكيلكم موضوع
امي : كنك ايش فيه 😕
اعطيوه: مفش براني ياباتي
انا : كنك ياباتي معقولة انا مش بنتكم ولقيتوني ف الكناسة😨
باتي : كذا اس انتي 😂😂😂
انا: شنو يعني الموضوع الأهم مني 😕
امي : اسكتي خلينا نسمعو باتك
باتي : انا لقيت المنطقة اللي جنبنا ماعندهم غير جامع واحد ويبو يلموا تبرعات عشان يديرو جامع جديد لان منطقتهم كبرت
امي : باهي
باتي : ونا قررت اني نبيع هالاملاك اللي عندنا وانتكفل ببناء الجامع بالكامل وهذا إن شاء الله يكون أجر لي ولكم عند الله 💕
امي : دير اللي تشوفه هذا رزقك وانت حر ونا حقي هو حقك ومتبرعة بيه
اعطيوه : نا متبرع بأي شي لي وإن شاء الله أجرنا حاصل 💕
باتي : اعطيوه انت مسكتلك بيش تبني حوش وتزوج
اعطيوه : انعنك ماتغيب ياتاج روسنا
باتي : وانتي يارجعة
انا : نبي غير باتارية لنقالي هذه زعمت كبدي والباقي خذوهن 😒
باتي : 😂😂😂 الله يربحك انتي
-------------
خشيت لداري ورنيت على زياد
انا : خير يازيزو 😊
زياد : 😂😂😂 حلو زيزو
انا : امتى تبي تزوزني نبي نمشي لباريز حسني رايفت عليها 😌
زياد: وين عمرك شفتيها انتي باريس 😂😂😂
انا : في هالتلفزيون🤔
زياد : الله يعطيك الخير ويرزقك 😂😂😂😂
انا : خطرها الرزق 😍 تعرف باتي شندار اليوم
زياد : ويش دار
انا : تبرع بكل املاكنا عشان يبني جامع 😍😍 ربي يقبل منه
زياد : كلهن كلهن
انا : اها كلهن 😍
زياد : معقولة هكي 😒 ونصيبك كيف يصير فيه
انا : ماهو تبرعت بيه وامي تبرعت بنصيبها 😍
ربي يكتبلنا الأجر ، فرحانه واجد نا 😍😍😍
زياد : بس هك خطأ، مفروض ماتصرفي من راسك كنتي تشاوريني قبل
انا : هذا مش رزقي هذين فلوس بوي مدام هو حي وكان يقدر يتبرع من غير مايقول ولا يشاور بس باتي يخاف الله 😊
زياد : باه باه توا نبي نمشي للمستشفى اوووووف هي سلام
انا : سلام😳
#يتبع
#جرجيره
