طبعا يانبات عارفات انه ام زياد جايه تخطب😂
#المهم
بعد لميت الحوسة اللي درتها وغسلت الماعين وجيت نبي نتريح جا باتي 😤
امي : كنك شنو في
باتي : والله ماني عارف هالبنت وحيدتي وهي اللي هناك في دنيتي ونبيها اتريح في عمرها😔
امي: إن شاء الله تفرح وتسعد علي قد مازعمت كبودنا😂
باتي : 😂😂 إن شاء الله
انا : تستاهلوا وقاعدة علي قلوبكم وكبودكم 😋
امي : كذا امشي جيبيلنا اميه 🙄
انا : عليك طروح قديمة 😑 قولي خطينا نبو نحكو
باتي : ماشاء الله دايره عقل وتفهمي😂😂
انا : العقل سيبته لكم وطلعت نجري 😂 وفي جرتي مامن حاجه طلقوها في طفايه على مخده 😂😂😂
امي : كنك ياراجل متضايق
باتي : مشيت حكيت مع امراجع وهزبته وقتله عيب تربط كلام وترد توخر نا بنتي مانبيعش فيها نين تجي حظرتك وتحكي من وراي ومرة تقول نبي ومرة لا مانبي وهو الحقيقه قعد ايتعذر ويقولي نا نبيها وبكرا نبي نجيكم غادي نطلبها رسمي، قتله توا الكلام مع رجعة اللي تبيها رجعة نديرها وسيبته وطلعت 😑
امي : وفي حتى عصام يريدها 🤔
باتي : ولقيته حتى هو وحكيت معاه، وقالي ياعمي نا شاريها ونبيها وعليما شفت في هالدنيا زي رجعة مالقيت ، قتله توا بشواش نين نشوف رجعة ايش تريد قبل 😑 هالشكله ايش يريدو فيها كلهم
امي : زيد عندك ، اليوم جتنا ام زياد 😂
باتي : من زياد هذا 🤔
امي : هذا دكتور ودز امه يبي يخطبها
باتي : يارجعة هيه تعالي جاي 😤
انا : نعم يابابيتو
باتي : كذا يا جرجيرة فكني من حركاتك بابيتو هذه شني 😡
جرجيرة: باه ياعمي توا نردها لك على اصلها
انا : ها ياباتي كنك ايش تبي منها الشكلة😔
باتي : تصنتي اخرى 😂😂
انا : لا كنت مخطمة بس 🐒
باتي : توا في ثلاث رجالة ناويين الحلال ويريدوك ونا نبيك تختاري اللي يريحك 😊
انا : وجهي تلخبط ومعش عرفت شن نقول🙈🙈 قتله ايش دخلني بيكم نا 😳 وطلعت من احذاهم وخذيت معاي سفرة الشاهي في كرعي 😂😂
باتي: طاح علي ظهره وقعد يضحك😂😂
امي : 😂😂 اسملا عاللي يبي ياخذك
مهم جا اعطيوه من برا وحط حتى كراعه فالشاهي 😂 وقال كنكم ايش في
حكتله امي القصة وقالتله قولنا رأيك
اعطيوه: والله زياد مانعرفه لكن عصام وامراجع مانخيرهم علي بعضهم هم الاثنين رجاله ينفعوا مغير واحد هبل(جعجع) ولاخر بلبول(عصام) 😌
باتي : نا عندي راي اللي هو بدل ما تصير مشكلة بين عصام وامراجع نعطوها لزياد وانتهت ..😞
امي : توكلنا على الله 👐🏻 لولولولولي
انا : كنكم اسملاهي اعطيوه يبي يزوز 😅
اعطيوه وجه ازلط وقعد يتمتم في كلام مش مفهوم كذامشياطلعيبرا قالها هك مع بعضها 😂😂😂
باتي : إن شاء الله نجوزه أحسن بنت في هالوطن 🤨
انا : في وحده سودانية اليوم طقت شايله طنجرة فوق راسها لاعطيوه من غادي😂😂😂
باتي وامي : 😂😂😂😂😂😂😂
اعطيوه يتخزر وطلع برا 🤬
طلع باتي وقعدت نا وامي
امي: راهو بعد يومين هكي نبو نعطوا الموافقة لأم زياد 😊 ويش رايك
انا : تبو اتخلصوا مني طبعا☹
امي : تي لا ياهبلة نحنا نبو انتريحوا عليك قبل ماربك ياخذ أمانته 😟
انا : حتى بعد ياخذ أمانته ممكن انتريح😂
امي : يامنجوهة اتفاولي علي 😡
انا : انتي اللي قلتيها اشدخلني😂😂
امي : سااااامطه لكن غالية علي❤
انا : حتى انتي 😂😂
امي : حتى نا شنو 😡
انا: غالية علي كنك انتي 😂😂😂
امي : يعني نعطي الموافقة
انا : علي كيفكم والله انا احترت
امي : زياد مايشكي من شي كان شي العقرب امه 😡 لكن فكري هاليومين وقوليلي
انا: قصة باريز صح😍
امي : هذا ماقالت امه 😂
مشيت ندير ف العشاء ويرن النقال
امراجع: ايواه جيجتي شن الجو
انا : جيجتك 🤨 هابا عليك
امراجع: نعم جيجتي ونور عيوني اخرى 😍
انا : اسم الله كنك
امراجع: يابنت الناس نا نبيك ومانحب حد غيرك 😟
انا : عدي لسامية حبيبتك 😌
امراجع: لا انتي حبيبتي وماتقوليش راقد ريح توا بعد ناخذك هلك يقسمو علي من قرعتك ونعيشوا أحسن عيشه 😊
انا : 😳😳😳😳 من جدك انت تحكي ربي يحفظه باتي تبيني نورثه بالحياة
امراجع: لا مش هك بعد عمر طويل
انا : خطاني 😭😭 معقول تقول هك وصكرت في وجهه
قعدت نبكي ومصدومة من اللي قاله امراجع 😭😭😭😨 معقول هكي عصام وامراجع طامعين بس في رزقنا 😤
خشيت على امي قلتلها توا كلمي ام زياد وعطيها الموافقة 😤😤 توا توا
امي : وسعي بالك عيب نعطوهم موافقة من اول يوم 😥
انا : نا نحب زياد ونبيه ومانبيش المرتزقة هضوم 😭
امي : على من تحكي
انا : ماحد مهم وافقوا على زياد 😑
بعد يومين امي كلمت ام زياد وعطاتهم الموافقة وعلى طول حددو يوم الجمعة اللي هوا بعد أسبوع موعد للفاتحة 👐🏻
وبدينا نوتوا في أرواحنا انا وامي ودرنا حملة ع الحوش وعطاني باتي فلوس وقالي عدي جيبي دبش وابرمي على روحك وبالذات شعرك😂 وكان يبو فلوس زياده عشان شعرك مستعد نبيع وحدة مالاراضي ونعطيهم😂😂😂
انا : 😭😭 حرام عليك بنت راهو ياشايب
باتي : الله يربحك وين ماتعطي بوجهك 👐🏻
انا : 😍😍😍😍 هات الفلوس
باتي : 😂😂😂 هاكي
كلمت امي عطيه وقالتله تاخذنا للسوق نجيبو دبش نا ورجعة
اعطيوه: والله السيارة عاطلة يا امي لكن توا نكلم عصام
جا عصام وقال لاعطيوه كنكم حايسين 🤨
اعطيوه: والله نوتوا في ارواحنا الجمعة خطوبة رجعة
عصام : 😨 💔 لامراجع
اعطيوه: لا للدكتور زياد
عصام : كيف صار 💔
انا : والله هذا اللي صار نبي ناخذ حد مش طامع في ولا في املاكي 🤑
اعطيوه : 😂😂😂😂 املاكك
عصام : هذه فيش تحكي😟
انا : والله اللي سمعته😒 وهيا توا خلي السيارة لاعطيوه نبو نمشو للسوق تأخرنا 🙂
مشينا للسوق وخذيت لبسة ودرت موعد مع الكوافيره وجينا الحوش 😋
كلم اعطيوه عصام ومشاله عطاه السيارة 🤪
جيت الحوش تعبانه مالمشي وخشيت وسط كراطين الزيت والحليب ورقدت 😴
رن تليفوني
عصام: خير يا ابله 😌
انا : خير يا بوي كنك شن تبي 😏
عصام : كنك يابنت عمي تحكي معاي هك 🙁
انا : منك يا خسارة كنت نشوف فيك شي وطلعت شي ثاني 😌
عصام : شن تقولي انتي فهميني💔
انا : تكذب علي وتقولي نحبك وانت عندك اغراض اخرى 🙂
عصام : والله ماعندي غرض غير انتي ونبيك معاي نصيبي، انا نشوف فيك جنة ونبي نعيش فيها ❤
انا : جنة صح 😂 اراضي وممتلكات
عصام : شنو قصة الممتلكات اللي من بدري تقولي فيها 🤨
انا : امي تعيط نحكو مرة اخرى
عصام : 💔 ثاني مرة توزعيني وصكر الخط
#يتبع
#جرجيره
