ونشوفلكن يابنات هذك الشوفه😒 طبعا لما وصلنا حوش عيت جدي وقف باتي السياره اكيد يعني ماخشش بيها للحوش جوا😒المهم نشوفلكن باب جيران عيت جدي فيه فتحه😒 ونشهد بالله فيه شفشوفه صفره من جوا الباب😒 لنقانها ماره علي الشفشوفه هذي😒
خليت باتي وامي واعطيوه نزلو , جيت قربت من باب جيران عيت جدي😌 وقلت خليني نمسك جعجع متلبس بقضية خيانه, قعدت نقرب نقرب وفتحت الباب فجاءه😱 قعدت نقول استغفر الله شن هذا😱 ياويلنا من ربنا قالي امراجع انتي شن جابك هنا😱 قلتلا جينا علشان المصيف😒 قالي وعليش تستغفري شن شفتي😒 قلتلا هي معاي توا نحكيلك💔 امراجع: اوكي ياصالح باي
انا: نحسابك تميعد
امراجع: شنو😒
انا: اتميعد يعني داير موعد
امراجع: تي صاحبي مقعد ونمشي انا وياه للفجر وناخذ فيه انا من جدك انا نميعد وانتي قاعده😒
انا: هي هي يرجو فينا علشان نطلعو😒
امراجع: عمي جايبلنا هدايا😍
انا: شنو شنو😍
امراجع : توا تشوفي جوا وفكيني من الدحنسه علي عصام😒
انا: تي باهي , خلينا نخشوو
خشينا جوا قعد يضبط في عمي مازن ومرات عمي 😌 وانا في سري نقول ياريت عصام هوا لي يضبط في😌😂
قالي عمي جيجي تعالي خوذي جهازك😍 ساعته عاد كيف جايات اجهزة البصمه ولبطاطا ولبرتقاله😂😌 ايام والاجهزه شهوه
قالي هذا جهازك ياعيون عمك المهم نط عصام وقالي هذي شفرة ليبيانا لكي انتي يادلوعة عيلتنا😍
انا: انا دلوعة عيلتكم🙄
عصام: انتي الصغيره فينا والبنت الوحيده عندنا فااكيد دلوعتنا
انا نبي ناخذ الشفره ويدي ترعش عاد مش مصدقه عصام يقولي هك😱 خلاص قربت يدي توصل يده وناخذ الشفره ويكر امراجع الشفره ويقوله هات توا نركبها لها انا😌
انا: شكرا ياعم امراجع
امراجع : ولو😒
عصام: خليها تركبها بروحها😍 اكيد تعرف
انا: اههههه😌 نعرف بس لازم في ناس تحب تساعد كيف امراجع😒
امراجع: ولو😒
حني: ماعندناش بنات يديرن نقالات وشفرات
امراجع: هيواء صدقتي ياحني
عصام: لا معقوله ياجدتي ماتخلوهاش تعاصر الحياه ولموضه😍
انا: اسمعي ياجدته🤤
حني: قولي حني من يوم ماوعيت علي هالدنيا وناس تقولي حني 😰 جدتي ماهي لناش
عصام: شن معني لناش ياجيجي
انا: معناها
امراجع: معناها مش لنا🙄🙂
انا: هوا يسأل في انا
عمر: تأخرنا خلينا نمشو بدري علشان نصور الشروق😍
امراجع: صور شعر رجعه لما تحول الحجاب😂
انا: متت ضحك طحت ضحك انسحنت ضحك😒
امراجع: 😂😍 نعلي
باتي: هي من بدري ونحنا برا نستنو فيكم تطلعو😌
ركبنا كل عيله في سيارتها وساعته طالعه اغنية فوزي الصغيرونه متاع ماعبرته كي ماقهرني من زمان قهرته😌 ومعليين الاغنيه
وعطيوه يغني وامي تصفق وباتي مره مره يصفر ويسابق في خوته😌 طبعا نحنا عارفين انه العائلات لليبيه كلهم لما يزردو يقعدو يتسابقو ويتحنطو نين نوصلو للمكان لي نبو نزردو فيه دايخيين ونبو نستفرغو😂 حقيقه عاد قولن كذبه😂
المهم وانا راكبه وشوي ويغمي علي لاحظت في ذيل السياره وكانت دبل قبينه الفرشه لي نحنا حطينها من لاوره تحرك😱 قلت في سري الفرشه هذي اكيد فيها عفريته نين ركزت علي نهاية الفرشه😒 نلقالكن كراع ويهز منسجم علي الاغنيه وطبعا كلنا عارفين كراع من😒 قلت نسكت نين نوصلو للمصيف😌
وصلنا للمصيف😍
نزلت نجري دغري وقعدت نكر في الفرشه وكان ثقيل عطه حبه😂 ومابش ينطق😒 وطيحته من عند السياره نين قال اي ياظهري😣😳
انا:😂😂💪 عليش طامر معانا مش عندكم سياره😒
امراجع: ياحقيره ظهري عدمتيه لي😭😣
انا: كيف عدمته لك😳
امراجع: كسرتيه لي😭 كلمي باتك وخوك توا😡
انا: لا الله يربحك اسكت وندير اي شي بس ماتحكي الحد شي ارجوك😭
امراجع: امممممم😌 باهي
انا: شكرا بجد ميرسي بجد😣
امراجع: انا توا نبي نمشي نحقك تدحنسي علي حد تشوفي😒
انا: كيف بتمشي وانت مكسور😭
امراجع: الله غالب نتحمل الألم في سبيل ماتخشي للحبس😌
انا: حبس😱 تحمل ارجوك😭
طبعا كلكن عرفتن انه امراجع يكذب بس يبي يستغل رجعه😌ماعلينا ياجرجيره الله يسامحك😒
عدا امراجع وشباب ونزلو كلهم علي الشط ومعاهم صبايا اسيادي وامي 😌 جيت ببنزل معاهم ونشوفلكن امراجع ماسك ظهره ويقولي هك🙄 يعني ردي فوق ماتنزليش ع شط , قلت اوف ياربي ياريته مات دغري ولا قعد يهدد في هك😣 رديت المكاني وقعدت نبحت من فوق ع شط😌
انا: الله محلاه البحر وريحت البحر😍
عصام: وحتي عطرك محلاه😉
انا: 🤭 انت هنا والله ماركزت عليك كيف رقيت فوق
عصام: قلتلهم بندوش كنك ماتنزلي تغيري جو
انا: اها لالا خليني هنا خير مانحبش انا الموج😌
عصام: تي احلي شي الموج
انا: ساهل توا بعدين ننزل😊
عصام : بعدين توا تزحم مش ح تاخذي راحتك بس في الصبح بدري هواء نقي وهدوء مافيش اي حد يضايقك😌
انا: نقه كان حد ضايقني وانتو تقول كتيبه ماشيين معانا😂
عصام: 😂 عنجد دوتك
انا: كم عمرك ياعصام
عصام: 26 سنه
وانتي طبعا 16 قريب تخشي ال17
انا: صح 😂
عصام: باهي وشنجو اعطيوه معاك😉
انا: كيف يعني شن جوه معاك
عصام: يعني يقيد فيك ولا عادي
انا: لا والله الشهاده لله انه اخ مافي منه😍
عصام: الحمدالله باهي, خلاص بنمشي ندوش ولما ننزل تنزلي معاي
انا: ساهل بس ماشور شي دوش وانت تبي تنزل للملح اخره😂
امراجع: اي ظهري😒
عصام : لاباس كنك
انا: ماكنه شي هي يامراجع ننزلو
عصام: ارجي توا تنزلي معاي
انا: لالا نبي ننزل مع امراجع😊
امراجع: ظهري اي
انا: اي ظهري بلا شورخ عاد كشفت بي😰
عصام: براحتك نتلاقو لوطه ياضنا العم
انا: تمام ليش لا🤤
امراجع: اي ظهري
انا: خلاص عاد معش تشكي واجد توا يشكو في ظهرك مكسور ويقعدو يحققو كنك انت😒
امراجع: من قالك احكي معاه تي والله غير نلبسك دبله تحرمي تحكي مع اعطيوه😒
انا: غصبن عنك الا خوي😌
امراجع: خوك ياحنه مش محرم لك وهوا ولد خالتك اساسا😒
انا: طيح سعدك امربيينا هلي والله لو يسمعوك يكرهوك لا يوم الدين
امراجع: انزلي معاي هي
انا: مانبيش ننزل هي
امراجع: اي ظهري😌
انا: حسبي الله فيك من راجل انزل قدامي هي😡
امراجع: 😂 هي
نزلنا لوطه وجيت قعمزت جنب الشط 😌
وقعدت نفكر في لو انا امراجع مات كيف نقضي بقية حياتي في السجن😌 ومانندري الا وصباط اصبع منطلق في ظهري التفتت بحتت😡 وقلت من البهيم لي طلق في الصباط😡
امي: ماغيرك بهيم تعالي افطري
انا: مانبيش نفطر نبي نقعد هنا😅
امراجع: ااااااااي ياظهرررري
انا: مكبر ذانك حتي وانت بعيد تسمع فينا😡
امراجع: ظهررررري قلت😒
انا: سمعتك سمعتك ياريتك تزحلق وتعدم🔊
امراجع: يانعلي ياظهري شن قلتي🔊
انا: توا نفطر قلت حسبي الله فيك
وعديت مع صبايا وقعدت ناكل ونبحت في عصام وعصام يبحت في😌
# يتبع
شاركن القصه تابعني او ضيفني😍 لو لقيت تفاعل انزل حلقه اخر
#جرجيره
هلافيو كلكن لي تعجبها القصه تعلق ب10 تعليقات😊
