For What It's Worth Book 2 (BoysLove)

Chapter 3

Authors Note: This story is based from my own experience. Names were changed for the privacy of people involved. Some scenarios are changed to make the story more appealing to readers and there are scenes that were added to make it more exciting. Any events or scenarios that resemble are pure coincidence. I am new in writing stories so bear with my lapses. Please leave your comments, bad or good comments are appreciated. Thank you

“Magkakilala kayo ng bisita ng anak ko?” Tanong ni tita sa lalake. Nakita ko namang tumango ang lalake sa gulat na makita ako sa bahay ng auntie niya.

“Kilala mo pala si kuya Mark, kuya?  Tropa ko din siya eh” buong pagmamalaking kwento ni Nick okay Jeff.

Namutla naman ako, hindi ko alam kung ano ang sasabihin ko. Nakakahiya.

“Jeff!”

“Magkakilala kayo ng pinsan ko kuya Mark?” Paglilipat lipat na tingin sa amin ni Nicko, para akong nabuhusan ng malamig na tubig. Daig ko pa ang nag ice bucket challenge.

“Mark?” Takang tanong ni Jeff sa pinsan niya.

“Oo, siya si kuya Mark, akala ko ba kilala mo siya kuya Jeff?” Kibit balikat na tanong ni Nicko at nagsimula na ulit kumain.

“Ahhh, OO! Second name pala niya yung Mark” Pagpapalusot ni Jeff sa pinsan niya. Di ako makatingin sa mga mata ni Jeff. Nahihiya ako. Alam na niya na may nangyari sa akin at sa pinsan niya dahil gumagamit lang naman ako ng ibang pangalan kung may dinadale ako. Alam naman niya kasi na nakikipag one night stand ako at kahit alam niya ay mahal pa din daw niya ako.

“Halika na Jeff, saluhan mo na kami” Umupo naman siya sa harap ko. Para akong nawalan ng dila ng mga oras na yun, ramdam kong nakatingin sa akin si Jeff.

“Ano ba pinagkakaabalahan mo kuya Jeff? Antagal mo na di pumupunta dito.” Casual na tanong ni Nicko.

“May hinahabol kasi akong tao” Sabi niya.

“Ha? Bakit? May nagkakautang sa iyo hijo?”

“Hindi po auntie, hinahabol ko siya kasi gusto ko po mahalin din niya ako” Napatingin naman ako sa kanya.

“Aba’t napakaswerte naman niya. Bakit hindi ka niya mahalin? Sa gwapo mong iyan, abay napakatanga” Sabi ni tita sa kanya.Nasamid naman ako.

“Oh hijo, ito tubig.” Alok sa akin ni tita.

“Salamat po” Pagpapaumanhin ko.

“Ang hina mo naman insan, di mo kayang pasagutin yun!” Alaska ni Kiko.

“Kahit na takbuhan niya ako, kahit iwasan niya ako susundan ko siya” Nakatingin naman siya sa akin dahilan para sipain ko siya sa ilalim ng mesa.

“Aray!” Sambit niya.

“Oh kuya Jeff, anyare?” tanong ni Nicko.

“Wala, may langgan sa paa ko. Tara kain na tayo.” Natapos kaming kumain at nag prisenta akong maghugas ng plato pero tumanggi si tita. Naligo naman si Nicko at inayos ni kiko yung kotse niya sa labas. Naiwan kami ni Jeff sa sala nila.

“JD…” Napalingon naman ako sa kanya. Kita ko yung sakit sa mga mata ni Jeff. Naguiguilty ako, bakit naman kasi ganito kung magbiro ang tadhana.

“Jeff, sorry. I didn’t know na pinsan mo pala si Nicko. Di ko naman siya pinilit eh” Pagdedepensa ko sa sarili ko. I know it’s lame to make excuses pero ayaw kong isipin niya na pinilit ko si Nicko.

“Bakit ka nag sosorry? Hindi naman tayo to begin with” May tumulong luha sa mata niya na agad naman niyang pinunasan. “Alis na ako” pagpapaalam niya at umalis na bigla.