#نُص_طاير2
#مايا_هيثم
الفصل العشرون
*______________________*
نـدي كانت تكتم صرخاتها لأقصي حد، حتي بعد أن وصلت إلي أعتاب المُستشفي، لاحقهم الجميع إلي هُناك بالطبع ..
حازم كان يسير بجانبها وهي تتحرك علي المقعد المُتحرك، أمسكت بيديهِ بقوة، وجذّت علي أسنانها، ثم قالت وهي تبتلع ريقها بصعوبة، ونبرتها خائفة ومُتألمة :
-أنا خـايفة يا حازم .. ماتسيبنيش .
إنحني حتي وصل لمستواها، حرك يدهُ علي وجهها وهو يقول بهدوء :
-هاتقومي بألف سلامة يا حبيبتي ماتخافيش، ربنا معاكِ وأنا كمان معاكِ .
ضغط علي راحتيها في نهاية حديثهِ، منحها ابتسامة بسيطة، ثم أخذتها المُمرضة إلي غُرفة الولادة .
إستأذنت يارا مِن الطبيب قائلة :
-لو سمحت يا دكتور مُمكن أدخل معاها ؟
قـال الطبيب بعملية :
-جوزها بس اللي مسموح له يدخل معاها .
قالت بإصرار :
-يا سيدي إعتبرني جوزها ودخلني معاها .
نظر لها الطبيب شرزًا، فأمسكها آدم بجانبهِ قائلًا :
-معلش يا دكتور المدام بتهزر .
حركت يارا رأسها نافية، ثم قالت بإعتراض وفظاظة :
-لأ مابهزرش، أنا وجوزها هاندخل ليه ؟ لأن لو حضرتك طليت بعينك هناك كدا هاتلاقي عيلتها كُلها اللي تفوق الـ ٢٢ فرد واقفين وقلقانين عليها، فلو مادخلتنيش أنا وجوزها بالذوق هاتلاقي العيلة كُلها جوا الأوضة بالعافية، ثم إني دكتورة زي زيك، بس إنت إشتغلت وأنا جوزي مانعني مِن الشُغل ..
كادّت أن تُتابع حديثها، ولكن أوقفها آدم بوضعهِ يدهِ علي فمها وهو ينحني إليها هامسًـا، وينظر للطبيب بابتسامة مُتكلفة :
-إخرسي بقي .
قـال الطبيب بعد أن شعر بالملل والغرابة وتصرفات تلك العائلة :
-تقدري تتفضلي إنتِ وجوزها .
أزاحت يارا يدهُ، ثم نظرت لهُ شرزًا وهي تقول بإمتعاض :
-حسابك معايا لمَ أخرج .
إتجهت مع حازم إلي غُرفة الولادة .
في الداخل، قـال الطبيب وهو يُتابع حالة ندي :
-المدام مِش هاينفع تولد غير قيصري، لأنها ولادة مُبكرة وجسمها مِش هيستحمل الولادة الطبيعية .
قـالت ندي وهي تبكي مِن فرط الألم :
-أي حاجة بس خلصني مِن الوجع ده، خلاص مش قادرة أستحمل .
حقنها الطبيب بالإبرة المُسكنة، تمسك حازم بيدها وأخذ يربط عليها ويُهدأها قائلًا :
-خلاص يا حبيبتي، كُل وجع هايعدي .
قـالت المُمرضة بـإمتعاض لـ يارا التي تُمسك بالكاميرا تُسجل كُل ما يحدث :
-يا مدام كدا ماينفعش، شيلي الكاميرا بعد إذنك.
قـالت يارا بلامُبلاة بحديثها :
-شششش دي لحظة تاريخية لازم تتكرث .
-يا مدام بس آآ …
أنت تقرأ
نُص طاير2 " وللطريقِ بقايّـا "
Humor(نُص طاير )2 ( وللطريقِ بقايا ) #مايا_هيثم مُقدمه *__________________________* للطريقِ بقايا وإن ظننتها النهاية، أخطُ بقلمي قصة عائلة لم ولن ينتهي الطريقُ بها، قصة أُسر ترابطت حتى باتوا يدًا واحدة، خيرُ مِثال على أن الحُب الأُسري، أقوي مِن حُب رجل...
