Lawyer saber بقلم الكاتبه
مهند
اول ماشفته لاشواق رف قلبي ليها
شو معقول انا عندي هيك بنت عم حلوة ونازكه .وعم تطير العقل ...
ومن لما تعرفت عليها اكتر عن قرب ..عرفت فيها كل الصفات اللي بحبه انا
حسيتها بتشبهني كتير
ومن لماعرفت ظروف زواجه وطلاقه ..وقديش هي انسانه مكافحه وبتحب الحياة .....وبتشتغل في سبيل تعيش اطفالها ...الصراحه كبرت بعيني الف مرة
قلتله لنازك تفاتحها بالموضوع
نازك ...رجعت ..من عندون وقالتلي ..هي بدا تفكر شوي
حسيتها لنازك داتخفي شي عني ..
بس حبيت عطيلا وقت لا تفكر براحتها
وفيوم عمي اتصل بيه وخبرني بانو زياد ابن عمي بدو يخطب بنت من قرايبين امو ..وبدو مني روح وياهون ...حتى نطلبون من اهلا ونعمل خطبه وعقد ...وانا باركتلون ...وقلتله راح احضر معون
نازك
اخويه مهند راح ويا عمي مشيه حتى يخطبون لزياد ...كلش فرحت لان زياد راح يخطب ....وانقهرت على الابنيه اللي راح يخطبها هذا الهمجي .
كملو المشيه واجا وكت الخطبه والعقد سووها بالبيت وعزمونا احنا وبيت اشواق
رحنا للسوق اني وياها واشترينا ملابس ...ورحنا للصالون اللي تشتغل بيه حتى نسوي شعرنا
واني بالصالون ...دك موبايلي ...رقم خارجي .....اتخربطت احوالي وكلبي كام يدك ...شلت التلفون
ودخلت الحمام حتى احجي براحتي حدسي ..يقول هو معتصم
_الو
_الو معتصم هذا انت ؟
_ اكيد انا معتصم ماعرفتي صوتي
اول ماسمعت صوته شهكت بالبجي ماتحملت ...ياربي
_ شو بو صوتك ...عم تبكي ...ليش هيك نازك ...
_ اعتذر من الفرحه بجيت اشلونك حبيبي .صحتك اشلونها
_ الحمدالله مليح ...بس سمعت صوتك صرت عال العال
كيفك اخبارك ..وينك هلق
_ الحمدالله كلش زينه ...اني هسه بالصالون ..دانتحضر حتى نروح لخطبة زياد ...راح يخطب اليوم من كرايب امه
_ اي ....شو عليه ...روحي بس ديري بالك ها اشوفك لابسه لبس ...مكشوف
_ لا لا تخاف اصلا راح البس شي عادي مو مال سهرة
_ انا تلفنتلك لحتى اخبرك خبر حلو ...المحامي قدم لي عل افراج حسن سيرة وسلوك ..واحتمال ...اطلع بعد ٨ اشهر ..
_ واو ...احلى خبر سمعته بحياتي انشالله ..يارب
_ لازم سكر هلق ..مشان اتصل باهلي وخبرون
_ ماشي حبي
_ مشتاقلك كتير ...باحبك
_ اني همين يلا باي
واول ماسديت التلفون ...دموعي نزلت من عيوني ...وماتوكف ...حاولت اسيطر على روحي وغسلت وجهي وطلعت يم اشواق .
اشواق
اليوم خطبة زياد ولاول مرة احاول اهتم بروحي صارلي سنين هامله روحي ودافنه نفسي بالحيا سويتلي تنظيف بشرة ومكياج خفيف واشتريتلي نفنوف حلو ....بس مابالغت ...حبيت يكون مكياجي وشعري طبيعي ..خليت الاطفال يم امي والهام
رجعنا للبيت بدلت للاطفال ..واجا علينا مهند ..ركبنا ...
حسيت بنظرات مهند من المرايه ...يرفع عيونه ويباوعلي بطريقه ...غير شكل
استحيت هوايه ...ولاول مرة بحياتي ...مشاعري مادااسيطر عليها ...
بعمري كله مامجربه الحب ولا اعرف ...اشلون الواحد يحب وينحب ...بس لا اني مامسموحلي لا احب ولا انحب
اطفالي محتاجين لحناني ...اخاف اوافق على الزواج ابوهم ياخذهم من عندي ...ومهند خوش ولد وشاريني ...ومبين عليه كلش حنين احس بهالشي من معاملته لاطفالي
واخيرا وصلنا نزلو الكل ...فهد وعسل يم امي والهام ردت انزل استوقفني
_ اشواق ....ايمتى بدك تحني علينا وتوافقي مو انا احترق جد جدي ...وافقي خلينا نلم الشمل
_ خايفه مهند هوايه
_ من شو خايفه ....اسمعيني منيح طول مانا جنبك ماتخافي من شي وماتخافي من حدا
_ زين مهند عفيه هسة مو وكته
_ وايمتى وقتو ؟
_انطيني مهلة افكر
_ اكتر من هيك ....ليش كلما حاول احكي معك بتبعدي ..اسمعيني منيح انا ماراح اتركك لحد ماتوافقي
_ ماشي مهند هسه مو وكته عيب من اهلي اتاخرت
_ ماشي ماشي ..بكرا بنحكي
نزلت واني بنص هدومي من الخجل امي والهام ينتظروني نازك جانت داخله جوا
سالتني امي
_ شكو شيريد مهند
_ بعدين احجيلج يوم هسه مو وكته خلي ندخل جوا
نازك
دخلت جوا هوسه الرياجيل جانوا بالاستقبال والنسوان بالصالون.....واخيرا شفتها للابنيه اللي خاطبينها لزياد
انقهرت عليها ابنيه حلوة وناعمه وكلش صغيرة يمكن عمرها ١٦ او١٧
ماحبيت ابالغ باللبس ..جنت لابسه شي بسيط ...
كملوا العقد واجا زياد ...بوسط النسوان ...حتى يلبسها الذهب البنت مبينه كلش فقيرة وخجوله ...لبسها الذهب وباس راسها وعلى غفلة رفع عيونه يدور بين النسوان واخيرا وقع عينه عليه رمقني بنظرة كانه يكوللي ها انتي اللي ماجنتي رايدتني اكو الف من تتمناني
اتجاهلت نظراته ...
جان المفروض يلبسها الذهب ويطلع بس هو كعد مجلب
اني ضجت من نظراته طلعت للمطبخ حتى اشرب ماي ...شفت من شباك المطبخ مهند وعمي وجهاد واكفين بالطرمه يحجون ....خمنت بان مهند يريد يحجي ويا عمي بموضوع نيته بخطبة اشواق
جهاد .. ..اندار وشافني ...دخل المطبخ وسلم عليه
_ اشلونج نازك ...اشو مختفيه مادا نشوفج
_ الحمدالله زينه ....والله مشغوله تدري بيتنا وحد والمسؤوليه كله عليه ....اتعينت لا ؟
_ اي الحمدالله اتعينت بمستشفى حكومي .
_ اي الف الحمدالله ..واشلونه الدوام
_ متعب بس حلو ....ماشالله عليج ....يوم عن يوم تحلوين
_ اشكرك جهاد انت داتبالغ
_ صدكيني ماداابالغ
ردت اغير الموضوع
_ اشلونها زمرد ؟
_ مااعرف هسه هي اخر سنه عدها بالكليه وماشايفها من مدة
_ اشعجب ؟
_ شنو اشعجب اني اكولج هي بالكليه واني دااداوم بالمستشفى .
ضحكت من صار عصبي
_ زين زين افتهمنا بس لاتعصب
حسيته ضاج وطلع مرة ثانيه وكف بصف ابوه بالطارمه
شربت ماي وطلعت للصاله بعده زياد كاعد ويا خطيبته رحت كعدت يم اشواق
شويه بقينا مهند صاحلنا حتى نطلع
وصلنا مرة عمي واشواق والهام ورجعنا للبيت
من التعب ...دخلت الحمام بسرعه سبحت ودخلت الفراش حتى انام .
