Lawyer saber بقلم الكاتبه
نازك
بقيت اداوم ايام ومهند اجاه اتصال من خاله يخبره لازم يرجع هو ومعتصم وصار لازم يرجعون صار عدهم شغله ضروريه
طلبت من مهند ياخذني وياه لان محتاجه اغير جو ...وابعد ..شويه ومااريد ابقا وحدي
وافق بشرط اكول لجهاد اني رفضت لان طول الاسبوع هو لاسال عليه ولا خابرني ...
اني كلش مشتاقتله بس كرامتي ماتسمحلي اخابره او اسال عليه
مااعرف ليش كلبه صاير قاسي عليه وشنوواللي غيره ناحيتي
اني مالي ذنب باللي صار خبرته لمهند خلي هو يخابره اني يستحيل اخابره ...
وفعلا خابره وقنعه بالزور لان ماجان موافق
اخذت اجازة من الدوام فد اسبوع وحضرت جنطتي وغراضي جنت مترددة اخابر جهاد ...حتى اودعه ..رتبت غرفتي وسويت عشا اليه ولمهند ....وجنت بالمطبخ دااشتغل ...سمعت صوت الباب وسمعت صوت معتصم ....مهند دخله للصالون ..ومن المطبخ رحبت بيه وكملت العشا
مهند جلب بمعتصم على العشا
اجتمعنا ثلاثتنا
جنت احس بمعتصم تصرفاته غريبه مرات اشيل عيني اشوفه دايراقبني ومرات احسه ..عيونه شاردة وصافن
كملنا العشا معتصم استاذن يروح .
واني غسلت المواعين ودخلت غرفتي
سمعت صوت موبايلي
باوعت ...جهاد
فتحت الخط
_ الو جهاد
_ الو نازك اشلونج
_ الحمدالله زينه ...انت اشلونك ؟
_ اني موزين ....مشتاقلج ....
_ اني هم مشتاقتلك
_ باجر راح تسافرين ..خلص ...
_ اي
حسيت جر حسرة ..وصوته مثل اتغير حسيت بيه يتالم ...بس يحاول يداري
_ نازك لاتروحين ...لاتسافرين وتعوفيني
_ انت اللي عفتني زياد ...باصعب وكت جنت محتاجتك عفتني ...ولمتني وعاقبتني على شي مالي ذنب بيه
_ كافي نازك ...دااكولج لاتروحين ....لاتعوفيني
_ خلص جهاد اني ..حجزت التيكت بعد ماكو رجعه ...خلي نبعد عن بعض شويه ونعيد تفكير بحياتنا ...
_ ماكو داعي لها الحجي ....ترة ..احنا مو صغار .....زين تعرفين اني اشكد احبج ...ومااكدر استغنى عنج
_ واني هم احبك بس خلي نبعد شويه عن بعض ....اترجاك جهاد لاتصعبها عليه اني باجر مسافرة
_ ماشي نازك ماشي بس لاتطولين هي اسبوع واحد واريدج يمي ...افتهمتي
_ ماشي جهاد ماشي ..مع السلامه
_ مع السلامه
اول ماسديت الخط كلبي انقبض حسيت روحي راح تطلع
احبه ومااريد ابعد بس هو جرحني ....من عافني
حاولت انام ماكدرت كمت اتقلب ...بالفراش ....
الصبح كمت بالزور يمكن نايمه ساعتين ....طلعنا ثلاثتنا للمطار ....
جنت كاعدة بالطيارة الكرسي اللي على الممر وبصفي مهند وعلى الطرف الجامه معتصم
الرحله جانت عاديه...وماخفت لان هاي ثالث مرة اركب فصار عادي وصلنا هناك ....
نورس اخذتني لغرفتها ...بدلت وارتاحيت طلعنا للصاله طلع بوجههي معتصم جان طالع من الحمام بالبرنص ...استحيت منه وهو لايمه ..وكف كدامنا ويحجي ويا نورس دققت بركبته مخلي بلاستر ...اتذكرت اني الشخص اللي اتهجم عليه خرمشته قوي بركبته
ماحجيت اي شي لان نورس جانت واكفه ويايه عفتهم دخلت للمطبخ
مرة خالي جانت محضرة العشا وداتخليه على الميز ساعدتها وشويه ورجع خالي ...
اخذني بحظنه ورحب بيه
التمينا كلنا ...على العشا ....حاولت ادقق بركبة معتصم وحاولت اتذكر اني خرمشت الطرف الايسر لو الايمن مادااتذكر ...
كملت الاكل واني فكري شارد وكلما يسالني خالي سؤال لازم يعيده حتى استوعب
مهند لاحظ شرودي ..
_ نازك يمكن بتكوني تعبانه ....باشوفك مو على بعضك فيكي شي ؟
_ لا ابدا بس البارحه يمكن مانمت زين
مرة خالي حجت
_كملي عشاك ...وارتاحي ...شوي
_ انشالله خالتي
