جهاد
جنا كاعدين بالمطبخ دانتعشى الساعه جانت بالثمانيه
اشو..دخلت نازك .....حسيتها متضايقه ومنزعجه واستغربت رجعتهم من وكت هم على اساس يروحون مدينة الالعاب ويرجعون ورا ١١
سلمت علينا كلنا وكبل دخلت غرفتها
دخل زياد وراها وهو عاقد حواجبه ومبين عصبي
سلم علينا وكبل كعد على الميز
_ يوم صبيلي العشا كلش جوعان
جاوبته
_ اشعجب ماتعشيتوا برة ..مو على اساس تتعشون وترحون مدينة الالعاب
_ اسالها لنازك ....ضاجت وكالت الا ارجع
_ وليش ضاجت بالله ؟
_ اشمدريني ...اني روح اسالها ....خرب .....باللي يمشي ورا النسوان وحجيهن
_ وانت ليش متعصب وضايك خلكك
_ جهاد كافي ترا روحي واصلة لخشمي ...جوعان واريد اكل .
سكتت وماحجيت بس حسيت صاير بيناتهم شي والا
نازك ماتضوج بسرعه وترجع وهو شكله كلش معصب
اني نفسي مااعرف ليش هلكد مهتم لابسط التفاصيل اللي تخص نازك طلعت لغرفتي ودخلت فراشي وبيدي موبايلي
فكرت ادزلها رساله
واخيرا تشجعت وكتبت
_ هلو نازك اشلونج ؟حسيت بيج ضايجه ؟ خو ماصاير شي ؟
لحظات وجاوبتني
_ لا ماكو شي تعبت من الفر ...وراسي كام يوجعني
_ اهاااا اخذيلج حبايه باراسيتول ونامي
_ اي انشالله ..تصبح على خير
_ وانتي من اهله .
*****.
مشت بينا الايام ...واني احاول اتجنب كلشي يشغلني عن دراستي موتت روحي بالقرايه اتجنبت كل الموجودين بالبيت حتى على العشا مااطلع ...ومن اجوع اسويلي لفه واخذه لغرفتي حتى ماتاخر على القرايه جان عندي تصميم قوي .اني نفسي استغربت روحي
واخيرا خلصت امتحاناتي ورغم انه اني جنت مجاوبه زين بس القلق مايفاركني ...زياد اتخرج من الكليه وجهاد صار بالمرحلة الخامسه بس اني بقيت منتظرة نتيجتي .
جنت كل يوم ادور بالانترنت بلكت الكا منزلين النتائج عايشه حرب اعصار ....
وبيوم العصر جنت دااشتغل بالمطبخ ..دخل جهاد وبسرعه ...اجا يمي
_ نازك النتائج طلعت على الانترنت
_ صدك ....لو داتتشاقى
_ اي صدك ...طلعت ليش ماتصدكين
_ اروح اجيب موبايلي
_ على الموبايل مايطلع ...هسه انزل اللابتوب مالتي واطلعلج النتيجه
هي دقايق صعد ونزل اللابتوب وخلاه على الميز وكعد يدور ...واني كاعدة بصفه ...انتظر ...بقلق
بقا حوالي النص ساعة ومايفتح
ضجت كمت حتى اكمل شغلي ...مرة عمي هسه تكعد من النوم تشوف المطبخ مو نظيف تكلب الدنيا
جنت داامسح الطباخ فزيت على صيحة جهاد
_ نازك ...انفتح والله انفتح ......هياته ..معدلج ..
_ اشكد الله عليك مااريد اباوع انت كوللي ...صيح باعلى صوته
_ ٩٧ وبوينت ٧
اني بس سمعت هيج كمزت من الفرحه مااعرف شاسوي
اقترب مني لزم راسي
واخذ راسي وحظنني
_ عفيه عليج الف مبروك
استحيت هوايه سحبت روحي منه
_ اشكرك تسلم ...
عفيه جهاد نتيجتي وعرفناها بقت نتيجة اشواق
كام يدور ويدور وباوعلي بخيبة امل
_ جايبة ٦٨
_ يلة نعمه هم زين نجحت ويا ظروفها هاي .اروح اخابرها ابشرها
وبسرعه لزم ايدي واستوقفني
_ ناويه تقدمين ياكليه
_ اكيد طب اسنان ...هذا حلمي من زمان
_ كلش زين ...تستاهلين كل خير
عمي فرح هوايه ...وكاللي هديتج موجودة ...وخلال يومين يجيج ...فرحت هوايه ...جنت احس الكاع ماشايلتني من الفرحه ....لان ماجنت متوقعه اجيب هذا المعدل واكدر احقق حلمي ...خابرت اشواق ابشرها
بنجاحها
ومن الفرحه ....ماكدرت الليل كله انام ....الليل طار من عيوني واني اتخيل روحي ...اداوم بالكليه ...وجنت مجمعه اشويه فلوس من مصروفي صممت انه اشتري بيها ملابس جديدة
ووراها بيوم جابلي جهاد استمارة التقديم الالكتروني للجامعه ترسناها سويه ....وترسنا لاشواق همين
كملنا كلشي
وعمي اهداني لابتوب ...جديد جان مكلف جهاد يشتريها الي
الوحيد اللي ماباركلي ولاشفت وجهه هو زياد
مااعرف لبش جنت احس بيه متضايق ماادري ليش .
**************
زياد
باخر طلعه ويا نازك ...حسيت هوايه ذليت نفسي
مو اني اللي انذل واتعامل هيج ومن منو من نازك
صممت وقررت اتجاهلها وانطيها درس بعمرها ماتنساه
راح اخليها هي اللي تتمنى اباوعلها بنظرة بس خلي تصطبرلي
ولماعرفت هي نجحت وجابت درجه عاليه ....ودرجتها صدمني واتعمدت اتجاهلها وماباركلها هسه هي راح تنغر اكثر ...وخشمها راح يعلى بعد اكثر ...بس مو مشكله اصبريلي ....اني الج ....ان ماكسرته لخشمج
وذليتج مااكون زياد .
********
اابارت قصير عذروني
ولاتنسوا التصويت
