Lawyer saber بقلم الكاتبه
نازك
مر اكثر من شهر ومعتصم لا حس ولا خبر ...حسيت اتخلى عني خلاص وما رايدني ..
اني ليش صديته ياربي...اني اشكد غبيه ليش فجأة اتحول الحب بداخل كلبي الى كره ..وحقد.شنو السبب
مااعرف ليش من دون الناس دائما مشاعري متخربطه ...ومادااسيطر على روحي بقيت ايام اكل بروحي
خابرت مهند ...بلكت اوصل لخبر عنه لان كرامتي ماتسمحلي اخابره لمعتصم
واخيرا اتصلت بمهند
_ الو
_ الو مهند اشلونك ؟
_ كيفك حبيبتي ...مشتاق لك بس ظروف الشغل منعني ..
_ اخبارك مهند ..واخبار البنات ومعتصم اشلونهم
_ كلون ملاح ...وبيسالوا عنك كيفك بالكليه ..
_ الحمدالله ..ايمتى تجي ؟
_ كمان اسبوعين واكون عندك
_ انطيني خبر لحتي افتح البيت وانظفه تدري من ذاك اليوم اللي طلعنا بيه ..ماداخلته وباقي مقفول
_ راح خبرك اكيد
_ طيب مااعطلك خويه ..مع السلامه
_ مع السلامه
ماتوصلت لشي ..قلقي زاد ...
كلبي وجعني بالزايد.
مر الشهر وخلص الاسبوعين وماكو خبر رجعتهم ولا اكو خبر من معتصم
قررت اخيرا اشيله من راسي والتفت لدراستي ....احاول اشيله من كلبي وعقلي مثل ماهو اتخلى عني وطلعني من كلبه .
هاي الاغنيه تعبر عن حالة نازك
معتصم
نازك بدا تجنني هي مابدا تسدق انه اني فسخت خطوبتي من زمان ....قبل سنتين لما كنت بالشام خطبت وحدة كانت معي بالكليه
وقبل ست اشهر اكتشفت بانها تخونني ...لقيته بتتراسل مع شخص ..وبكلام مينلبس عليه ثوب ....اشمأزيت منها وفسخت الخطوبه ...بس هي مابدا تفسخ ..ولاحقتني بالتلفونات .....نازك عرفت بالخطبه جن جنونها ..وخربت كل اشي بيننا وما سمعت مني
انا غلطت ..ماقلتله الموضوع قبل ماتكتشفه هي بس شو باعمل ..ماكان ببالي اقله
زعلت كتير ..لماعرفت هي فلت وراحت ...ورجعت لبغداد
من غير ماتودعني
صممت وبداخلي اني اتجاهلها
فترة لحتى عطيها درس ماتنساه .
*********
جهاد
من رجعت نازك من تركيا واني احسها مو تمام ....عندي احساس قوي بانه عدها مشكله
او اكو شي يشغل بالها
صوتها بالتلفون جان مو تمام
ومن شفتها بالكليه شكلها ماعجبني ..ذبلانه وضعفانه
اني نازك اعرفها زين متربيه ويانا
قررت هالمرة احاول اعرف مشكلتها بلكت اكدر اساعدها بحلها
نازك
اليوم العصر اتفاجأت بزيارة عمي النا واول مادخل ضمني لصدره وباس راسي واني بست ايده ونسيت كل اللي سواه الي
كعد بالصالون قدمناله الماي والضيافه واخذفهد وعسوله باحضانه وهو يبوس بيهم ...وابتدا الحجي ويايه
_ بنتي نازك ..بعيدا عن كلشي اني اظل عمج ...وانتي بنت اخويه اللي ربيتها على ايدي
اريد نبدي صفحه جديدة ...
اريد نرجع مثل الاول
تجين تزورينا وتسالين عنا ونجيلكم
_ عمي ...اني ماعندي شي وياك ولا كان ...مشكلتي الوحيدة جان زياد وخلص كلشي وانت تبقى عمي وابويه
كعدنا كلنا جنا نسولف ...
بالاخير حجا الموضوع اللي جان جاي عليه
_ بنتي هذا المحل اللي سلمتلكم اياه ...مقفول وماحد مستفاد منه ..ليش متأجروه الي واستفاد اني بيه تعرفين صارلي سنين متعود على هل المحل ...واي سعر تردونه اني حاضر .
_ ماشي عمي بس اني مااكدر اتصرف لوحدي لازم انطي خبر لمهند اخويه وهو يقرر..
_ ماشي احجي وياه وانطيني خبر .
_ ماشي عمي
كمل حجيه واستاذن وقبل لايطلع وجه كلامه لكلنا
_ الخميس الجاي كلكم معزومين عدنا بالبيت على العشا ومااريد اي اعذار
_ ماشي عمي ماشي
ودعناه ....وبسرعه خابرت مهند ...وحجيتله على موضوع الايجار جاوبني
_وشوعليه ..خلي ياجرو هو اولى من الغريب ..بس ..لازم تستني لحتى ارجع ونمضي معو عقد الايجار ...اني وانتي وعمي ..كل اشي لازم يكون اصولي ...خبري...يتانيني لحتى ما ارجع الاسبوع الجاي
_ ماشي راح اكوله ...اكو شي لاخ ..هو عزمنا الخميس عل العشا كلنا نروح ..انت شدكول
_ وشو عليه اذا بدك بتروحي مع الكل ..بس ديري بالك علىحالك
_ ماشي تسلملي اخويه
سديت التلفون .....
بالليل جنت متمددة على فراشي اريد انام سمعت رنة موبايلي ...جان رقم غريب
اشواق جانت نايمه هي والجهال طلعت للصالون وكلبي يدك سريع مااعرف خفت
واول ماشلت ...بس سمعت صياح ..وصوت عالي كلشي مافتهمت جان معتصم يصيح بصوت عالي حسيت اذني راح تنطرش
_ حيوانه ....انتي شو انتي شو من بشر .....صارلي مدة عم حاولىحاكيكي ..ليش كلما حاول احكي معك بتبعدي ..افهميني ....حسي فيني ...فكري فيني
عم اموت الف موته وانتي بعيدة عني ...وانتي ولايهمك
عم احكي معك...
اختنكت اريد احجي مااكدر العبرة خنكتني
_نصي صوتك اول مرة انخرست ....احجي على كيفك ليش تصيح ؟
_ بدك تروحي على بيت زياد ...ياخانوم ...اوعك تستغفليني ...واذا رجلك عتبت باب بيتهم اكسرها ..انتي وحدة انانيه مابتفكر غير بحالها وانا هون النار تاكل بصدري حسي فيني
_ هسه صرت اني انانيه ومااحس اسمعني زين انا اروح واطلع بكيفي وماالك اي سلطه عليه افتهمت
_ اي خليني بس اجي ورجيكي شو بعمل فيكي ..اذا فكرتي بس تكسري كلمتي ...قسما ..بالله ...لاخلي كل عظمه بجسمك مكسرة تكسير ...عم تتحديني ...جربي تتحديني وشوفي اللي يجرالك
كال كلمته وسدها بوجههي ..كعدت على القنفه احاول الملم روحي جسمي كله يرجف من التوتر والعصبيه ..انا اشسويت بحالي اشلون اتورطت ويا هذا المخبل ...اخرب من زياد ..ربي اريد بس رحمتك خلصني من هالعذاب
الليل كله ..مانايمه ...الصبح .جسمي مكسر ماكدرت اروح للدوام
بقيت وياىالهام والاطفال
وصممت وقررت اروح على العزيمه وشيسوي خلي يسوي بعد مايهمني شي .
وبيوم الخميس ...العصر اتحضرنا كلنا لبست الفستان اللي جابه معتصم بس لبست فوكاه جاكيت قصير ...لان الفستان بلا ردان ولاكتف وخليت اشواق تاخذلي صورة
وعلى عناد معتصم دزيته اله
اني اعرف دالعب بالنار ..بس مايخالف اني صارلي شهرين دااحترك ..خلي احركه هو همين ...دزلي رساله
_ شو معناه هذا بتتحديني يعني ؟
ماجاوبته
دز مسج لاخ
_ شو عليه مسير الحي يتلاقى ومصيرج جوا ايدي قريبا ..واعلمك كيف تتحديني
كلمات التهديد دخلت الرهبه والخوف بكلبي بس حاولت اتماسك اريد اشوف تاليتها وياه .
طلعنا كلنا ...اني ومرة عمي واشواق والهام والطفلين
عمي استقبلنا ورحب بينا ...مرة عمي استقبلتنا ودخلنا الصالون جهاد نزل من فوك ....وابتسامه حلوة على شفافه وعيونه تضحك ..سلم علينا وكعد ويانه...اخذ فهد لحظنه زكام يلاعبه ويحجي وياه
وراها بلحظات دخل زياد من المطبخ جان مبين توه جاي من بره ...على وجهه تكشيره ...وحواجبه معقودة سلم علينا ببرود وطلع فوك ..بعد احسن
طلعت يم مرة عمي اعاونها بالشغل ..
اجتمعنا كلنا على الطاوله عمتي صاحت على زياد اجا وكعد ...جان يتحاشى النظر بعيوني وكانه خجلان من اخر مرة انضرب بيها كدامي
كملنا العشا وطلعنا للصالون ..اني والهام لملمنا المواعين ..وغسلناها واخذنا الجاي والفواكه والكرزات وديناها للصالون الكل جانو كاعدين
حتى زياد ......فجأة شفته رفع عيونه ..وهو يباوعلي بنظرة ..مافهمت مغزاها بس اللي اعرفه ...باوع لجهاد وباوعلي وكانه يريد يراقب نظراتنا اني التهيت بتوزيع الجاي خليته على الميز كدامهم
رجعنا بالليل الساعه جانت ب١١ عمي هو وصلنا للبيت وراح
واول مادخلت البيت واتفعل النت ...الموبايل ماوكف من الرسايل ..وكلها من معتصم
واول مارن تلفوني قفلته وبدلت ودخلت فراشي وحاولت انام .
عفيه لاتنسون التصويت
