Lawyer saber بقلم الكاتبه
نازك
وفجاة شفته كاعد بصفي وايده على كتفي ....
_شداتسوي ...ابعد شويه
_شوعليه ...حنا قاعدين .......
قوليلي هلق اتذكرت ...انتي ليش لبستي هذيك الفستان اللي جبتوليك ...لبيت عمك ...ومالبستي اليه .._
_ هيج حبيت استفزك والعب باعصابك
_ اههها ..هيك يعني ...مادام هيك لازم بكرا تلبسي اليه ..ومااقبل اي نقاش ..وبدون الجاكيت ...انتي فاهمه شو بحكي
_ مستحيل ...بدون الجاكيت
_ ماعليه انتي البسيه مع الجاكيت وانا اشلحه براحتي
_ والله ...اخاف ماتقبل ..كوم وخر من يمي هسه مهند راح يكوم على صوتنا
_ اي تعاي معي
راد يسحبني وهو لازم ايدي
جريت منه ايدي
_ مااجي ...روح نام ...اني انام هنا يم اخويه
_ ليش ماعندك اي ثقه فيني
_ تعرف ليش ...ماكو داعي احجي ..روح نام ...كافي الله يخليك ...بداعتي عندك
_ شو يعني بداعتي ...
_ يعني بغلاتي عندك
_ ماشي راح اروح انام حتى تعرفي غلاتك عندي ...تصبحين على خير
اقترب مني وبوسني على خدي على السريع وراح
_ وانت من اهل الخير .
****************
الصبح كمت واشوف روحي نايمه على القنفه ومتغطيه ببطانيه ...ومهند نايم كبالي ..على القنفه الي مقابيلي
كمت غسلت ...دخلت المطبخ ..اتفاجأت ....معتصم دا يحضر ريوك ..
_ صباح الخير
_ يسعد صباحك ..ويخلي ايامك كلو سعادة
_ شنو هالمزاج الحلو من الصبح
_ اللي يصبح بها الوش الحلو لازم يكون مزاجو عالي
_ اللي يشوفك البارحه مايصدق هذا انت هسه
_ لا تعصبيني وتستفزيني لحتى ماتشوفي وشي التاني
مثلا ..بدك لازم اليوم تلبسي الفستان اللي شريتو ..ونطلع سوا ...للسوق ..اشتريلك فساتين على كيفي ..ونطلع نتعشى برة ونشتري فواكه وخضار لان الثلاجه فاضيه ونرجع لهون بالليل
_ اي بعد وبعد ....قسم ولحن وغني دااسمع
_ حضرتك بتتمسخري على حكيي مش هيك
بها الوكت دخل مهند للمطبخ
_ شو بتعملوا
_ دانحضر الريوك اني ومعتصم
كملنا كلشي واتريكنا ..
ورجعنا لبيت عمي اتغدينا ...ارتحنا شويه ...جنا كاعدين بالصالون نشرب جاي معتصم كال لمهند وهو دا يباوعلي
_ مهند انا ونازك بدنا نطلع العصر للسوق ...عم نشتري خضرة وفواكه ...ولوازم منو
وانا بدي اشوف بغداد شوي
اني باوعتله بخزرة يريد ينفذ االي بباله
مهند جاوبه
_ وشوعليه وان عم روح لعند.عمي مشان اتفق معاه على عقد الايجار
طلب معتصم مني ابدل ملابسي واتحضر واول ما كمت اروح للغرفه ابدل ....طلع ورايه لزمني من ايدي وهمس باذني
_ البسي الفستان تبعي
_ وليش بالله
_ اسمعي الكلام وبلا كبر راس
وبسرعه رحت بدلت ولبست الفستان وفوكاه سترة قصيرة
وحطيت ميكب ...ورتبت شعري
وطلعت شفته داينتظرني
اول ماطلعنا من البيت شبك ايدي بيده ...حسيت بقشعريرة
غمرتني قشعريرة لذيذة حسيت روحي طفله صغيرة
ركبنا التاكسي كعد ليورا ويايه حتى اكون قريبه من ماعاف ايدي ...همس باذني
_ بحبك ....بموت فيكي
رفعت راسي باوعت بعيونه ..بيهم لمعه ....حسيته صادق. ....كلماته مست شغاف
كلبي ...كلبي يدك سريع ضغط على اصابع ايدي وشبك ايدي اللاخ وقرب...مني هوايه وهمس باذني مرة لاخ
_بتعرفي شو باتمنى ....هلق
سالته
_ شنو
_ اضمك بحظني ....
خفت يسويها صدك بعدت روحي وسحبت ايدي من ايده
_ انت صاير تخوف
_ هههههه
وصلنا للمول نزلنا ...شبك ايدي
قوي وهو يجر بيه
_ على كيفك ....اني لابسه كعب مالحك عليك
بطأ خطواته ...وجنا كلما ندخل محل يختار فساتين ...وملابس مال طلعه بس اشياء اني مالبسها .....مثلا فستان بتعلاكات ...او بلا ردن اوكلش قصير ...ولما اكوله اني مالبس هيج شغلات يروح يشتريها ويكوللي بتركيا عادي تكدرين تلبسيها
اشترا كومة ملابس
وبالطريق اشترى مسواك كامل مخضر على لحم على فواكه
ووصلنا لبيتنا ...فتحت الباب اكو مفتاح ويايه اتوقعت ..مهند بالبيت بس بعده ماراجع
خليت المسواك بالمطبخ ...
طلعت شفت معتصم بالصالون اشرلي اروح يمه ...رحت بس بكلبي خوفه لان وحدنا بالبيت
اول ماوصلت قريبه كام ومد ايده حاول ينزعني الجاكيت ..ماخليته ...استحيت هوايه
لان الفستان بدون ردن ولاكتف
_ حنا شو اتفقنا
_ انت كلت وانا ماكلت اي
_ وانا وانتي واحد...مش هيك
سحبني اله وضمني بحظنه ...اني اتخدرت كل حواسي ....وذبت بحظنه ...
ماعرفت جنت متخدرة وبلحظات ....نزع الجاكيت ..فتحت عيوني حسيت بالخوف ...لما .لامس بشفافه ركبتي ..وبدا يبوسني من ركبتي
_ اترجاك ...معتصم ...كافي
_ ايش اللي كافي ...انا شوعملت
سحبت روحي من حظنه بقا لازمني من ذراعاتي ..
_ خلينا نرتب المسواك وبعدين نحضر العشا سويه
_ شوعليه ...نحظر العشا
ماحسيت بروحي الاوهو شايلني ...ودخلني غرفة نومه واني اصيح ....واضحك على روحي
_ كافي نزلني ..انت شداتسوي
نزلني على الجربايه ...
وكعد بصفي ...ردت اكوم ....رجعني وهو لازم ايدي
ذب روحه علي وبلحظات ...صار فوكاي .....حاولت ابعده ماكدرت
_ معتصم وخر كافي
_ ليش انا بحس انك مابتحبيني ولاتحبي قربي
_ الحب اذا بها الطريقه تعبر عنه مااريده ...لاتخليني ...
ماخلاني اكمل طبك شفافه على شفافي ..
حاولت اقاومه ...ودك الجرس
صيحت
_ معتصم مهند اجا روح افتحله الباب ماعنده مفتاح
وبسرعه كام من مكانه وعدل ملابسه ..واني هم كمت ...لبست جاكيتي ...وارتحت ..لان مهند
انقذني ....
طلعت بسرعه ..للمطبخ حتى اعدل المسواك
دخل مهند وهو معصب
_ ليش مابتردي على الموبايل لا انتي ولا معتصم صارلي ساعه دقلكن ...
_ اسفه مهند موبايلي جان بالجنطه ...وماسمعت ...
اندار لمعتصم
_ وانت ليش مابترد على موبايلك ...شو صايرلكن انتو
رحت لبيت ام اشواق ..مالقيتكن ..ليش اتاخرتوا
_ هدي مهند ...شويه اعصابك هدي ...رحنا للمول ...نازك..كانت محتاجه ..ملابس ...شو بيك
متضايق من شي ؟
ماحجا وماجاوبه اكتفى بانه دار ظهرو ودخل غرفته حتى يبدل ملابسه
حسيت باخويه ضايج لانه دايحس اكو شي بيني وبين معتصم ...
حاولت اروحله الغرفه واهديه
دكيت الباب
ماسمعت اي صوت فتحت الباب ...شفته متمددعلى الجربايه ويدخن
_ مهند ...شكو شبيك صاير شي مضوجك ...ليش معصب هلكد
_ مافي شي ...انا اسف عصبت عليكي
_ جوعان احضر عشا ؟
_ انا اخذت اكل جاهز ....حطيتو بالمطبخ
_ ماشي هسه بدل ملابسك ...
علما احضر الطاوله
طلعت للمطبخ ورتبت الاكل....وناديت عليهم ماجنت مبدله بعدني مالحكت
كعدنا على الاكل ....معتصم ...ساكت ومايحجي حسيته ضايج
ابتدا مهند الحجي وهو يوجه لي الحديث
_انا رحت لعمي لعندو بالبيت ..لحتى اتفق معاه ..طلبك من عندي لزياد
خبرني بانه بدو يجدد الخطبه ...وبانو زياد بعدو متمسك فيكي
اللكمه غصت ببلعومي ...وحسيت اختنكت
جاوبه معتصم
_ وانت شو رديت عليه ؟
لاتنسوا تصوتولي
اسفه البارت قصير
جنت مسافرة عذروني
