Lawyer saber
نازك
كملت السادس الابتدائي ...ويا اشواق بنت عمي لان جنا بنفس المرحله .....صار عمري ١٢ سنه ....ماجنت احس اعيش مراهقتي مثل كل ابنيه ...بل بالعكس جنت احس نفسي اكبر من عمري كثر الشغل اللي على جتافي غسل وتنظيف ...ومسح وكنس وكل شغل البيت ...وخصوصا بعد ماتزوجت بيداء ..خلصت السادس وزوجتها مرة عمي لابن اخوها ..وبقيت اشتغل واكرب وحدي .....مرات جنت ابجي بداخلي بس ابد متنزل دمعه من عيني مااريد احد يشوفني ....ضعيفه
ولما اصرت مرة عمي ....تبطلني ...من المدرسه كلبت الدنيا كلها فوك روسهم ...سويت سوايه ...كمت اصرخ بالبيت وبالاخير حبست روحي بغرفتي لا اكل ولا اشتغل ولا اطلع ....وكلتلهم راح اكتل روحي وابليكم
عمي ....انجبر يخليني ارجع للمدرسه
ولما بدت معالم الانوثه ....تبين على جسمي واني بعدني طفله مااعرف شي .....جنت رشيقه بس جسمي متروس شويه جنت احس بنظرات ...زياد مو راحه ...لمان جنت اكون وحدي ...جان يتعمد يلاعبني اويشاقيني ...يتلمس مناطق بجسمي محرمه ...جنت اضوج بس مااكدر اصده رغم وكاحتي ....بس مرات جنت اضربه وابعد ايده جان يتعصب ....ويضربني
جنت متخوفه من زياد كلش ...اما جهاد فهو شخص احس بي ماله علاقه باحد عنده عالم خاص عايش بيها
رزين ومو خفيف مثل زياد....جنت كلش اكرهه لزياد
وخصوصا من اشوف هاي التصرفات من عنده .
**********
اشواق
اني بنت عم نازك ...ابنيه ناعمه ...وهادئه....شعري اسود ومحافظه على طوله ملامحي حلوة وناعمه بيضه الى حد ما على وردي ....عندي اخوات اثنين ....وحدة اكبر مني ووحدة اصغر مني ...ابويه سكير وقمرجي ...طول عمر امي تعاني من عنده .....وتحاول تحمينا من جبروته ...دوم يداين من الناس ويصرفه على العرك والقمار والنسوان ...وامي تشتغل حتى تعيشنا احنا ولما صار عمري ١٢ سنه ..
جان اكو رجال ابويه جان متداين منه مبلغ جبير يوميه جان يجي يطالب بدينه مرات بابا جان يدز امي للباب حتى تصرفه
بس بيوم من الايام الرجال جان وياه اثنين رياجيل دفعو امي ودخلو ولكو ابويه كتلوه كدامنا ...وكعد كدامهم
الرجال الجبير ابتدا الحجي
_ عماد وينه فلوسي ....اريده هسه ...صارلي ثلاث اشهر منطيك ٢٠ مليون على اساس تشغله الي وكلشي ماشفت منك هسه اني اريد فلوس
_ والله ماعندي هسه اصبر عليه فد شهر
_ ولايوم
_ اي شاسوي هسة منين اجيبلك
الرجال اندار علينا احنا الثلاثه اني والهام وافراح وامي وباوعلنا بابتسامة واندار على ابويه
_ اي صح ماعندك فلوس بس اني راح اخذ بناتك الاثنين الكبيرة والوسطانيه لولدي ...اعقد عليهم واخذهم باللبس اللي عليهم ....بدل فلوسي
صرخت امي بكل قوتها
_ حرام عليكم ..هذوله بعدهم اطفال ....شنو عقد شنو تاخذهم
ابويه كام من مكانه وضربها راشدي
_ انتي سكتي وطبي جوا
واندار للرجال وكال
_ يعني تتنازل عن الدين وتنطيني كمبيلاتي
_اي طبعا
_ زين كبع واخذ
