جهاد . كلامها ويايا اخر مرة كلش ضوجني ...اني ردت ادافعلها وانبه زياد بعد مايتقربلها او يحاجيها ....بس صدمني ردها هوايه واني صممت بعد مااتدخل بس رغم ذلك راح اراقب زياد.من بعيد اخاف يتعرضلها وويا زمرد حاولت ارجع طبيعي وياها واتفرغلها شويه لان بالفترة الاخير جنت منشغل عنها وهاملها وكل مرة تدزلي رسائل عتاب .. شفتها من بعيد ...جانت لابسه نظارة طبيه هاي اول مرة اشوفها تلبسه اقتربت وسلمت عليها _ اشلونج زمرد ..اخبارج ...شنو هالنظارات من ايمتى تلبسيها .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_ هاي صارلي اسبوع رحت للطبيب ووصفها اليه ...بس انت ماكو ... _ جنت مشغول شويه ....عدكم محاضرات ..شاغله اليوم ..اريد نكعد نحجي شويه من زمان ماشايفج _ ماشي احاول اتفرغ ...تدري اني مرحله ثالثه ..دروسنا اكثر منكم مرحلة رابعه _ اي اعرف زين ..اذا فرغتي خابريني .
واخيرا خابرتني كالت بيدي نص ساعه نكدر نلتقي
واخيرا التقينا بالكافتريا ..جانت شويه ضايجه ... سالتها _ اشبيج اليوم مو على بعضج اكو شي ؟ _ لا ماكو شي ...بس انت صارلك فترة مختفي . _ لا تشغلين ببالج مشاكل ...بالبيت بنت عمي ...زعلت راحت بيت عمي اللاخ ...بالزور لاحتى رجعناها _ منو رجعها _ اني رجعتها ورا ماحاجاها ابويه . _ جهاد اكدر اسالك سؤال ؟ _ اسالي _ شلونه شكلها لبنت عمك ....حلوة لو لا ...عندك صورة الها _ ليش تسالين ؟ _ هيج مجرد فضول _ اي ....وليش الفضول ....لا ماعندي صورة الها .. مااعرف دااشتم ريحة غيرة _ ماكو هيج شي كتلك مجرد فضول .هسه ماكلتلي هي حلوة _ اي حلوة _ وجماله تكولها كدامي _ اي غير انتي تسالين .....هسه تغيرين الموضوع لو اروح _ ليش زعلت ؟ _ من اسالتج الماسخه ...اني رايح ...لما تعرفين تحجين عود ذاك الوكت نكعد سوا .
كمت من عدها واني احس روحي مخنوك ......من البارحه اكو ضيق بصدري ....افكر بنازك وكلامها اخر مرة ويايه ....بالفترة الاخيرة صارت ماتغيب عن بالي رجعت بالثلاثه للبيت ....شفتها لنازك داتغسل مواعين على السنك ....سلمت عليها ...جاوبتني ..سالتها _ وينها امي ؟ _ راحت تتمدد بغرفتها شويه ....اصب لك غدا ؟ _ لا مااشتهي هسه ...اروح اناملي شويه وبعدين طلعت غرفتي ...وحاولت انام .
