Lawyer saber بقلم الكاتبه
نازك
طلبت من جهاد ...يجيبلي اللابتوب مالتي من غرفتي ببيت عمي لان جنت تاركتها هناك قبل لا ادخل بغيبوبه
واخيرا جابها الي وطلع هو
كعدت على الميز وخليت اللابتوب
وفتحت الماسنجر ...لكيت كومه رسائل
فتحتها وحدة وحدة ...كلها من معتصم ومهند
ياربي شسوي هسه ....مااعرف هذوله نصابين لو اهلي الحقيقين ....بقيت حايرة اريد اتذكر اخر محادثه شجان بيننا مادااتذكر ....
فتحت اول رساله
(نازك ....شو صاير فيكي ...ليش مابتردي على المسجات تبعنا ...شفت تاريخ الرساله ...قبل ثلاث اشهر
احتاريت اجاوبهم او احظرهم
اني بتخيلاتي جانوا نصابين
اخاف بالحقيقه مايكونوا نصابين
سديت اللابتوب وبقيت احاول اتذكر الاحداث اللي جانت بمخيلتي ...مشاعري تجاه معتصم .......ومهند ..واللي جان على اساس اخويه ...
اكو صراع بداخلي بين كلبي وعقلي ...عقلي يكوللي لاتدزين رسايل وقلبي يكول دزيلهم
واخيرا فتحت اللابتوب وكتبت
( اني اسفه ...ماجاوبت اني سويت حادث وبقيت بحالة غيبوبه علمود هاي ماكدرت اجاوبكم )
دزيت الرساله واني بعدني مامستوعبه ...اللي سويته ...ولو جهاد عرف ...شنو راح يكون موقفه
اكيد راح ينغث ويتعصب عليه
هو بعقله معتصم شخص موجود بخيالي وكلما اذكره يتعصب ...ويغار من شخص موجود بمخيلتي وبعدني ماشايفته
اووي شاسويله ....اني دزيت المسج وشيصير خلي يصير
مثل ماوعدتكم وفيت بوعدي وراح ابدي انشر الجزء الثاني من القصه
لاتنسوون التصويت
احبكم
