جهاد
الظهر رجعت للبيت ....واني دانزل من السيارة ...شفت نازك نازله من السيارة ...وتبجي ...وزياد يدفع بيها كدامه ...كلش اتاثرت وفار دمي ....ليش هيجي دايعاملها ...اقتربت منه لزياد ولزمت ايده
_ على كيفك زياد موهيجي ...اهدا شويه ....مايصير تتعامل هيجي ويا نازك
_ جهاد عوفني الله يخليك ..لاتخلينا نتخارب مالك علاقه بيه
_مالي علاقه بس نازك متربيه بيناتنا وتعتبر وحدة من العائله
اتصرف وياها بهداوة ....ليش هيجي
_ انت ماتعرف كلشي ...٢٤ ساعه ويايا ..مطنكرة وخشمها يابس ..واروح عليها بالكليه ....اشوفها اشلون تحجي ويا الولد ...خليني اربيها
_ وانت بهذا تصرفك راح تخليها تحبك
_ جهاد لاتزعل مني انت اطلع منها ماعليك
_ ماشي زياد ماشي .
دخلت للبيت هي طلعت غرفتها وزياد دايدك الباب عليها الظاهر قافله الباب وماتقبل يدخل ...هو بدا يضرب الباب ويصيح ويهدد يكسر الباب ...فتحت الباب هو دخل وسد الباب وراه اني اعصابي تلفت وبقيت اكل بروحي ...بقيت بالصاله خفت لايسويلها شي وتستنجد بيه بس توقعاتي خابت ماهي الا دقائق ..وطلع زياد وصعد غرفته
اني بقيت الوب ...اريد اشوفها ليش هلكد متأذيه ..بحياتي ماشايفها هيجي ضعيفه ..طول عمرها واثقه من نفسها وماتخلي احد يأذيها....بس زياد مخبل ...مايتفاهم ...واخيرا اتجرأت ...دكيت عليها الباب
ورا شويه انفتح ....وشفتها
كصتها جانت مورمه ..ومحمرة
ودموعها على خدها ..كانت تتجنب تباوعلي بعيوني
مديت ايدي حتى اشوف كصتها
_ هاي شبيها كصتج اشو مورمه
_ ماكو شي
_ ليش هيجي ...زياد ضاربج
_ جهاد كتلك ماكو شي
_ احجي ويا ابويه لاتبقين ساكته ...كوليله على تصرفات زياد وياج ...ماعرفتج بعمري هلكد ضعيفه ..وينها نازك الواثقه من روحها ...واللي مايهزها شي
_ انت واخوك كسرتوها ...عوفني جهاد الله يخليك
كلامها اثر بيه وصدك احنا سوينا بيها هيجي ...
عفتها وصعدت لغرفتي .
********
نازك
حياتي صارت جهنم من ورا زياد يريد يتحكم بكل صغيرة وكبيرة بحياتي يريد كل دقيقة يذلني ...واخويه ماكو اي اخبارعنه ....الايام تمشي بيه بطيئة ..وكلما اريد اتجنبه لزياد يقتحم عليه ...بخباله بكل وكت ...صرت اكره البيت واللي بيه ...حتى صرت اكره نفسي ..مكتوب عليه اتعذب طول عمري ...الشي الوحيد اللي كدرت....اسويه برغبتي
هي كليتي اللي هوايه تعبت لحد ماكدرت اوصل له
اليوم حسيت روحي مخنوكه وضايجه ...ومحتاجه احجي ويا احد ...طلبت من عمي يوديني يم بنات عمي اشواق والهام .هو هم مامانع ....اخذني ووصلني يمهم اتلكيت اشواق بالاحضان
واول ماضمتني نزلت دموعي .....رغم عني وهي هم بجت على الواهس ...بقينا هيجي دقايق الى ان مسحت دموعي كعدتني ...
_اشبيج نازو حبيبتي ....عفيه دنيا مابقيتي وحدة من عدنا مامشلوع كلبها ...ثلاثتنا ...ولاوحدة من عدنا ماشافت راحه ..حتى واهس للعيشه مابقت عدنا اوف ياربي الف الحمدالله والشكر ....اشبيج ياعمري ..هو زياد مو...هو اللي ..مأذيج
_ مو بس مأذيني بس خانكني ...خنك مااكدر اتنفس
_ شنسوي ياعيني المكتوب على الجبين لازم تشوفه العين
هم زين انتي عندج دراستج ومستقبلج وخلي يولي حشاج
اكول عيني نزوكه اخوج ماكو اخبار عنده
_ ابد وهذا اللي مخوفني بس عفيه لاتحجين يم احد عن اخويه مااريد بيت عمي يعرفون
_ لاتخافين مايطلع مني حجي
جنا كاعدين بالصالون الهام جابت الجاي والكيك والكرزات
ومرة عمي هم جتي كعدنا نسولف ونضحك ....الى ان صارت بالسبعه بالليل
موبايلي يدك طلعته من الجنطه .....باوعت ..على الشاشه زياد ...سويته صامت
كام يدك مرة لاخ سديته
مرة ثالثه كام يدك ...
_ نزوكه شيليه شوفي شيريد
_ شيريد اكيد راح يغثني
شلت التلفون ...جمدت بمكاني صرعني بصوته العالي وهو يصيح
_ ولج .....بنت الكككلب ..تسدين التلفون ...بوجهي ..كح..........
ادبسسسسسز
من طلعتي من البيت ماكلتي اكو ...كوااااااد لازم استاذن منه يلا اطلع تطلعين بكيفج ماكو احد مالي عينج...هسه اجي واطيح حظج وحظ اللي جابتج ...بس اوكفيلي خلي اجي
_ كافي لاتصيح ....ششايفني
اني اخذت اذن من عمي
_ اكلي خ..........وانجبي لعد اني شنو طرطور
_ كافي ....زياد
_ اوكفيلي هسه جاي
فرغ كل غضبه بيه وسده بوجههي
بقيت اباوع الهم واني محرجه من صياحه ...وصوته واصل لهم من هلكد ماعالي
وماهي الا ربع ساعه واندك الباب مثل الزلزال ....فتحتله الهام الباب دخل مثل الزلزال وتوجه بسرعه اليه اني ردت اركض للغرفه ...بس لحك عليه وجرني من شعري وهو يهزبيه وضربني راشدي ...حاولت اوخر ايده واضربه لزمني من ركبتي وطبكني على الحايط
ركضت اشواق باتجاهنا تريد توخره عني وماتكدر
_ راح اخليج تتعلمين اشلون تحترميني وتخليلي اعتبار بنت الكلب
_ لاتسب ابويه ...كافي خو ماكفرت ...وخر مني وخر
طبك على ركبتي قوي ردت اختنك
اشواق والهام يسحبونه ويضربوا مايكدرون عليه ....ضربته ضربه على عينه ...يمكن اتأذه هوايه ....
حيل بيه
صاح....
_ اااخخخخ
دفع باشواق وسحلني من شعري لجوا ودخلني بغرفة اشواق .قفل الباب ...دفعني على الجربايه
حاولت اكوم دفعني وفتح الدكم مال قميصه
اسمع اصوات اشواق والهام يصيحون ومايكدرون يفتحون الباب لان مقفول من جوا
استرديت شجاعتي وكمت حتى افتح الباب ماكو مفتاح ياربي شالني من خصري وذبني على الجربايه مرة لاخ
وصار فوكايه ...دفعته عني بايديه مايفيد ....اضربه مايفيد يحاول يبوسني غصب ....مد ايده فتح قميصي غصب كل ازرارة انفتكت من قوة سحبه
يحاول يثبت ايديه مايكدر عليه رغم قوته ....
_ حقيرة كافي تقاومين اليوم
اموتج الا اخذج ...
_ اموت وماارضخ لك حيوان همجي نكس
ضربني راشدي قوي ....رجع مرة لاخ يريد يغصبني و يبوسني
انتهزت الفرصه ضربته برجلي على منطقته الحساسه
اتالم هوايه وكام مني وهو يصيح ...شفته مد ايده لحزام البنطلون ....نزعه
وكام يضربني بيه
طفرت من على الجربايه حتى اتلافى ضرباته
ماعافني ركنت بزاويه احمي روحي بس هو ماعافني جان يضربني بوحشيه حتى على وجهي
اخر شي لزمت الحزام وجريته من ايده اقترب ...هو يجربيه
واني لازمه الحزام بكل قوتي
لزم شعري وضرب راسي على الحايط وكعت بالكاع ماادري بروحي ....حسيته لبس قميصه وحزامه وعدل روحه وطلع بسرعه
حسيت بروحي بغير عالم ...وجع جسمي ووجع كلبي ..مااعرف ياهو من عدهم يوجعني اكثر .
فتحت عيوني .....اشواق كاعدة تبجي
_حبيبتي نازك ..كومي ناخذج للمستشفى الله عليج.....
تنكسر ايده انشالله قبل لايمدها عليج
هسه اخابر عمي يجي يشوف افعال ابنه
اني ماجنت بوعيي ...الوجع اللي بجسمي ماتحمله بعد
سمعت اشواق تحجي ويا عمي
ماعرف غفيت لو انغمى عليه
حسيت احد يصيح باسمي
_ نازك بنتي نازك كومي بنتي خلي اشوفج هاي ليش بنتي هيجي مسوي النذل
سمعت صوت جهاد يكول لابوه
_ بويه خلي ناخذها للمستشفى
_ يا مستشفى هسه يفتحون علينا تحقيق ....ويذبون اخوك بالسجن
_ حيل بيه يستاهل الله اكبر لحد هسه تدافعله ماتشوف شمسوي بالبنيه
_ اني اعاقبه ماعليك اتصل عليه حلي يجي
جهاد جان يدك بالتلفون ...اندار لابوه
_ يابه تلفونه مقفول النذل ..
اني معليه اخذها اني للمستشفى ...
اقترب جهاد من عندي ولزم ايدي حتى يقيس نبضي ..ورا ماخلص اجا شال راسي حاول يفتح عيوني يفحصني
طلب من الهام تجيبله جهاز الضغط من السيارة ولما جابته
لزم ايدي وخلا الجهاز على ذراعي وقاس ضغطي وباوع لالهام
_ روحي سويلها لبن مالح ضغطها نازل
وكام يضربني على خدودي
_ نازك نازك كومي حاولي تكومين تسمعيني
فتحت عيوني شفته جهاد كاعد على الجربايه وعمي واكف على راسه
_يابه لازم اروح اجيبلها مسكن هاي ماراح تنام الليل من وجعها
ابوه كاله
_ اكتبلي اللي تريده واني اروح اجيبه
_ لازم تجيب مسكن ومرهم للجروح .
