Lawyer saber بقلم الكاتبه
نازك
اتخبلت من شفته يضحك وجاوبني
_ هههههه بزونه عراقيه تحب الخربشه وخربشتني
دخت .....هو ومعتصم دايجاوبوني بنفس الجواب
ياربي ...منو بيهم اللي اتهجم عليه
دخت واني افكر ...
رفعت عيوني شفته يباوعلي بخبث ...اشكد اكرهك زياد لو بيدي اموتك واخلص من شرك
اني لازم الكا حل لمشكلتي مايصير حياتي تتحطم هيجي
قطع عليه افكاري صوت موبايلي
باوعت جان السايق داينتظرني برا
دخلت خالتي كالت السايق برا
طلعت بسرعة وشلت جنطتي وطلعت برا السايق جان واكف
كبل ركبت السيارة ....وطول مااني بالسيارة افكر ..ياربي اشلون احل المشكله اخاف اكول لجهاد يروح يتعارك ويا زياد ويتضاربون وتعلك بيناتهم واحتمال جهاد يتهور اكثر وتصير ....جريمه وواحد من عدهم يكتل الثاني ....وفكرت اخابر مهند ....بس مهند ...مااعرف شنو ردة فعله راح تكون .....قررت اهدا..شويه .وانتظر علما الامور تهدا
مستحيل زياد او معتصم عندهم الجرأة انو ينشرون صوري
رجعت بيت ام اشواق ...
استقبلتني اشواق ...بابتسامه ..واشرتلي على الاستقبال
_ حبيب القلب كاعد ينتظرج بالاستقبال
_ جهاد ...
_ لعد منو خاف عندج غيره غير اموتج .
_ عابتلج هسه وكت شقا....اني بيا حال وانتي الج خلك للشقا
كوليلي من ايمتى هو هنانه
_ صارله نص ساعه كاعد لاتخافين صبيتله غدا واتغدا ودايشرب جاي
_ عفيه حبيبه ...
_ دفوتي فوتي هسه صرت حبيبه
دخلت ووكفت بباب الاستقبال وكلبي ..زادت دكاته مثل وحدة مراهقه ولاول مرة تتواعد ويا حبيبها ...
دخلت شفته كاعد وبيده استكان الجاي
..كلبي رفرف واتمنيت اخذه باحضاني مشتاقتله بكد رحمة الله
_ السلام عليكم
_ وعليكم السلام هلو نازك اشلونج
_ الحمدالله بخير وانت ؟
_،اني ابد مو زين ...
_ خير شبيك ؟
_ يعني انتي مرتاحه لوضعنا هيجي
اقتربت منه وكعدت بصفه
_ لا مامرتاحه بس متاكدة ...شدة وتزول ...وراح نكدر نعديها مثلماعدينا هوايه مشاكل بحياتنا
_ ياريت .....ياريت افتح عيوني ...واشوف كل هذا انتهى .
بس رغم كلشي احس بيج مخبيه عني شغلات ..ليش نازك ماعندج ثقه بجهاد ...حب عمرج
_ حبيبي والله واثقه منك كل الثقه بس اني خايفه عليك انطيني مهله واني احجيلك كلشي
اكو بداخلي شي مامتاكدة منه
خلي اتاكد بس ...واني راح احجيلك كلشي .
_ ليش تخلينه بداخلج شاركيني بيه بلكت كدرنا نحله سويه
_ عن قريب راح تعرف عن قريب .
_ يعني ماراح ترجعين للبيت
_ لا موهسه ..انت اعصابك مو تمام واني ....متوترة ...
ومن نبقى بمكان واحد ...نتصادم خليني باقيه هنانه هسه ...وانت ارجع لبيت اهلك ...لاتبقى وحدك بالبيت
_ ماشي نازك مثلماتحبين .
*********
نازك
مر جم يوم على اخر لقاء بيني وبين جهاد ....
خابرت ....اخويه مهند يدك هوايه ومايرد ...
دكيت مرة ثانيه اجاني صوته ضعيف وبيه شهكه ..وكانو دايبجي بس يحاول مايحسسنس بها الشي
_ اشبيك اخويه حبيبي ليش تبجي اروحلك فدوة ليش ؟
_ مافي شي ...بس مخنوق ..شوي ودايق خلقي
_ من شنو ضايك خلكك
_ شوبيك قلتلك مافي شي ...لاتخلي ببالك
_ انت وين هسه ....
_ انا هون وحدي باتمشى عل الساحل
_ احجيلي مهند اني اختك ...ترة اني هم مخنوكه احجيلي انت واني راح احجيلك مشكلتي
_ اوووف شو باحكيلك ...عن حياتي اللي عشته هون ...يتيم وعايش جنب ناس مابترحم ...صح هم اللي ربوني بس كل لقمه كنت باكلها بذل ...وكرامتي عم تنسحل ...
معتصم اللي ربينا سوا ....طولىعمرو بيحقد عليه وبيحسدني ...واخر شي ...اخذ مني حبيبتي ....شوه صورتي قدامها ....ولعب عليها لحد مامل منه وتركها
_ انت شداتكول معقوله ...اخويه اروحلك فدوة عوفهم وتعال عيش ويانا .....وسويلك مشروع تعيش منه وراح ازوجك احلى وحدة .
_ احكيلي انتي ليه مخنوقه
_ مهند ...حبيبي راح احجيلك شي بس لاتعصب الله يخليك
وحاول تساعدني بس انطيني وعد لاتتهور ارجوك
_ احكي شو في نازك ؟
_ معتصم هو اللي حاول يعتدي عليه وسقطلي ابني ...
ومصورني واني ...
افتهم عليه ..هو اعترفلي وهددني ..راح يفضحني اذا حجيت ..اترجاك ....حاول تمسك اعصابك ...تاخذ موبايله...تكسره او تمسح الصور وتاخذ تكت طيارة وتجي يمي اني وحدي كاعدة بالبيت جهاد تارك البيت
_ الواطي الخسيس انا الو ...وليش ماقلتيلي ...ليش خبيتي عليه
_ خفت عليك اخويه
_ ماشي نازك سكري هلق
باشوف كيف بحلا
مع السلامه
_ فدوة اخويه لاتتهور .
سديت الخط واتندمت كلتله اخاف عليه لايتهور ..ويصير بيه شي من ورايه ..وهو بالغربه .
جنت كاعدة بالصاله وجهال اشواق كدامي يلعبون فدوة اشكد حلوين اخذت فهد وبوسته وعضيته لحد مابجا اشو اخته هم بجت تضامنا وياه واني اضحك...على براءتهم
اجتي اشواق على اصواتهم
_ هاي ليش دايبجون نازك
_ عضيت فهد اخته بجت اتصوري ..
شالت بنتها من الكاع وتبوس بيه
_ تروحيلهم فدوة ليش تعضينهم
اني هم شلت فهودي واطبطب عليه .
ظليت الليل بطوله اخابرعلى مهند مايجاوب خفت عليه هوايه ...خفت لاياذيه معتصم
الصبح هم ظليت اخابر ماكو فايدة القلق راح يموتني
وصلتني رساله من جهاد
(اشلونج حبيبي مشتاقلج )
جاوبته
( بخير اني هم مشاقتلك )
طلعت من البيت السايق اجا عليه طلعت للكليه
كملت محاضراتي ...واليوم صار ممل وكئيب واول مارجعت للبيت ..دك تلفوني والمفاجأة جان مهند
فتحت الخط واول ماسمعت صوته
_الو هلو مهند .....
_ الو
_ شغلتني عليك ....اشلونك
_ الشكر لالله منيج ...انتي كيفك
_ الحمدالله ..وينك هسه
_ اني بالمطار ...راجع بغداد ومعي موبايل معتصم
_ يالله الف الحمدالله يغور الموبايل المهم انت بالف خير ايمتى راح توصل
_ عل المسا الساعه عشرة
_ كلش زين اني راح ارجع للبيت انظفه وانتظرك واخلي جهاد ينتظرك بالمطار .
_ ماشي هلق لازم سكر
_ مع السلامه
قفلت الخط خابرت جهاد وخبرته ...بانو راح ارجع للبيت وكلتله على رجعة مهند .
*********
خابرت السايق واجتي الهام ويايه حتى ننظف البيت سوا حضرنا اكل وكملنا كلشي وداننتظر جهاد ومهند
صارت ب١١ ...وصلوا ...دخل مهند حظنته وشبكني وبلاوعي مني نزلت دموعي ....
تركته يدخل مسحت دموعي
رحبت بجهاد باسني من خدي طلبت منه يدخل ماقبل كال تعبان راح يروح للبيت ينام باجر عنده دوام اتشكرت منه وراح
حضرنا اني والهام الميز وخلينا العشا
الهام جانت تستحي من اخويه
لان ممتعودة عليه بالزور جانت تاكل لكمه
وورا العشا دخلنا الصاله ردت اختلي بمهند حتى يحجيلي بالتفصيل ...اشسوى وشلون حصل الموبايل
بس هو جاوبني
_ نازك خلي الحكي كلو لبوكرا
انا تعبان وهلكان بدي نام
انا راح نام على هالكنبه
_ ماشي على راحتك خويه
رحت جبتله بطانيه ومخدة خليتها اله
وطلعت شفت الهام داتغسل المواعين ...ساعدتها بالتنظيف شويه ودخلنا غرفتي ونمنا .
