Lawyer saber بقلم الكاتبه
نازك
استقرينا اني ومهند ببيتنا ......بس صار الحمل شويه ثكيل عليه ...الصبح لازم احضر الريوك واروح للدوام والظهر ارجع لازم اسوي غدا على السريع......ومناك عندي قرايه لان اني هسه مرحلة ثانيه ..وسنه عن سنه الدراسه تصير اصعب
مهند صارحني بيوم ....بانه معجب باشواق ويريد يتقدملها
حتى يتزوجها ...اني جنت اعرف ....لان اني جم مرة لفت نظري اشلون يباوعلها باعجاب
طلب مني ان اجس نبضها واشوف رأيها
كلتله لاتستعجل اني راح امهد لك
اشواق مرات تجي يمي ومرات اني اروحلها
طلبت من مهند انه يوصلني لبيتهم ...لان اخويه اول ماستقرينا اشترى سيارة صغيرة ...لان مايكدر ..يكمل مشاويره بلاسيارة ..
وصلت لبيت عمتي شفتهم ..كاعدين بالصاله ومسوين جاي وكيك ...اني اموت على كعدتهم وجاي العصر من يحضروه .
كعدت وياهم شربت جاي وكملت ..كلتلها لاشواق رايدتج بشغله
اخذتها من ايدها ودخلنا بغرقتها
_ شكو شبيج ساحلتني ؟
_ ماكو شي عندي موضوع اريد احجي بيه وياج
_ ياموضوع خوفتيني ...شكو خير ؟
_ اني مااعرف الف وادور راح اكولها الج ....اخويه مهند معجب بيج ورايد.يتزوجج
شهكت ...واتغير لونها وصرخت
_ عزا .. العزاني ....شنو هالحجي اششاف بيه اخوج ماتكوليلي ...هو شاب اعزب ..واني مرة مطلقه وبركبتها اثنين اطفال
_ ليش انتي شبيج ماشالله وردة مفتحه .جمال وثقافه واخلاق وبعدج صغيرة
_ عفيه نازك سدي الموضوع
ترة علي بس يشم خبر ياخذ الجهال من عندي
_ مايكدر مو بكيفه
_ ليش مايكدر ؟
_اي زين راح اخابرلج المحامي عامر واستفسر من عنده
_ كافي نازك وكوليله لاخوج خلي يدور له على بنت بنوت
مو مثلي مطلكه وعدها اثنين اطفال
_ ترة مهند قافل عليج يكول لو هي لو مااتزوج
_ سدي الموضوع نازك رجاءا
_ حتى لو اني سديته اخويه مايسدها
الموضوع انسد مؤقتا علما اني الين دماغها واخليها توافق بعد مااستشير المحامي
خابرت المحامي عامر وطلبت منه اريد اقابله عندي استفسار هو رحب بيه وانطاني موعد بالمكتب ماله
وفعلا رحتله المكتب استقبلني بابتسامنه المعهودة
وطلب مني...ان اشرحله الموضوع
حجيتله عن كامل التفاصيل وطلبت منه يلكيلي حل
_ ماكو اسهل منها
بنت عمج اذا رادت تتزوج لازم الزوج الجديد يكتب على نفسه تعهد ..على عقد الزواج ...بانه يتعهد بتربية الاطفال
_ يعني بس هاي بعد مايكدر ياخذهم
_ اذا كتب التعهد بعد ابد مايكدر ياخذهم اذا جانت محتفظه بشروط الحضانه
_ كلش خوش لعد هاي هيه اكوللها تتوكل .
طلعت من يم المحامي واني مستبشرة خير ...ايمتى يجي اليوم اللي تصير اشواق مرة اخويه
رجعت للبيت كبل خابرتها ونقلتلها كلام المحامي نصا
بس بعدها قافلة
ماكلت لاخويه على رفضها كلتله راح تفكر
مشت بينا الايام .....خلصت مرحله ثانيه وجهاد اتخرج من الكليه وعزمني على حفلة التخرج مالته ...ماكدرت اروح
مااريده يتأمل مني شي لان اعرفه بعده يحبني ...خليني بعيده عنه احسن
معتصم ماكو اي اخبار عنه
مهند زاد قلقه عليه خابر خالو
كالو عادي ماكو شي بس مهند ماتحمل ...اشترى تذاكر السفر حتى يروح لتركيا يزوره
اشكد حاولت وياه اروح ماقبل ابد .
مهند سافر ...يومين وماكو اي خبر منه حتى تلفونات مايجاوب
اتشجعت وخابرت ...نورس وياريت ماجنت مخابرتها ...كالتلي على ...الخبر
معتصم متعارك ويا جماعه بالسجن وضاربينه سجينه بس الحمد الله جرحه ماجان عميق
وهسه بالمستشفى متحسن ...يومين ويرجعوه للسجن
حسيت روحي راح تطلع من الوجع اللي بيه
لوجنت رايحه ويا مهند هسه جنت مطمنه عليه ..بس اخ
واخيرا خابرني مهند وجان وياه بالمستشفى وطمنني عليه
وانطاني التلفون احجي وياه
اجاني صوته الضعيف
_ الو
_ الو حبيبي اشلون صرت مو كلبي انمرد عليك
_ انا منيح ما فيني شي
بجيت وشهكت بالبجي
_ بيكفي والله مافيني شي
سدقيني مافيي شي الحمدالله .
_ ماشي ...زين صدكناك ....مشتاقتلك هوايه ...بكد رحمة الله .
هو ماجان ماخذ راحته بالحجي بس اكتفى بانه كال
_ وانا كمان .
_ اسمعني زين انا بحبك بموت فيك انتظر الايام اللي ترجعلي
فيها سالم
بس انت دير بالك على حالك
_ ماشي تمام
_
يله مع السلامه وربي يحميك
_ مع السلامه
خلصت المكالمه ...ونبرات صوته الضعيف ...داتقطع بكلبي ....سجاجين ...ربي احفظه لي انت العالم بحالي
لمان جان قريب مني ماجنت احس بكل هالحب تجاهه بس من حسيته بعيد ....وبعد مااشوفه ......شوقي اله زاد اضعاف ... حبه بكلبي ....زاد وصرت اشتاق لوجوده هوايه
اتذكر كل كلمه حجاها ويايه
وكل لمسه منه ...جسمي يكزبر من جديد ...واحس اشكد محتاجة له
****
مرت الايام ...ورجع مهند
وصارت العطله ..كعدة البيت تكئبني اكثر ....اليوم صار له سنه كامله من انسجن ..معتصم ..احسب الايام يوم يوم ...
********
البارت قصير وانشالله اليوم انزل بعد بارت
لاتنسون التصويت
احبكم
أنت تقرأ
قتلوا برائتي فأنتقمت
Romanzi rosa / ChickLitقصة اجتماعيه رومانسيه جريئة باللهجه العراقية +18
