Lawyer saber بقلم الكاتبه
زياد
بالايام الاخير ضوجتني نازك هوايه خلتني اخليها براسي وماراح اعوفها ...لحد ماخليها تجرناعم ..ويايه
واخليها تتندم ...وتتمنالي الرضا
الااكسر خشمها واذلها واخليها تتوسل بيه
راح اعوفها هالفترة ولازم اخطط صح حتى مااغلط
بالكليه اكو بنات يتمنوني حتى بس احاجيهم
صح عندي علاقات عابرة ....بس نازك ...ماطول دا تتحداني ....لازم اكون كد التحدي اني من صغرها دااراقبها ....واتحارش بيها وهي طول عمرها داتصدني
وهذا اللي مخبلني اني هامل دراستي ومكضي وكتي ويا اصدقائي بالكافيهات ...صح نشرب نركيله ونتونس بس غير النركيله مااشرب
كاضينها لعب وعربدة ودياحه
طول حياتي متعود لازم اللي اريده اخذه حتى لو غصب وكوني اخر العقود هو اللي خلا اهلي يدللوني ويحبوني ومايرفضولي طلب
قررت اتجاهل نازك فترة ...وبعدين انفذ اللي ببالي .
*********
نازك
قررت انه الا اخلي لغرفتي كيلون جديد ومفتاح ..واصلح الياب بس مااعرف اشلون ....مااكدر اكول لعمي راح يريد مني سبب معقول
ومااكدر اكولله السبب الحقيقي
فكرت هوايه واتوصلت لحل انه اكول لجهاد
اليوم بطوله انتظرته ....يرجع ......بس مارجع مااعرف ليش
كملت شغل البيت . .ودخلت غرفتي حتى اقرا ...صار المغرب ...صليت ..كملت سمعت صوته ...رجع واخيرا
طلعت ادور عليه مالكيته يمكن طلع غرفته ....استحيت اصعد ..اله ...مرة عمي تدردم وتحجي عليه لان بعدني مامحضرة عشا
انشغلت بالعشا ...وصارت فرصه حتى اصعد فوك اصيحه على العشا
رتبت كلشي على الميز ....وطلعت فوك .....بسرعة ...ومن سرعتي ماشفته لزياد واصطدمت ....بيه
_ هيواش هيواش ....عليش مستعجله منو راكض وراج
_ اريد اصيح...لجهاد عمه كالت صيحيه على العشا
_ نزلي يله اني راح اصيحه ....
نزلت مجبورة وبعد مالكيت فرصه احاجيه
اجتمعنا على العشا كلنا ....
عمي جان كاعد يلوم بزياد على اساس هامل دراسته وواكع بجم مادة
كملنا ...لملمت المواعين ...وسويت جاي الكل التم بالصالون حتى مرة عمي ..ماااعرف يمكن عدهم موضوع يسولفون بيه .
دخلت ...واول ماشافني عمي كطع الحجي خليتلهم الجاي على الميز وطلعت للمطبخ غسلت المواعين ونظفت الطباخ ودخلت غرفتي ...طلعت كتبي وبديت اقرا
انتظرت ...حسيت برة صارت صنطه وكل واحد دخل غرفته ...طلعت بشويش ...وصعدت ..لغرفة ....جهاد دكيت الباب ...سمعت صوته يكول ادخل ...يمكن ماجان
متوقع اني ادخل له الغرفه اول مادخلت شفته بطرك الشورت ...وفانيلة داخليه ابو تعلاكه
استحيت كلش اتمنيت الارض تنشك وتبلعني ...ردت ارجع ...انداريت وردت اطلع هو بسرعه اتدارك الموقف ولبس تيشيرته واستوقفني
_تعالي لاتروحين
انداريت مرة ثانيه ..
_ اني اسفه ..جيت بوكت مو مناسب
_ تعالي ولايهمج ...رايدة شي محتاجه شي
_ محتاجه اغير كيلون باب غرفتي ويكون بيها مفتاح وتدري عمي مشغول وماعنده مجال لها لسوالف
_ خير اكو شي صاير شي ...احد غاثج ؟
_لا بس تدري اني بكالوريا واريد اقرا زين فاحاول قدر الامكان باوقات قرايتي اقفل باب غرفتي عليه وماخلي احد يزعجني ..يعني محتاجه شوية خصوصيه .
_ افتهمت ماشي ...باجر اشتريها واسويها الج بنفسي بس باجر العصر ذكريني ...باوعلي ...وخلا عيونه بعيوني ربكتني نظراته واني راسا ....كلتله
_بس بشرط تستلم مني فلوسها
_ ماشي باجر نتفاهم بالموضوع .
_ اوكي ماشي تصبح على خير
_ تلاكي الخير
طلعت من غرفته وكبل طلع زياد كدامي شهكت من الخوف
_ اشجنتي تسوين بغرفه جهاد...؟ سالني ولزم زندي حتى يمنعني من الهروب
_ جان عندي شغله يمه .
_ ياشغله هاي بالليل .....؟
_ انت شعليك ؟ اتندمت لان كلت هالكلمتين
حسيت بيه عيونه ....بيهم كل الغضب
وقبضة ايده صارت اقوى على ذراعي ...ودفعني باتجاه الحايط ...._ شنو اشعليه ....؟ انتي اشو احد مامالي عينج ....هذا خشمج العالي الا يجي يوم واكسره
