"من أجل وطنى وعائلتى"

الفصل الرابع

رحيق: ألو... مين!
المتصل:.....
رحيق: ايوة انا.
المتصل:......
رحيق بصدمة: بتقول ايه!
بعد أن اغلقت الهاتف..
مازن بقلق: رحيق  ايه اللى حصل!
رحيق بصدمة: مازن!.. مازن... شوفت اللى حصل!
مازن بقلق: إيه اللي حصل... انطقى!
رحيق: جهز نفسك للصدمة ياصاحبي.
مازن: والله لو ماخلصتى هديكى بضهر ايدى على وشك زى الخدامين.
رحيق بضحكة: ههههههههه.. طيب خلاص اهدى ياعم الوحش فى ايه.
مازن بنفاذ صبر.: اخلصى بقى مش قادر اقف علي رجلي من القلق وانتى بتهزرى!
رحيق بفرحه: سيادة العميد محمد ذات نفسه أمر بنقلى انا وانت للقوات الخاصة.
مازن بصدمة: انتى بتهزرى صح.
رحيق: لا ومش كده وبس ده سيادة اللواء طالب يشوفنا ويكرمنا بنفسه قبل مانبدأ شغل!
مازن بفرحه: يااحلى خبر فى عمرى!
رحيق تحتضنه بفرحه: الحمدلله يامازن الحمدلله.. حلمنا اتحقق ياحبيبي انا مش مصدق نفسي يالمبى!
مازن مندهش من أحتضان رحيق له: وحياة امك ايه اللي عملتيه ده.
رحيق انتبهت لوضعها وابتعدت عنه: احم... مازن.. انا.. انا اسفة والله انا من فرحتى وكده.. اسفة بجد!
مازن يغمز لها: معنديش مانع على فكرة.
رحيق: هنتلم بقى فى ليلتك دى ولا ايه!... يلا عشان نخلص شغلنا ونروح نجهز كده ونستعد بقى!
مازن: اه طبعا طيب روحي وانا هعمل مكالمة وجاى وراكى!
رحيق: خلص مكالماتك كلها عشان هسحب منك الفون ان شاءالله!.... يلا متتاخرش
وتركته وذهبت ثم امسك مازن بهاتفه وهاتف والده.
مازن: بابا حبيبي.. طمني عليك عامل ايه!
حسين: بقى كده سايبنى قلقان كل ده... مش تطمنى ياغبى.
مازن؛ معلش يابابا والله ده حصلت حاجات وروايات... حقيقى من حقك تحب الشغل مع رحيق والله هى عظيمة فعلا.
حسين: طبعا ياابنى دى تربيتى... هااا احكيلى على اللى حصل.
بعد أن قص عليه مازن ماحدث...
مازن: وبس يابابا وهنروح بكره نقابل اللواء بذات نفسيته!
حسين: بذات نفسيته! مين الحيوان اللى خلاك تشتغل ياابنى ولا تعيش اصلا.
مازن: لا يابابا لا متقولش على نفسك كده 😂
حسين: اقفل ياحيوان وروح شوف اختك
مازن: بابا!  هى اختى اوى يعنى.
حسين: اه اختك اوى اوى... وقبل ماتفكر تسيبها او تبعد عنها هقتلك بذات نفسيتى يابغل.
مازن: مش عارف ياحبيبي من غير وجودك انت ورحيق كنت هتهزق ازاى والله!
حسين أغلق الهاتف فى وجه مازن..
مازن:.. الووو.. بابا.. يااه قفلت في وشي... بيموووت فيا!
~~فى مكان وجود مروان المنياوى ~~~
رحيق: عجبك المكان هنا!
مروان ببرود: لا مش معقول لحقت اوحشك!
رحيق ببرود اكتر: وحشك وحش يلهفك انت ورأس الافعى والله!
مروان: جاية تدعى عليا ولا تضربينى ياترى!
رحيق ببرود: جاية أخرجك!
مروان : مقدرتيش تستحملى وجودى هنا مش كده!
رحيق: لا فى الحقيقه شايفة انك مستريح خالص هنا وانا عايزة اخرجك عشان لسه اللعب هيبتدى... وبينى وبينك اللعب هنا ممل اوى وانا بحب الأكشن.
مروان: ههههههههه... وانتى مش عشان كسبتى مره فى اللعبة يبقي هتكسبى دايما.. الشاطر يضحك فى الاخر.
رحيق بثقه: ضمنت أنى هضحك على طول بقى من هنا ورايح... بس هضحك عليكم انتوا!
مروان: مستغرب ازاى دخلتينى السجن وخلال 24 ساعة هتطلعينى بنفسك.!.. لا ومن غير مااروح للنيابة كمان!
رحيق.: شغل بوليس بقى بلاش تدخل فيه عشان انت لايق عليك دول المافيا اكتر!
مروان: مكنش لازم تطلعى نفسك طيبة كده كان كلها ساعه وبابا كان هيخرجنى.
رحيق: يانانوس عين ماما!  انت متعرفش ان طول ماانا موجوده محدش هيعرف يخرجك من هنا غيرى ولا ايه.
مروان: بابا يقدر! ده كمال المنياوى ياماما متعرفيش يعنى ايه كمال المنياوى.
رحيق: انا اكتر واحدة عارفة هو مين عشان كده بقولك محدش هيعرف يخرجك غيرى.
مروان: وادينى خرجت اهوو بفضلك.... وليكى عشاء شكر مخصوص فى اى وقت هكلمك ولازم اشكرك بنفسي بس مش هينفع هنا طبعا!
رحيق: متقلقش هنتقابل كتير بعد كده...اجهز انت بس!
تركته وذهبت..
مروان:طول عمري جاهز يارحيق...بس انتى ترضى عنى....وتعرفى ان انا اللى مش هسيبك!
~~~فى مكان وجود فريده~~~
رحيق:فوفا....اخبارك ايه.
فريده بخوف: انتى...انتى ايه اللي جابك هنا.
رحيق: وحشتيني يافوفا قولت اجى اشوفك.
فريده: انتى فاكرة انك كده شاطره وبتخوفينى...تبقى غلطانه.
رحيق: من ناحية شاطره ف انا فعلاً شاطرة....وبالنسبة انى بخوفك مش محتاجه والله لانك خايفة لوحدك..امسحى عرقك بس وابلعى ريقك ومتخافيش مش بأكل بهايم!
فريده؛ انتى جايه عايزة ايه!
رحيق: أخص عليكى يافوفا...ده انا كنت جايه اطمن عليكي وندردش سوا قبل ما تخرجي!
فريده بفرحة: ايه! اخرج!
رحيق: اه تخرجى..ولا عجبك المكان هنا!
فريدة مسرعه:لا يععع ده مكان مقرف خالص...خرجينى من هنا.
رحيق: مكان يليق بمقامكم ياعيلة المنياوى!
فريده: كنتى فاكرة ان كمال هيسيبنى انا وابنى فى الزريبة دى!
رحيق ببرود.: نسيبتى ان الزريبة مش بيقعد فيها غير الحيوانات...يا...يافوفا هانم!
فريده: كمال مش هيعدى اللى بتعمليه ده بالساهل مش هيسيبك!
رحيق بثقه: لالا تصحيح بس..انا اللى هخرجك مش هو....وبالمناسبة انا اللى مش هسيبكم!
فريده: ازاى يعنى!..انتى اللى هتخرجينى! انتى ليه بتعملي كده!
رحيق.: اكيد مش هقولك انى مسلمتش الورق والتسجيلات للنيابة وان القضيه  معلقة وانك اتحبستى هنا عشان اتعديتوا على النقيب مازن بالسب والضرب وهو بيقوم بمهمته ودى تاخدوا فيها 24 ساعة...أوبس يقطعنى قولتلك!
فريده: نععععم! يعني انا هنا عشان كده بس!
رحيق: عاؤفة انك حبتينى والله وكان نفسي تفضلي اكتر من كده بس للاسف اللعب مش هيكون ليه طعم وانتى هنا...لازم اشوف الخوف فى عيونكم كل شوية!
فريده: مش هتعرفى تعملى حاجه!
رحيق: لو كنتى فاكرة انى مش هعرف اعمل حاجه بالورق اللى معايا تبقى غلطانه...ده انا ببص عليه كل يوم قبل ماانام..وبفكر اقدمه للنيابة امتى!
فريده: هتندمى على كل اللى بتعمليه ده!
رحيق:قبل ماامشي..نصيحة منى بلاش تتوترى وتسيبى وراكى اثر وخليكى ذكية! سلام يابيبى!
تركتها رحيق بخوفها وتوترها.
فى خارج الزنزانة قالبت رحيق مازن.
مازن: كنتى فين يابنتى...دوختينى عليكي.
رحيق: كنت بخرج فوفا ومروان من الحجز.
مازن: انتى اتجننتى عملتى ايه بوظتى الدنيا.
رحيق: عيب عليك تقول كده ده اللعب هيبتدى.
مازن: لعب ايه يابنتى...خرجتيهم ازاى بكل التهم اللى ضدهم دى!
رحيق: ههههههههه هو انا مقولتلكش!
مازن:لا مقولتيش.
رحيق:..ههههههههه..والنبى ماقولتلك.
مازن: لا مقولتيش يارحيق واخلصى.
رحيق: ههههههههه...يقطعنى.
مازن: لو مخلصتيش ف يومك ده انا اللى هقطعك!
رحيق:  ههههههههه..... ماهما دخلوا بتهمة التعدى عليك بالسب والضرب.
مازن: عليا انا.
رحيق: ههههههههه...اااه انت يامهزأ.
مازن: انتى بتضحكي على ايه يابغله...طيب والملفات مقدمتهاش ليه للنيابة!
رحيق: ياحمار افهم لازم اخوفهم شويا..لو سلمتهم دلوقتي ايه اللى هيحصل اللعب هينتهى بمؤبد..وانا لسه معملتش حاجه..عايزة اوترخم واخوفهم وكده يعني هبهدلهم واخليهم يشوفوا كوابيس وبعدين ندخلهم مؤبد بقى سنتين ويموتوا مُتعفنين فى السجن!
مازن يصفق لها: لا برافو...حقيقى برافوووو انا ابتدى اخاف منك بقى.
رحيق: انت لسه شوفت حاجه تعالى بس يلا نخرج نجهز الشنط عشان نمشي بقى!
مازن: امرك ياسيادة الرائد.
اسرع ماون وفتح لها باب السيارة..
مازن: اتفضلي حضرتك ياسيادة الرائد.
رحيق: ههههههههه...مش لايق عليك الاحترام والعقل والله العظيم.
مازن: تصدقي انا غلطان...طيب ادى الباب اهووو اتقفل وشوفى هتركبى ازاى بقى.
رحيق: ايه يابغل انت هتشوف نفسك ولا ايه دى عربيتى!
مازن يتصنع الطيبة: يااه يارحيق محدش يعرف يهزر معاكى ابدا...ده انا بقول انتى اختى حبيبتي وصاحبى اللى ماليش غيره و....
قاطعته رحيق قائلة: هااا اخلص ف ليلتك دى وقول عايز ايه بسرعة ومن غير مقدمات كده.
مازن بفرحه: اهوو ده الكلام اركبى بقى وانا اقولك...دايما فاهمنى كده ياسيد.
رحيق تركب السيارة: امال مين يفهمك قدى ياعم شكشك...قولى عايز ايه.
مازن: بصراحه يارحيق كده يعني...يعني احنا خلاص هنروح القوات الخاصة يعني...يعني مش هعرف اخرج يعني...ولا هتفسح يعنى..يعني يارحيق يعني.
رحيق: من غير نأنأة اخلص... هتخرج مع مين فيهم!
مازن: نور...هخرج مع نور!
رحيق: جديدة دى صح.
مازن: يعني جديدة...بس زى القمر...بصي انا عايزك تيجي معايا ونقضي اليوم سوا وبعدين نروح نجهز وننام لحد الصبح ونمشى...اتفقنا.
رحيق.: وانا هاجى معاك هعمل ايه...روح انت انا مش عايزة اسهر.
مازن: عشان خاطري..ومش هنروح الاماكن اللى فيها بنات كتير صدقينى هنروح مطعم محترم!
رحيق: مش هتروح الاماكن اللى فيها بنات عشانى ولا عشان محدش يقفشك مع البت الجديده ياموزو.
مازن: مش هتبطلى تقفشينى ابدا كده 😂.
رحيق: لا مش هبطل يامهزأ....مازن! انت وديت الملفات والتسجيلات فى البيت!
مازن: اه حطيتهم على مكتبك  زى ما قولتى.
رحيق: عااش ياحبيبي يبقى شكلى هاجي معاك!
مازن: حبيبي ياعم سيد...بيتها اهووو وهى نازلة دلوقتي.
رحيق: هقوم أقعد انا ورا بقى.
مازن: ربنا مايوقعك ف ضيقة يارب.
أتت نور بعد لحظات وكانت ترتدى فستان أحمر قصير، وتبالغ فى وضعها للمساحيق التجميل،وترتدى حذاء أسود بكعب رفيع،
رحيق بهمس لمازن: هو ده ذوقك يااخى طب اختار حاجه محترمة.
مازن:عدى الليلة الله يسترك...
ثم وجه كلامه إلى نور التى اقتربت منهم..: حبيبتي الجميلة وحشتيني!
نور بدلع: ااه موزو وانت كمان يابيبى وحشتنى كتير.
مازن.:تعالى اعرفك دى رحيق أختى..
نور: هاى رحيق.
رحيق: اهلا ياحبيبتشي نورتشينا والله.
نور لمازن: هى بتتكلم كده ليه!
مازن.:لا دى رحيق بتحب تهزر وكده..ههههههههه بنت الايه دمها خفيف بشكلك...
ثم وجه كلامه لرحيق بهمس: ابوس ايدك خلى الليلة تعدى وهجيب ليكى حواوشى هوهو ومش هقول لبابا..
رحيق: طالما فيها حواوشى هوهو ومش هتقول لبابا ده احنا ننبسط بقى!
مازن: ياحبيبتي يارحيق...شوفتى يانور عندي اخت زى القمر ازاى...وربنا يسامحنى على الكدب ده.
رحيق: بتقول حاجه ياشكشك.
مازن: لا ياروحي بقول ربنا يخليكي ليا.
رحيق: طيب ياحبيبي بطل رغى واطلع على بيتنا الاول هجيب حاجه من هناك.
مازن.:البيت ليه البيت دلوقتي...حرام عليكي عايزين نلحق اليوم من اوله.
رحيق: مازونى ياحبيبي هتروح على البيت ولا تحب نلغى المشوار اصلا.
مازن: ههههههههه...ياروحي انتى بتزعلى على طول كده محدش يعرف يهزر معاكى...حسبى الله...
رحيق: بص قدامى ومسمعش صوتك احسن مااعرفك الهزار الصح ازاى دلوقتى.
~~فى فيلا المنياوى ~~~
فريده تحدث أحد الاشخاص على الهاتف..
فريده: اه هى مش موجوده دلوقتي...
الشخص:.........
فريده: الورق يكون عندى ومش عايزه اى مشكله تحصل!
الشخص:........
فريده: متنساش الفلوس كلها هتبقى جاهزة وقت ماتيجي بالورق...يلا ومش عايزة غلطات.
بعد ان اغلقت الهاتف جاء كمال من خلفها..
كمال: بتكلمى مين! ومين اللى مش عايزاه يغلط.
فريده: كمال..انت جيت امتى ياحبيبي!
كمال: ردي عليا بتكلمى مين!
فريده: ده...ده الكوافير بتاعى بقوله على قصه شعر هعملها ومش عايزة غلط فيها يعني!
كمال: ياحبيبتي انتى جميله من غير حاجه.
فريده: حبيبي بردو عشان متشوفنيش عجزت ولا حاجه..
جاء مروان...
مروان: معلش ياجماعة هقطع عليكم اللحظة الرومانسيه الحلوة دى!
فريده: ههههههههه لا ياحبيبي تعالى!
مروان: معلش ياماما ممكن تقوليلهم يحضروا العشاء لانى جعان اوى..
فريده: بس ياحبيبي..ثوانى والعشا يكون جاهز.
مروان: تسلميلي يااحلى مامى ف الدنيا.
بعد ان ذهبت...
كمال: هااا طمنى فى جديد..
مروان بنظرة شيطانية: يوووووه واى جديد ياكمال بيه...حاجة هتعجبك اوى!
فى منزل رحيق...
رحيق: اقف هنا بقى يامازن!..ومش هتاخر..
مازن: حاضر وأمرى لله..
بعد دخول رحيق إلى المنزل صعدت إلى غرفة المكتب!..
شعرت بحركة غريبة فأضاءت الضوء...
رحيق: لو موجود اطلع...
لم يصدر صوت...
رحيق: أطلع أحسن لك..
لم يصدر صوت أيضا.. ورحيق تقترب من المكتب بهدوء...
رحيق: طيب انا جاية اهوووو...قربت منك خلاص و........
🌸🌸🌸
نهاية الفصل الرابع
#من_أجل_وطنى_وعائلتى
#بقلمى_هدى_محمود