متىَ ألقاكِ

_٩_

بعدين طلعنه ..واني الفرحه ماسايعتني احس روحي

طايره بالهوى ..فما جنت منتبهه لا أحد

عيوني على حبيبي الي لازم ايدي ويمشي وياي

صعدنه بالسياره وزفونه البيتهم وصلنه لكينه البيت

مكلوب كلاب ناس هواي اقربائهم دخلت اني

بس قبل لا ادخل كالت وحده من كرايبهم اوكفي

وكفتني بلباب وجابت سراحيه مي وكالت ادفريه

برجلج حتى تنكب اني بقيت واكفه متفاجئة

واسولف بكلبي شلون اريد اضربها استحي بعدين

اجاني صوت أياد يهمس يم أذني

_يلة أضربيه برجلج حيل.

اول ما سمعت صوته مثل منوم مغناطيسي صرت

نسيت خجلي نسيت اني وين ومكاني وين اني

باوعت للسراحيه وعفت ايد اياد ورفعت بدلتي

بثنين إديه واني بوضعيه الهجوم وجتت باقوة

ماعندي أفترت السراحيه ورجعت مكانها صاح خال أياد .

_اقوى أقوى اقوى.

باوعتلة ورجعت شلت بدلتي وطلع نص بنطروني

وجتت بأقوى منها ضحك الكل والسراحيه تحركت

من مكانها وضلت تفتر ورجعت هم وكفت ما نكب المي

اجاني صوت الناس لالا .

اما صوت أياد صاح بحماس كأنُ جاي يشجع

_أقوة لج.

تحركت عندي العزيمه وركضت بسرعه الها وحيل

جتتها خليتها تفتتر واخر شي نكبت ضحك الكل

وصاحو بصوت عالي.

_عفيه عفيه.

انتبهت على نفسي واني واكفه بنص الطرمه وناسيه

نفسي اني العروس للحضه حسيت روحي ميسي

بساحه الملعب ونسيت روحي صار همي اسدد هدف

ضحكت على نفسي ورجعت مشيت بخجل وسط

تجمع الكل وناس تباوع بفرح وكفت يم أياد لزم

ايدي وتقرب وهمسلي.

_عفيه عليك ميسي خوش تلعب أريدك ليوم هيج هه.

وضحك بمكر.

حسيت بلخجل وعضيت على شفتي بعدين مشينا

دخلنا للأستقبال كبيرة مالتهم وكعد بجانبي من جهه

يمنى وبت عمي بصفي من جهه يسرى واخوة بصفها

من غير جهه ورة لحظات راح هو واني بقيت كاعده