متىَ ألقاكِ

_١٧_

-أنتظرتك،‏الانتظارات كلها..💔"

‏أتعس وصف قالته صوفيا دي ميللو:

_مبروك حامل.

بقيت واكفه مصدومه ممصدكه الخبر كان صادم لدرجه حسيت أن رفعت من ألارض للسمه ونركعت بلكاع كتلة بتفاجئ.

_شنو .

رجع عاد علية وكال .

_مبروك حامل بابا.
كتلة بصدمه ممصدكه ابد

_لا لا مستحيل ماكو هيجي شي .
_لا حامل واضح تحليل.

اني راسن انا ماعت روحي وكعت بعد مادريت الة ذبو علية ماي وكعدت  حتى ابو تحليل ضل متفاجى كال لمرت عمي.

_ شنو شبيها هاي ليش هيجي ماعت روحها .

كالت الة خالتي .

_لا ماكو شي.

وخلينا وطلعنا واني كلبي يغلي مثل النار ممصدكه الموقف الي مريت بيه
لو مهما احجي  محد راح يحس بيه طلعت امشي ودموعي صب وما تشوف ناس عالم تمشي كدامي ماشوف احد بس اشوف شارع ابيض وامشي

بوحدي وابجي ابجي مقهورة حيل وين كان هذا الحمل ليش  من كنت محتاجه ليوم أن تكون نتيجه ايجابيه عكست وياي ليش،ضروف جاي تتحد ضدي والكل يبتعد عني ليوم بأمس حاجه لهذا جواب اليوم توسلت حتى لو خطاء تحليل بس المس حبل نجاة

ترجيت الحض يسندني وبالأخر الحظات يسندني

بعد فوات الاوان اخ اخ يا وجع كلبي شخليلك وطيب اخ حيل تأذيت ليوم يالله معقولة كلبي دم ولحم ويتحمل كل هذا الجرى لا لو غيري كان ماتت  اليوم كلشي صار بلمح البصر لو شكد ما احجي ما اكدر اوصف شده حزني والمي بهذا  اليوم نحس.

صعدت بسيارة واني بلا روح بس جسم يمشي

  كعدت مقهورة وتعبانه حيل بس كنت مهونه على نفسي ان   عندي امل وكلساع اكول بكلبي  ها هسة يرجعوني بعد اني حامل اكيد  يرجعوني.

فرجعت للبيت وماحجيت شي مرت عمي كالت الهم خبر وابويه تخبل سمعته يحجي ويصيح يكول

ماريد بزرهم تنزلة ونفك منهم سديت الباب مال

غرفه وتقوقعت على روحي كمت ابجي مشتاقه الى اياد حيل شوكت اشوفه اشوكت ارجعلة هسة لو يمي واجي ابشرة بالحمل مالتي شنو ردة فعلة اووف

اتمنى اشوف فرحه عيونك بهذا الخبر  أتمنى اكون كدامك وتداريني وتحسسني أميرة وانتَ تنتظر طفلنا يشرف ويملي حياتنا فرح تسطحت على

الأرض ولميت نفسي مثل طفل وخليت إديه على بطني واني اتهمسها ونزلت دموعي بفرح وحجيت بشوق.
_يروح ماما اكبر وكون انتَ حبل نجاتنا اني وبابا كون انتَ سبب واجمعنا سوة اخر امل أنتَ عندي لا تكلي مستحيل يايمه .

حسيت براحه وبقيت أتأمل ان أرجع الى رجلي علمود طفل لبطني اكيد ما يكدرون بعد يوكفون بوجهنا...
مرت الايام
و ابويه كام يحجي كالي.