ماذا كان يطلق على لقائنا هل هو
بداية حياة جديده مزدهرة ام ماذا سميتها..
أجابت بندم .
كانت بدايه حطامي ،
ليتَ الحطام الذي اعانيه تعاني انتَ منه.
#braq
مرت الايام وصادف يوم الاحد طكت روحي و متحملت احس كلبي نمرد وحسيت بشيء مو طبيعي ختنكت بس اريد اشوفها ما تحملت وطلعت بدون وعي ....
لحظات معدوده فاقت على نفسه وهي واكفه باب المدرسه بقت متفاجئ وما تذكر شلون وصلت الى هنا بقت واكفه باب مدرسه وهي تباوع بقهر وحزن وتحجي وي نفسها...
_بس هذا الحايط يفصلني عن شوفتها يعني واذا رحت وشفتهه راح ياخذون راسي .
دخلت للمدرسه وهي عازمه على شوفه بنتها متشوقه اشوفهه وهي كبرانه وكلش متلهفه .
اول مادخلت شافني المعلمات وكلهن عرفني العاملات والمعلمات واجتني عامله جبيره كالتلي.
_ انتي ام اسو .
اباوع بلهفه كنت لكن صحيت على صوتها وكلتها .
_ اي.
ورجعت ابحث بعيوني بكل مكان عن بنتي سمعتها تحجي بحزن و كالت.
_ متغيره كلش .
ذبيت حسرة من حسيته طلعت من صدري كلهيب النار من سمعت كلمتها وذكرتني بمأساتي منين تجي راحه واني كل ليلة اكب واطفى على بنتي وكتلها.
_شسوي هاي هيه
كالت. الي.
_تعالي للمديرة محتاجه شي.
رحت وراها ودخلت للمديرة اول ماشافتني استقبلتني وكالت.
_هلا ام سارة شلونج.
شكد افرح من كلي ام اسو لان اني كلة بسم ابني يسموني بس هي صيحلي ام ساره.
المهم دخلت وشافتني المديره كالت.
_ ها ماما .
كتله بقهر وأحس بعد ماكدر اتحمل .
_ ست فدوه بس شوفها من بعيد كلبي يوجعني بس اشوفها شلون صايره.
_ ميخالف اني راح احاجيه وانتي باوعيلنه من بعيد ..
_اي فدوة بس اشوفها.
راحت مديرة دزت عليها واني كلبي مثل طبل كمت ارجف ارجف وبنفس وقت فرحانه وكفت من بعيد ومديرة صاحتها واني اباوع الها وخالة ايدي على حلكي اكتم صوت عبراتي خاف تسمعني وتحس.
واشوفها تحجي وياها وابجي اريد اروح احظنها
ابوسها اشمها ماكدر ورة لحظات ابني كان وياي راح
وكف يمها ويلعب بصفها وهي ماتعرف بي اخوها اخ
موقف هزني هز اخوها يمها وهي تباوعلة وترجع سولف بس نظراتها علي يمكن الدم حن وكلساع تباوعلة وهو هم يلعب كاعد جواها لحظه صعبه جدا شي بداخلهم هل الاطفال يسحبهم لبعض لكن محد يعرف ثاني رابط الاخوة بيناتهم قربهم لكن قوة القدر وظلم وبطش البشر يمعنع أن يتحد الدم ويمنع لقائهم كمت ابجي وشكد ما احاول
اوصف الشيء الي صار وياي ماكدر صعب جدا
أنت تقرأ
متىَ ألقاكِ
ChickLitدعواتي أن تكون لي لا ارغب بشيئ اخر سوى أن افتح عيني وأراك بجانبي لا يهم كم سوف نبقى الاهم ان أكون بجانبك حتى لو ليوما ً واحد
