وصلت للحافه مال ستارة واباوع اريد اشمر روحي
وعيني على بطني صارت وتخيلت شلون اموت ويموت طفلي تراجعت للخلف وكعدت أبجي منهارة بجيت لحد ما تعبت واخذ كل حيلي بجي ونزلت جوة نمت .
مرت الايام
وي مرور فترة الحمل بطني بدت تكبر واستحي من ابوي حيل من موجود على كد حاجتي وشغل الي أريد اسويه اطلع من غرفه واذا ماعندي شي. ابقى كاعده خاف يشوفني بابا ويشوف بطني الي بدت تبين حتى ملابس كمت البس من ملابس امي لان عراض وراهيات واستحي افتر يمه لان مشيتي مثل البطه المهم
دخلت بشهر الخامس ورحت اني وامي للدكتوره وكالتلي بيج بنيه اني جنت متمنيه ولد لان هو جان يحب الولد لان مره كاعدين نسولف وكتله اريد اصير عندي بنيه هو كالي لامن هسه انتي تفكرين بالبنات اني يصيرون عندي 12 ولد يلا افكر اخلف بنت لان احب الولد واريد اسمي رضا لذلك جنت اتمنى يصير عندي ولد بس الحمد لله رب العالمين رجعت للبيت واستمرت حياتي مثل هي كان الفرق هو بحياتي ان يوم عن يوم بطني تكبر كلما ادخل بشهر وكلما يقترب يوم ولادتي يزيد قلقي وخوفي من المستقبل
ويوميه افكر شنو مصيري وين راح ينتهي بيه المطاف شنو مصير البنيه الي بطني وادعي كل يوم الها وهي بطني يربي اريده تعيش مرتاحه ماريد تعيش الي عشته حياة البؤس والضيم والقهر ...واخلي ايدي على بطني وبجي واكله شنو ذنبج انتي يايمه تعيشين بلا ابوة وجوز بلا ام شنو حياتج واكعد ابجي على حالي والوضع الي اني بي وعلى مصيري بنتي المجهول مرت تسع أشهر بين هم وتعب الحمل ونساوة وقلق وخوف وأجه اليوم الموعود ..
يوم ولادتي اجاني الطلوك ورحت للمولده لان اخاف جنت من المستشفى واهلي هم جانو خايفين عليه وشكلهم يكلولي اي يخافون يصير بي شيء
المهم
رحت للمولده (القابلة).
سئلتني.
_ شكد داخلة بشهرج ماما.
كتلها.
_اسبوعين صالي.
سكتت وكامت سوتلي حركات تحفيز بطني ماعرف شنو لان هذا شي كلة مامار عليه اني هاي لان بجر مافاهتهم كامت تحرك بطني تباوع الى امي تحرك وتباوع الى امي بنظرات تسائل وخوف خلتني ارتعب من نظراتها النا وكالت.
_اني راح اجيبها بس طفلة مامسؤولة عنها تطلع جوز ميته.
اني من كالت هيج ودموعي وحدهن كامن يصبن كتلها .
_شلون .
كالت الي.
_اي ماما لان ولادتج فايته واحتمال طفلة تطلع ميته اني مامسؤوله عنها .
امي ضلت تبجي بخوف و كالت .
_اهم شي روح بنتي اني ما اهتم كلشي اهم شي عندي بنتي تكوم بسلامه.
المهم علكت المغذي وابرة فضليت صار عندي طلوك وألم ولاده وكانت صعبه حيل كلش لان بجر وحبلت محد يمي لا رجال ولاشي بقيت اطلك واتوجع متت من الوجع وبعد تعرفون الم ولاده اكيد اغلبكم أمهات وشايفات .
أنت تقرأ
متىَ ألقاكِ
ChickLitدعواتي أن تكون لي لا ارغب بشيئ اخر سوى أن افتح عيني وأراك بجانبي لا يهم كم سوف نبقى الاهم ان أكون بجانبك حتى لو ليوما ً واحد
