باچر متانيك مو تنسى شگلتلك
حتى لو ميت تعال
اسفه نزلت بارت بلخطاء قبل شوي واني اصحح بيه نشر
طلعت أرجف وخايفه ماريد اشوفها وكلبي يريدها وكفت كبالها وشفتها بعد روحي متغيرة صايرة حلوة شعرها أسود يخبل وعيونها سود اوساع وبيضه وتوها مبين علية تمشي وراجعه مثل قبل حلوة ركضت الها وحضنتها وشبكتهة وابوس بيه وبجيت شميت ريحتها وارتاحيت الله لايروي لعبد مسلم الي مريت بيه لزمتها بحظني شابكتها وأبجي بجيت بجي لمن ما نمردت روحي وكعت ومادريت بروحي بعد فقدت الوعي فزيت على مي يذبون علية كعدت وهم رجعت أبجي وهية كامت تبجي علية والكل بجه عليه حتى عمي .
بوقتها ماعرفت صار بية خفت اشوفها وتعلق بيها ويأخذوها مني مرة ثانيه وكمت أحظن بيها وما اروي شوكي وهية مستغربتني حيل كلساع تعوفني
وتروح حضن بيبتها جان موقف كلش صعب وماعرف شسوي بس ارجف
اي بعدين كعدنة سويةوتغدينة وبنتي تلعب ومن شفتها روحي رجعتلي وبعدين امي طلعت وحجت وياي.
_اني أجيت اريد ارجعج .
تفاجئت وتذكرت عده مرة جاوبتها واني مأيسه.
_ شلون مو تزوج .
_اي بس راح يطلكهة لان ما أرتاح وياها وندمان وما ارتاح وياها وهسة هوة واكف برأس الشارع
متانيني يريد يرجعج واكف برأس الشارع.
فزت روحي من كالت واكف براس شارع وكلبي راد يطلع من بين ضلوعي ويروح الة فرحت بطاري والي فرحني هو قريب علينا يعني هنا بفرعنا حسيت براحه وشوك يريد ياخذني الة لكن صعبه كلت الها بعتب.
_ لعد وين جان ليش ماجة رجعني ليش راح تزوج.
_شسوي ملينة كلما نجي العمج يطردنة .
كانت تحجي وياي واني بيدي تليفون امي شافت بيدي موبايل وكالت.
_ نطيني رقمج يريد يخابرج كالي جيبي رقمها اخابرها .
ماكدرت انطي الها اخاف لان هذا مو موبايلي موبايل امي كلت الها.
_ ماكدر انطي اخاف من ابوي.
خلت امي وقطعت كلامنا وبدت تسولف عن سارة وتضحك على لعباتها.
_خطية ما تنام الة عندي عزيزتي يكولون ولد الولد اعز من الولد والله ابد ما اغفل عنها نهار كلة افتر وراها ومدللتها حتى جهال ابني ثانيين موهيج دللتهم ويغارون منها وهي ماتقبل اخلي واحد بحظني .
ضحكت عليها فدوة كلبها كامت تفتهم وتغار وبستها وشميتها
امي كالت الها.
_اي لبنيه عزيزة ابوها هم تروح لبوها.
_لا اكثر شي علية هو خطية ملتهي مرته عفته هسة اخذها للدكتورة حامل وماتكدر.
اني ضجت من جابت طاري مرته بس حيرتني ماتحجي يم اهلي بخصوص رجعتي
بس هي من تكوم امي ونضل وحدنه تسولف وياي
وامي من تساله علي تكله زين وي مرته
واني تحجي كدامي غير حجي تكلي بعد مايريده وراح يطلكها وهو بس يريدج
اني ضليت دايخه بحجيه ومااعرف وين الصدك وين جذب.
أنت تقرأ
متىَ ألقاكِ
ChickLitدعواتي أن تكون لي لا ارغب بشيئ اخر سوى أن افتح عيني وأراك بجانبي لا يهم كم سوف نبقى الاهم ان أكون بجانبك حتى لو ليوما ً واحد
