مرت تلث ايام واني نار وكابه بصدري شفت روحي بعد ما اتحمل هم وفقدت سيطرة على كبت شوقي الها ما اكدر بعد خليت ورحت الى ابويه وكفت كبالة وكوة متماسكه بس واحد يكلي شلونج انفجر واكلبها مناحه وكتلة.
_بابا لازم انة يخلولي يوم اشوفنها احجي وياهم .
سكت حس علية ان ما احمل فراكها وبعدين كالي.
_اي اني راح ادويلهم شيخ يخليج شوفينها كل جمعه لان هسة طفلة مريضه ووهما راحو اخذوها للدكتور ايكولون امه نايمه بيها و احسن كل جمعه شوفيها مرة من صبح لليل .
_ ميخالف موافقه كل جمعه كل جمعه .
طلعت واني مطمنه ومكيفه انة كلت هسة من يكول اطول جمعه هسة اكيد يجي يرجعني غير هيج انة حاطه لبالي.
مكان اخر اياد...
كان كاعد وينافخ ويباوع الى اخوة بتضايق وذاك عكسه كان مثل سجين وتحرر وما مهتم لطلاك زوجته عكس اياد الي دمر بعد فراك ريان وضال الف حسبه بالة تجيبه وتاخذة مرة يفكر بمصير بنته الي حالته صحيه تعبانه ويفكر بتصرف ريان الي حيره وما خلاة يعرف يتصرف جرب كل طرق حتى يرجعها لكن كانت ترفض وماتقبل وأنوع كلام سمعه عن رفضه اله ومرة تكلة راح ازوج ماريدك لكن ليش باقيه تنتظر اذا تريد تزوج اخذ،جكارة ورثها ويحاول يهدي نفسه وهو يحجي بداخلة.
_ليش هيج سوي لا انطيك ولا اخلي رحمه الله تجيك بيوم خطبتي تودي بتي حتى تخرب علية ومن ادز ناس ارجعها ترفض وتكلهم راح ازوج والله حيرتني شسوي الها وتجي قطع صفنته صوت الباب يندك
راح للباب فتحه وشاف شيخ تضايق وتذكر اسوايتها وحان وقت لحتى ينتقم
_السلام عليكم .
_وعليكم السلام هلا شيخنا تفضل.
_لا رحم الله ولديك ما كاعد بس اجيت اوصلك خبر اهل المرة أجوني ويكول ابوها .
_احنا لازم نشوف لبنيه كل جمعه وديه خل اشوفها امها.
انتفض بعصبيه وحجه بتوعد.
_لا والله ماخلية شوفها بعد مدامها ذبتها اكو ام ذب بزرها بس هي ماتريدها لو تريدها بعد المن تودي عليها.
_لا هذا موحجي مو بكيفك حقها هاي امها وحقها تشوفها.
_هسة حنت عليها لعد المن ذبتها أكو ام تتبرى عن بزرها هي حتى بزون ماتذب جهالها شنو من كلب عدها.
_ لا تضل تلومها انتَ ماتدري شنو ظروفها انتَ هم عفتها حامل وجابت وصارت طفلة عمره ثمن تشهر وانتَ ماتدري بيها لارحت عليهم لاشفتهم لاشي لاعرفت بتك شمحتازة ما محتازة.
_ اي اني هم مقرر يعني بنتي سنتين واخذة ماخليه يمهم يعني هاي ابنيه عرضنا كزازة شنو اعوفها عدهم بس استخطيتها كلت زغيرة وترضع ما احرمها منها بس مدام ذبتها تحلم تشوفها.
_شنو بكيفك يعني سنتين وتاخذها بعدين شلون امها تتعلق بيها وصير بيناتكم كاتل ومكتول وما تطيكم اياها موشويه سنتين تتعلق بيها هي هسة خطيه ويكول ابوها تبجي ولا تاكل ومقهورة وتمرضت وحالته حالة انت ماتعرف ضروفها ماكو ام تتبرى عن بزرها بس ضروفها اقوة.
أنت تقرأ
متىَ ألقاكِ
ChickLitدعواتي أن تكون لي لا ارغب بشيئ اخر سوى أن افتح عيني وأراك بجانبي لا يهم كم سوف نبقى الاهم ان أكون بجانبك حتى لو ليوما ً واحد
