اجه الرجال وابويه يمه دخل ورة لحظات راح اني رحت شفت بابا طلع وجهه مايكصه سيف ومعصب لعب كلبي وخفت حاجيته بابا كتله .
_ها بابا شنو كالُ وافقُ على شرطي .
_ ها شكتلج مو كتلج هذولي ناس حقراء ومايستحون وماعدهم كلمه اني عرفتهم.
رجف كلبي وكلته.
_ ليش بابا شكلولك .
_ رجلج يكول اني مرتي ماطلكهه تريد ترجع خل ترجع البتها اني مرجعه علمود بنتها اني مرتي احبها وحامل وماعوفها.
اني ضليت مصدومه وكمل كلامه بتهجم .
_يلا بكيفج ترجعين على شريجه وتتحملين الضيم والمذله علمود بتج وسكتين .
اني ضليت صافنه وأفكر تخبلت ضلت الافكار تاخذني وفكار تجيبني شلون ارجع وعلى شريجه وشوف مرته يمه وبحضنه ويا نفس الغرفه غير اتخبل وتسودن الغيرة عمتني ومستحيل أقبل اكون وياة وعلى ضرة وبلحظه طيش وبلا وعي حجيت لان غيرتي تتحكم بيه بسرعه جاوبت ابوي وبدون وعي بس الحسره ذابحتني كتله.
_ لابابا ماارجع ماارجع مستحيل .
استبشر وجهه وكالي.
_يلة بابا انتي الف واحد يتمناج فدوه الج وهذا ابن عمتج محمد يحبج ورايدج ويتمناج تمني ثلاث مرات حاجاني عليج كلساع خطية داز اخو مصطفى .
تفاجئت وكلتله .
_منو بابا صدك تحجي.
_اي بابا الولد مشتريج ورايدج احسن ماترجعين بالذله وي واحد مايريدج ...وفضل مره ثانيه عليج.
_اني بس علمود بنتي.
_بكيفج ماجبرج ترجعيله على شريجه
مو تجين متعاركه ترى بعد مالي غرض بيج تتحملين نتائج قرارج هذا .
عفت بابا وطبيت للغرفه واني شايلة جبل من هموم فوك راسي نصدمت صدمه عمري باياد طلع كل حبه وهم صدك زلم خاينين هيج بسرعه نساني اااخ ياكلبي ولك شكد بجيت عليك وهاي مجازاتي ماحبك ماريدك كمت ابجي واعاتب بيه عبالك كدامي
وبعدين ضليت افكر شلون ارجع وحايره يعني من سابع المستحيلات ارجع وهو مرته عنده وصعب اعوف بنيتي هم شلون ياربي ارجع واعيش بضيم
شرايج ومشاكل واموت راح اذا شفت وحده يمه كل عذابي يهون ولا اشوفه وي غيري بقيت ساعه ونص افكر افكر حسيت عقلي راد ينفجر من تفكير جهه
بنتي ومن جهه اخرى بحبي الة كلشي يهون بس الخيانه لا ما أتحملها عقلي للحظه توقف حسيت ألافكار بدت تاكل مخي اكل ردت اشرد اهج اريد
ارتاح ماكدر اتخيل غيري وياة وخليت وطلعت من غرفه واني عازمه ان اضع حد وانتقم من كلامه الغضب عماني ولازم اردلة صاع صاعين خاني وزوج ونوب يخليني خدامه لا هواي تماديت جزاتي هيج رحت الى ابويه واني مقررة
وخذت قرار مااندم علي بيوم وطول حياتي.
أنت تقرأ
متىَ ألقاكِ
ChickLitدعواتي أن تكون لي لا ارغب بشيئ اخر سوى أن افتح عيني وأراك بجانبي لا يهم كم سوف نبقى الاهم ان أكون بجانبك حتى لو ليوما ً واحد
