متىَ ألقاكِ

١٣

ثاني يوم.كعدنا متأخرين صادفت عطلة وتركينا على سريع ونظفت بيت بس بت عمي صعدت
شفته من شافت زوجها صعد لغرفتهم بعد ما كان هاجرها  مرت ساعتين وصارت ساعه ب١١ الصبح
واحنا كاعدين بلصالة

ونسمعهم تعاركو بيناتهم وشفناه نزل يركض ويصيح.

_ليوم ما اضل بلبيت تردونه صار وخلوها هية هنا واني طالع .

كان معصب حيل وركض  طفر السياج وشرد.

عمتي  وهي  شافته شرد وهي تخبلت
طبعا هي كلش حريصه على  ولدها وتخاف عليهم بشكل مو طبيعي

ضلت عمتي صيح على بت عمي  راحت وشمرت حركتهه بالبنيه وكللها.
_ولج شردتي الولد ابني هج من بيت من وراج شسويلته يا مفلوكه .
بجت بت عمي وكالت.

_عمه ما مسويتلة شي وهو وحده مدري شبي.

صاحت بيه

_ولج انتي مامريحته ومامداريته مو هاي بنت عمج وياج شحلاته وي رجلها وحتى من يتعاركون هي وزوجه بغرفتهم ماندري بيهم يتراضون وحدهم.

اني استحيت كدام حمويني وهية ردت على عمتي.

_عمه والله ما ماذيته بشي وشيريد اسويلة بس هو مدري شبيه من يوم زوجنا ولهسه شاد وياي مو كان بلخطبه زين وياي شغيرة هسه.

_كلي روحج أنتي الولد جان شلوناتها سويتيلة وخليتي يهج من بيت صايرة فقيرة كدامنا وهناك تصعدين وتبزينه بلحجي وتخلينه يهج هججتي من غرفه سوده علية مو مثل زلم ولا تهنى بعرسه وهسة هج من بيت .

_عمه اني بيش احلفلج تردين اني ممسويتلة شي ابنج خبلني هنا زين يمكم ومن يصعد يسودن عليه.

ردت عليه وهيه ترجف عمتي عوزها ما تلزمها تكتلها .

_ولج ابني مسودن ولج نوب فوك سوايتج طلعتي مسودن.

اني كمت ارجف اخاف كلت هسة عمتي تكتل بت عمي واني أصير ويامن وافزع المن.

بعدين صاحت.

_يلا خابرو ابوها خل يجي ياخذهه.

وضلت تحجي  وذبت غضبهه بالبنيه

شال تليفونه حماي وأسمعه يخابر بعمي.

_السلام عليكم ابو نور
جوابه عمي .

_الله يسلمك بخير ماتمر علينا تجي تاخذ زهراء.
.... جاوبه.

_لا ان شاء الله  خير ماكو شي تعال نتفاهم بلبيت.

_اي اي هلابيك يلة ثيما الله....

وسد تليفون عم الهدوى للحظات الكل يباوع بترقب الى عمتي والى حماي الي خابر ومنتظرين جوابه قطع الصمت صوت عمتي وهية اسئلة.

_ها شكالك.

_كال هسة يجي .
رجعت تكمل ما بدت بيه وحجت.

_اي بزعتي الولد الله لا ينطيج  ماخليتي تهنى بشهر عسل الله لايهنيج .
بت عمي سكتت وبس تبجي كامت  ورة لحظات اندكت الباب وراح اياد واخوة استقبلُ  ودخل للستقبال كعد وانجمعنا إحنا.