خطيت اول خطواتي للبيت ودخلت نقفص كلبي هنا آخر محاولة إلي لو اكدر لو ما اكدر هنا كلة مجتمعه وتريد تعرف، دك كلبي بسرعه مثل طبل بخوف ورفعت راسي للسماء ودعيت.
_يارب نجيني أيد وحده ما تكدر و كوم تعاونو ما ذلو وانا وحيده وداخلة هسة عليهم وكلها ضدي يارب كون سندي بس انتَ وياي يارب محد يسندني ساعدني كلة ضدي يارب يارب يارب....
المهم دخلت ومشيت وصلت للباب دخلت جوة وبابا كدامي سلم باوعت تفاجئت انُ اكو شيخ جوارينا
وجوارين أياد كاعد يتوسط الإستقبال باوعت بت عمي
هم كاعده ويمها ابوها كعد أبويه وكعدت بجانبه اني
وسئل شيخ بت عمي كالها احجي عمي اني اسمعج وباوعلي كالي انتي هم احجي وخل نعرف شنو قصه.
هزيت راسي بأي وبدت بت عمي تحجي واني اسمعها نص كلامها صحيح الي حجته.
زهرة
_اني ما عندي شي وياهم بس هو اذاني حيل ويذل بيه بلعت ريكها وحجت بعبره.
حجي اسمع اشكال منه ومن اهلة ومتحملة وساكته وكلشي أسوي ما راضي وبس يصيح ويتجاوز ويغلط ويسب وكدام العيال يهيني وما يحترمني اقل شي وعاط بيه كدام اهلة ونسون الحمه وضل يصيح ويغلط كرهني بعيشتي حاربني هو واهلة وامه اصعد يمه فوك يعاركني وينزل يشكي يم اهلة واني مابيه اي صوج خادمته وقايمه بواجبه، كلشي حاظر يلكاه من يجي وامه هم نفسه كلشي الأسوي ما راضيه ونهار كلة اشتغل وماعاجبه وبس يصيح وامه جانت بلخطبه تكول ادللجن ومن هل حجي
لا ورة زواج حيل تغيرت امه ورة زواج كانت بلخطبه زينه ونصدمت بيها وهاي بت عمي وسئلوها خطية حتى لبيت اهلها ماتخلية تروح واذا رت تروح توز ابنها ويعاركها ..
اني بسرعه حجيت بندفاع.
_لا عمي ماكو هيج حجي اهلي كل سبوع لو تلث ايام اني يمهم رجلي ياخذني حتى امي من تمرضت يجي يبات يمنا ...
كالت بت عمي.
_اي هاي بلبدايه بس بعدين عمتي تغيرت وكامت ماتقبل ترحين ومن يجون اخوتج من الباب تطردهم ومن يبجبون الج شي تلزمه تفتشه يلة تدزة الج ومن غير شغل الي كلة عليج نهار كلة تشتغلين واكفه وكفه اني وياج ومحد يكول خطيه يتعبن، نسوان حمه ذنيج كاعدات واحنا خدمات سوّنه ، نكعد من ٧ صبح لحد ماصير ساعه ب٩ بليل يالة نصعد للغرف ومن اصعد تعبانه ابنها يتلاكه وياي بلغط ورزايل ويضرب بيه.
_اني عكسج رجلي يدافعلي وجان يوصي بأمه عليه واشتغل صح هو شغل لبيت الي كنت اشتغلة يم اهلي وما أتعب لان اخته تساعدني التفت للشيخ وكتلة.
_عمو والله مرتاحه كنت واخته حتى ملابس رجلي ترتبهن وياي وكلهم عيالي يحبوني ومكيفين بيه اني مالي شغل لا تخبطوني وياها.
شيخ احتار بيناتنا وكعد يستمع بت عمي نص الحجي الي حجته صحيح كامت تحجي عليهم واني ادافع عنهم وعلت الأصوات بيناتنا واحتارو من كلامنا
أنت تقرأ
متىَ ألقاكِ
Chick-Litدعواتي أن تكون لي لا ارغب بشيئ اخر سوى أن افتح عيني وأراك بجانبي لا يهم كم سوف نبقى الاهم ان أكون بجانبك حتى لو ليوما ً واحد
