صعد ليفوك يجيب رشاشه يضرب عمي بلباب كامت امه تدك وتلطم وتملخ بروحها اني خفت وكمت
ارجف وفقدت بهاي ساعه مادريت بروحي كمت اعيط بخوف واصيح
_ اياد الله يخليك لا تسوينا مشكلة عوف السلاح اياد اذا متت وين اروح اني .
وكمت ابجي وصعدت وراة مادري شلون
صعدت الة ولزمته من ايده واجر بيه وهو مايقبل
_ريان وخري من طريقي خل أعرف اتصرف.
جريته وكفت كبالة وكتلة
_تعال خل احجي وياك اني ادخل للغرفه
ضل ينافخ بعصبيه وصاح بيه.
_أجيت شتردين .
ودخل للغرفه مالتنه وسديت الباب اني .
وكفت كبالة ولازمه اديه بثنين إديه بكل قوتي اريد احكم سيطرتي علية خاف ينزل مايقتنع بكلامي كتلة بخوف واني مرتبكه وافكر يعوف ايدي وينزل يسوينه كارثه.
_شبيك ليش سوي هيج مابيناتنا شي اني وياك انت تشكي مني من شي .
باوع بعيوني وحسيته شوي هدى وكالي.
_لا ابد ماعندي شي وياج وأحنا بعدين ستونه مزوجين وحتى لو اكو اغلاط نتفادها اني وياج .
ارتاحيت من جوابه وكتله.
_اني علية والله احبك واموت عليك وماعوفك لو يوم يبقى واحد بحياتي ماعرف شلون راح اروح بس خليني اروح يوم واحد بس هل ليلة واني باجر جايتك.
ضل يدور براسه ومتوتر اعرف بيه مايريدني اروح.
_ واذا خبطونه سوة وخلونه بنص منو راح يرجعج الي واذا زادت مشاكل وطلايب و لفتنه وياهم شلون بهل حالة شسوي اني،
سحب نفس ومخنوك كان يحجي كوة وكمل.
-اذا اخذوج وعصو بيج و ما يرجعونج الي وجبرونا نطلك.
مثل كهرباء وسرت بجسمي أحس هاي كلمه جبل وصارت فوكي وسحقتني وجاوبته بأمل فقط اريد احمي من مشاكل
_لا ماكو هيج شي ان شاء الله ليلة وحده اروح وباجر اجي حباب لاصير مشاكل وطلايب وهاي خليني أطلع.
صفن بوجهي بنظرات حزن وسكت بقى بس يباوع ويفكر ومحتار اندكت الباب حماتي وكالت.
_ريان عمج دز تليفون الج هذا ابوج خابرج.
فتحت الباب بسرعه واخذت التليفون واني اكول اخر امل هذا ابويه أكيد مايكسر بيه خليته على اذني وكتلة.
_الو ها بابا شلونك
_هلا بابا الحمد الله انتي شلونج .
_الحمد الله زينه .
_بابا روحي يم اخوانج واني باجر صبح جاي.
حجاها بصيغه أمر نقبض كلبي وكتلة بتسائل وحيرة متملكتني .
أنت تقرأ
متىَ ألقاكِ
Chick-Litدعواتي أن تكون لي لا ارغب بشيئ اخر سوى أن افتح عيني وأراك بجانبي لا يهم كم سوف نبقى الاهم ان أكون بجانبك حتى لو ليوما ً واحد
