شع بريق الأمل امامي واخيراً كمت من مكاني وبفرح وترقب وكلت لخالتي الي هية اخت امي ومرت عمي كبير.
_عمه اني صالي اسبوع ما جايتني.
صفنت بوجهي وجهها تكوم بنزعاج وكالت.
_خاف خربطه لأن استوج مزوجه عادي .
_لا اني اول ما زوجت بيام كملت منها وأجتني موعدها وهسة ألم مستمر بظهري بس ماكو شي.
_الله كريم اني اخذج واحللج.
_اي نروح ليوم العصر.
_لا شعدج مستعجلة خلية يوم يومين.
ردت بس اقنعها حتى أحلل وبلكت حامل وما اطلك .
_عمه مو خاف يطلكوني واني حامل مايصير.
_اي عود اني اكللهم.....
ورة لحظات اجتي امي وكعدت ويانا هم وكالت.
_اجه شيخ مساعه للبيت ويكول زغير مايقبل يطلك يكول ماعندي شي وياها مرتي أريدها.
أني سمعت هيج وكلبي هتف بفرح وكلت لاحت بوادر الحض واخيراً رجع يساندني من جديد كتلها .
_وعمي شكال من سمع.
_عمج هم رجع عصب وضل يحجي يكلة غصبن علية يطلكوها خل يطلكون لا نكتلهم ونلعب بيهم لعب وصير مشاكل وطلايب.
ودز عليهم ناس على عمامهم.
ذبيت حسرة بانكسار وكتلها.
_وشكالو لعمامهم.
_هو كلهم خل يطلكون لا صير طلايب خل يتكفون الشر لا صير مشاكل وكرايبهم رايح الهم وصاير الحجي وكالهم ورجلج هم ما قابل وكايم يصيح و احنا مابيناتنا شي اني ومرتي ليش طلكونا
وكايم علية واحد من اخوته مرزلة كدام الشيخ وهذا ابن عمهم.
_كايلة ماتستحي جاي اكولك هي عافتك فكنا من هذا الحجي هي عافتك اكو وحده تعوف رجلها اكو وحده يضغطون عليها .
ضجت حيل من كلام اخوة مايدري اني شني بيه وشنو بوقتها الامر بيه أريد اموت ومايدري هو شنو صار بيه واخاف من ابويه لا اكدر اشرد واروح الهم اخاف كلش من ابوي ولا اكدر اوصل اله خبر بيد احد وكل هذا ويلوموني شبيدي بعد وشسوي حتى ادافع عن حبي وكلها ضدي اخ يا رب ضاقت بيه ساعدني.
باوعت الى امي وكتلها بتوسل.
_يمه ماريد اطلك اني اريد رجلي مابيناتنا شي ليش يخبطونه وياهم كليلة ماتتطلك ريان...
وبهاي الأثناء دخل عمي زغير وسمع اخر كلامي وكالي.
_انتي ضالة دافعين الة لعد هو شبيه مايدافع الج جاي اكلج احنا شفنا هو جاي يركض على معاملة الطلاك.
_لاعمي مستحيل جوز معاملة اخوة مامعقولة يطلك يريد.
_استغفر الله عمي انتي اسكتي ماتعرفين مصلحتج ملينا منج جاي نحجي ونعلم وانتي هذا عقلج ما تفكرين بيه اسكتي وخلينا احنا نقرر.
أنت تقرأ
متىَ ألقاكِ
Literatura Femininaدعواتي أن تكون لي لا ارغب بشيئ اخر سوى أن افتح عيني وأراك بجانبي لا يهم كم سوف نبقى الاهم ان أكون بجانبك حتى لو ليوما ً واحد
