كان صعب علية ان يحرم أُم من ضناها فكيف اذا كانت هاي ألام بنته ومثل خوفه عليها أكيد هي تخاف على بنتها طلع من بيت وهو حاير شيسوي صح بنته اسرعت بقرارها لكن مايكدر يمشي بكلامها لذالك غير وجهته واخذ سيارة وراح الى بيت بنت أخوة الي هي أخت زهرة الكبيرة كانت تسكن بنفس المنطقه لكن بفرع أخر وصل لبيتهم وسلم عليه وكالها وهو متحير.
_عمي هاي بت ريان خلية يمج ليوم هاي امها مدري شجاها تريد تطيها الى اهلها واني أخاف علية لا يصير بيه شي أعرفها ما تتحمل خلية يمج وخل ارجع واكلها وديتها واشوف ردت فعلها خل اختبرها تتحمل لولا.
أخذتها من ايده وتبوس بيه وكالت.
_ياا سوده علية خطية شلون تكدر تطيها خلي يمي .
_شسوي بعد ابوها يريد ياخذها خل تطيها هسة احسن ليش تتعلق بيها وهي نهايتها معروفه.
_الله كريم .
ودعها وطلع من بيت وراح يشوف باب رزقه..
اما سارة بقت تباوع بوجه ام سجاد الي هي بت عمها وتبرطم وتبجي وترجع تباوع بلبيت وتبحث بعيونهَ عن امها لعلها تمر من كدامها وتردد هاي كلمات بأنكسار ....
_مااا ماممممم ... وترجع تبجي بقت مده ثلاث ساعات هية تبحث بلمكان عن امها والنعاس تغلب عليها تغمض عيونه وتبحث بحظن ام سجاد عن ريحه امها وماتلكاها وترجع تبجي بتعب وتباوع بعيونها وتشكيلها بدموعها كسرت خاطرها وضلت خالته بحظنها وتبجي على بجيه هاي طفلة الي تنزل دموعها برائة وتطلب بانكسار ومو راضيه تستلم ورة لحظات دخل جدها وصاح.
_ام سجاد هنا وين.
طلعت تركض اله وكالت.
_هلاعمي تفضل تفضل .
ودخلته للصالة وحجت بقهر.
_سوده علية تبجي تريد امها تحط راسه بحظني تدور على ريحتها وترجع تبجي كسرت خاطري وديها عمي خطية.
اخذها لحظنه وباسها وذب حسرة بألم وكالها.
_خابروني عمتج كالت تعال الها الحك بنتك تسودنت تركض بشارع على بتها ومحد يكضها تعال الها الحكها واجيت اخذها هاي ادري بيها ماتتحمل .
_ياا خطية خل اجي وياك عمي .
ركضت لبست عباتها وصعدت وي عمها ورة لحظات دخل أبوها
للبيت وانطاها بيد اخته ام محمد ودخلت بيها للغرفه .
كنت كاعده وابجي ومحروك كلبي علية وشوي ودخلت عمتي وشايلة أسو بقيت صافنه ممصدكه مصدومه ياربي المن رجعتي يمه معقولة مايردوج اهلج صحيت من صفنتي على صوتها وابتسامته رغم تعبها والنعاس كان مسيطر عليها لكن فرحتها وعيونها شلون فرحانه من شافتني وابتهجت نستني حزني ركضت الة وكفت يمه وهي ذبت اديه علية عود شيليني وصاحت.
أنت تقرأ
متىَ ألقاكِ
ChickLitدعواتي أن تكون لي لا ارغب بشيئ اخر سوى أن افتح عيني وأراك بجانبي لا يهم كم سوف نبقى الاهم ان أكون بجانبك حتى لو ليوما ً واحد
