Spoken poetry entitled "Ulan at Isipan"
Minsan
Isang umaga
Nagising ako dahil sa ulan
Saglit na natulala sa kawalan
Walang ibang naririnig ang tenga ko
Kundi ang bawat mga patak nito
Pinagmasdan ang ulan
Alam kong sa puntong ito, binabalot na naman ako ng kalungkutan
Marami na namang naglalaro sa aking isipan
Walang tigilan
Walang katapusan
Heto na naman
Hanggang kailan?
Hanggang saan?
Wala ng patutunguhan.
Minsan
Gusto ko na lang talagang balikan ang nakaraan
Kung pwede lang pumili na doon manatili.
Mga panahon na hindi pa bukas ang aking mga mata
Para makita ang tunay na problema
Mga panahon na ang lahat ay umaayon pa sa sitwasyon
Mga panahon na wala pang ibang nararamdaman
Kundi purong kasiyahan
Gusto ko na lang bumalik sa dati
Sa dating mundo na kinagisnan ko
Sa dating sitwasyon na kinabibilangan ko
Sa dating ako
Gusto ko na lang bumalik sa kung anong meron noon
Noon na tanging laro lamang ang problema
Ngayon na ako na mismo ang problema
Noon na puro tawa at ngiti sa labi
Ngayon na tila wala ng rason
Pero paano ko nga ba magagawang harapin ang kung anong meron ngayon
Kung patuloy ko pa ring nililingon ang kung anong meron noon.
Paano ako makakausad at magagawang lumisan
Kung hindi ko man lang magawan ng paraan para makaalis sa kinatatayuan?
At paano ko mabubuklat ang panibagong pahina
Kung pawing mga luma lamang ang aking nakikita?
Kung sa isip ko'y matagal nang tapos ang storya.
Tumigil man ang pagpatak ng ulan
Pero hindi ang aking isipan
Hanggang kailan?
Hanggang saan?
Wala ng patutunguhan.
...
Gaano man kabuti ang sitwasyon noon
Huwag mo sanang hayaan na bulagin ka nito
Para hindi mo makita ang mahahalagang bagay na meron ka ngayon
Dahil sa buhay,
Hindi mo kailangang manatili sa nakaraan
Para lang maramdaman ang kasiyahan
Dahil ang tunay na kasiyahan
Nadadala kahit nasaan ka man
Wala sa panahon at sitwasyon
Kundi nasa pusong mismong nakakaramdam
Ang problema at parang ulan
Minsan, mababasa ka talaga
At minsan, magkakasakit ka pa
Kaya dapat matuto ka
Parang ulan
Minsan wala, at minsan nandiyan
Kaya nga dapat mong paghandaan
Dapat mong matutunan
Dahil kagaya ng ulan
Ang problema ay lumilipas
At sa oras na ito'y tuluyang lumipas
Magiging handa ka na ulit para harapin ang bukas
BINABASA MO ANG
Spoken poetry
ŞiirCompilation of poems made by the author himself. Majority are in tagalog words, but please do expect that some would be in english. These are my original thoughts, so do not copy. Enjoy reading, vote and comments! = )
