"كلو لي خير " 💙

الجزء الرابع

حلقه 4
*كلو لي خييير* 💜
بقلمي انا : اسراء حسين

صوت حبوبه وهي بتقح  شديد وبتئن وظاهر من صوتها التعب جرينا الاتنين دخلنا الغرفه نلقى ليك خالتو اعتماد بتبكي وماسكاها وحبوبه بتحاول تتكلم وتوصي💔.. خالو عصام بي خلعه قال ليها امي مالك 💔😰 اعتماد امي مالا في شنو قومي لبسيها ارح المستشفى لي ما ضربتي لي ياخ💔 .. حبوبه قالت ليهو بي لسااان تقيل ما في داعي المستشفى ي ولدي انا خلاص ماشه لي ربي ولي الناس البحبهم .. خالو عصام ودموعو نزلت امي لا ما تقولي كدا انتي كويسه بس اعتماد طلعوها قدر ما ادور العربيه .. خالو طلع كدا ودور العربيه وفجاءه حبوبه رفعت اصبعها وبقت تقول  الشهاده قالتها مرتين المره التالته لسانها تقل شديد وما تمتها  💔 😭 انا غمضت ليها عيونها وتميت ليها شهادتها وحضتنها شدييييييد وغطيتها وبقيت اقول الحمد لله ودموعي ما عاوزه تقيف من البكى بس قويه قلبي شدييييييد عشان اقدر اصبر خالتو 💔😪 ..خالتو اعتماد اصلا كانت بتبكي وغمضت عيونها شديد وبقت تصرخ بي طريقه هستيريه 💔 وخالو عصام ااتخلع وجى جاري وجى حضن حبوبه وهو ببكي وبقول ليها امي لا 😭💔 ونزل لي رجلينها برضو باسها وبقى يبكي ويقول لا وبصرخ برضو 😭 انا كان اول مره اشوف خالو بالمنظر دا 😭💔القوه ال عندي فجاءه راحت ودموعي نزلوو مطر وبقيت ما عارفه اتصرف 😭💔 طلعت الشارع عشان اكلم زول لقيت ابراهيم وقف العربيه جنب بيتنا وعاوز ينزل لانو سمع صوت صريخ  اول ما شفتو قلت لي ابراهيم حبوبه ي ابراهيم ما قال لي شيء خالص جرى  دخل جوه وبقى يصبر في خالو عصام ودموعو شويه وتنزل وانا حاضنه خالتو اعتماد .. وشويه والناس بقت تجي وناس ماما جو   واغمى عليها وما فاقت الا بعد رفعو الجنازه ولما فاقت ولقتها شالوها تعبت اكتر 😭💔 كان يوم كععب شديد 😭💔 وخالودا ما مركز وما واعي لي شيء 😭💔 ال كان واقف وقفه رجال ابراهيم والله لحد ما رفعو الفراش الولد دا ما قصر  معانا وما عشاني 💔😪 عشان هو اصلا معروف في الحله زول حاره  وانا بقيت احترمو شديد 💗😪 .. لحد ما عملنا كرامه السبعه يوم الجمعه برضو ابراهيم كان واقف من الصباح وما قصر ..😪💗طبعا ما مشيت المدرسه  عشان  البكى  وكنت تعبااانه💔 وبعد اسبوع كان عندنا امتحانات وخالو عصام اصر علي انزل الاحد وفعلا نزلت ولقيت ابرار وسندس وطوالي قعدو يشرحو لي الفاتني كلو 💗😪 وأدوني الخص منهم .. الله يخليهم لي ما قصرو حتى البكى جوني 💗😪 رجعت البيت وكنت حاسه نفسي تعبااانه  شديد نمت بي ملابسي  طوالي نومه واحده ما صحيت الا مع صلاه  العشاء لقيت ماما  قلت ليهم حرام عليكي لي ما صحيتوني 💔 ماما قالت لي والله شويه وكنت عاوزه انادي خالك عشان نوديك الدكتور لانو انا من قبل المغرب بمشي وبجي بصحيك وانتي تقول ميته 😑.. قلت ليها تعبانه ي ماما جسمي كلو بيوجعني .. قالت لي الشغل الكتير وانتي براك دمك كعب وطبعا ما قاعده تتاكلي لما تكوني شغاله وتعبانه بعرفك💔😪..(طبعا انا دمي كعب شديد طبيعي نازل والسهر وعدم الاكل بتعبوني شديييد) قلت ليها .. باكل ي ماما هسه بقوم بستحم وباكل لي شيء وبنوم 💔😪.. قالت لي طيب انحنا حنرجع بس عصام يجي من الجامع ويوديني.. قلت ليها ماما عليك الله اقعدو شويه .. قالت لي مافي طريقه ي اسراء كن علي اقعد بس اخواتك والمدرسة وأحمد هسه بكون فاكي فوضه انتي براك عارفاهو 💔😪.. قلت ليها طيب الله معاكم حشتاق ليكم بس.. قالت لي وانا كمان حشتاق ليك وخلي بالك من نفسك ومن اعتماد والجمعه الجايه ما تجي خليك معاها طيب .. قلت ليها طيب وقامت مني وانا شلت غياري خشيت استحميت وطلعت صليت العصر والمغرب  والعشاء كلهم مع بعض لما خلصت وطلعت من الغرفه لقيتهم مشو ..😪💔 مشيت اطمن على خالتو اعتماد لقيتها نايمه غتيتها وطلعت 😪💗جيت غسلت ملابس المدرسه قلت اكل لاني بس على شاي الصباح بس كسسلت اسخن الاكل واختو وبتاع  خليتو ومشيت نمتتت نومه واحده ما صحيت الا الصباح مخلوعه متاخره خالتو ما صحتني وما بلومها لانو ليها كم يوم كمان ما نامت يدوب نامت كويس شكلها 💔😪 كويت بسرعه وبدون شاي جري على المدرسه لقيت الطابور بدء وانتهى💔😭 المشرفه  ضربتني وجاطت فيني عكننت علي يومي بي كلوو وحردت الاكل لحد ما رجعت البيت استحميت وصليت وتاني اتجدعت نمتتت صحتني خالتو لي العصر صليت وختيت الغداء عشان هي تاكل    وقعدت  اكل  براحه وبدون نفس معاها عشان اشجعها لما انا وصلت نص العيشه هي شبعت وقامت وانا طوالي رفعت الاكل وخشيت الاوضه قعدت اقراء .. 💗😪

                          ٠٠٠ اليوم التاني برضو قمت متاخر بس ما شديد كنت تعبانه شديد  .. في حاجه كانت بتقول لي ما امشي المدرسه بس قاومت عشان الامتحانات 💔😪 مشيت المدرسه خلصت دوامي وجايه راجعه وانا حاسه بي راسي حيطق من الالم 💔😪 وجسمي كل شويه ماشي يبقى تقيل وما قادره اركب ركشه لاني بخاف براي .. لما قطعت الزلط وحصلت حلتنا بقيت ما حاسه بي جسمي خالص والواطه ضلممت بي .. لما فتحت عيوني لقيت نفسي في المستشفى وفي ماما وخالو وابراهيم😪💗 .. قلت ليهم في شنو هي😥 ولي مركبين لي دربب مش عارفني بكرهو ي ماما 😭😭 .. ماما  قالت لي حمد لله على سلامتك اول 💔😪 فضل شويه ويخلص حبيبتي استحملي.. خالو عصام قال لي شابكاني اكل اكل وانتي هاملهة نفسك كدا لي درجه تفقدي ي سرو زعلتيني منك 💔😒.. ابراهيم قال لي حمد لله على سلامتك وهو يعاين لي جوه عيوني 😭لما اتوترت .. قلت لي الله يسلمك .. ماما قالت لي ابراهيم انت بعد دا خلاص ارجع ما قصرت والله جبتها واتصلت لينا ولحد ما خلصت الدربين وخشت في التالت  وفتحت انت معانا بعد دا ارجع .. قال ليها ما عملت شيء دا واجب وهو ما عاوز يشيل عينو مني وكان ظاهر في عيونو خوفو علي وانا من كلام ماما فهمت طوالي انو انا أغمى علي وهو الجابني المستشفى وجاتني خجله كدا مجرد تفكيري انو هو الشالني😂💗😁.. خالو عصام كمان قال لي امشي انت خلاص وطبعا هو كن علي ما عاوز يمشي بس هم زنو ليهو .. ياه مالكم خلو يقعد انا كدا مرتاحه 🙈 سمع كلامهم ومشى 😑💔 وانا كملت الدرب حقي وشالو لي اورنيك عشان خالو عصام يشيل لي اذن من المدرسه ما امشي تاني الا يوم الاحد عشان الامتحان  وقال لي امشي مع ماما عشان ارتاح شويه وبجي بسوقني يوم السبت💗 .. كنت فرحانه وفي نفس الوقت ما كنت عايزه اخليهم براهم وكنت بقول يعني دا كلو ما حشوف ابراهيم 😪 تاني بقول هي انا مالي ومالو تاني برجع بفكر فيهو 💔😂 ..

التلات الأربع الخميس الجمعه مشو بي ببططط شديد مع القرايه وضغط ماما ودلعها في نفس الوقت والاكل ال بلغصب  والعصائر  وتفكيري في ابراهيم 😪💔😁 وجى يوم السبت وخالو جاني وكان مبسوط ياخ انو حرجع لانو البيت بقى ليهم فاضي ما بتقعد بدون حبوبه وبدوني💔رجعنا واول مره خالتو اعتماد تحضني بالشوق واللههفه دي 😪💔😰 قلت ليها تاني ما بمشي منكم بعد الحب دا كلو اتونسا شويه وقالو لي انوم عشان الامتحان بكره اصحى بدري اراجع .. الصباح صحتني خالتو وراجعت شويه وكانت كاويه لي لبست طوالي وطلعت  ماشه كدا لقيت كلب 😒 غيرت الشارع ماشه كدا اشوف ليك عربيه ابراهيم مركونه جنب بيت كدا عرفت انو دا بيتهم قلت ياخ ي ريت لو يجي طالع 😰😪💗 بدون ما احس لقيت نفسي ببطيء في المشي 💗😂 ما طلع الثقيل لحد ما قطعت الزلط ومشيت شويه كدا لقيتو في وشيء والله لما قلبي عمل شححح😭💗انبسطط شديد قربت اجري علي واقول لي ياخ مشتاقه ليك .. جى علي  😪💗 قلت ليهو ..

يتببععع🐸