"كلو لي خير " 💙

الجزء الواحد والعشرون "والاخير"

حلقه 21
*كلو لي خييير*💜
بقلمي انا :اسراء حسين

بعد ربع ساعه كدا ابرار جات وكانت مخلوعه وخايفه شديد دخلت مباشره الاوضه وقفلتها عليهم .. انا الحته دي ضايقتني شديد طب ما انا كمان خايفه عليهو 😥💔 وهو هسه ما قال لي اطلعي ما عاوز زول  لي ما قال ليها هي .. طبعا قعدت كدا ساعه وحاجه ماشه وجايه جنب باب الغرفه وبزهج بقعد تاني بقوم ومتوووتره وهم مافي منهم صوت ابدااا .. لحد ما الباب فتح وطلع ابراهيم  وهو مبتسم وباسني فى رأسي وقال لي يلا  نطلع حبيبي 💜.. عاينت لي كدا 😏 قلت لي ما عاوزه اطلع  اي مكان .. قال لي ولا عشان خاطر بابا حبيبك .. قلت لي انت ي ابراهيم ما نصيح ولا شنو 🙄😑 خلاص بقى عندك انفصام في الشخصيه هسه مش طردتني وكمان لما جات ابرار خليتها تقعد معاك ساعتين 😶 .. ضحك لي ضحكه بالغصب كدا زي كانو جابرنو قال لي حبيبي بغار 😅 معليش بس في مشكله بسيطه واتحلت .. قلت لي ممكن اعرفها .. قال لي بوريك ليها بس ما هسه للاكن هسه نطلع عشان وعدتك يلا ارح⁦❤️⁩.. قلت لي طيب خلي ابرار تمشي معانا ما حلوه نطلع برانا مدام هي قاعده .. قال لي لا لا خليها تريح قالت مصدعه .. قلت لي طيب ورح 💜 .. طلعنا وكان بتونس وبهظر عادي بس كنت حاسه في حاجه شاغله 😅.. قال لي سرو .. قلت لي عيوني .. مسك يدي وقال لي ما حتخليني تاني صحح .. قلت لي ايواا اكيد ما ح اخليك .. قال لي اوعديني .. قلت لي وعد حبيبي 😥 مالك انت في شنو .. قال لي لا ابدا بس حكون مضغوط الفتره الجايه دي وعاوزك تكوني جنبي لأنك قووتي انتي عارفه .. قلت لي حتكون مضغوط في شنو بابا .. قال لي اا  اا  ااا فى الشغل وابرار امتحانها قرب يعني عاوزك تهتمي بالاولاد وتاخدي بالك منهم وحاولي ابعديها منهم عشان تاخد راحتها في الاوضه وتقدر تقراء  تمام اسف بس حنتعبك معانا 😥💔 .. قلت لي حبيبي تعب شنو هم عيالي كمااان 😻  وما صعبه علي امسكهم واطمن انا حتى بعد انزل شغلىي لو ابرار ممتحنه ح اخد اجازه .. قال لي يخليك لي ي ححلم حياتي انتي 💜 يلا نقوم نمشي .. قلت لي اول شيء وريني المشكلة  شنو ال خلتك قبيل تعصب كدااا 🙄.. قال لي ااا اممم مافي شيء حاجه بسيطه بس زعلت منها لأنها ما متعوده تكضب ولا تخبئ علي حاجه واكتشفت انها مخبيه عني حاجه .. قلت لي شنو .. قال لي لا بس نتيجتها حقت السمستر ال فات ما كانت حلوه وما كلمتني  لانو  بي سببي ما اشتغلت كويس لاني كنت مريض واهتمت بي اكتر من قرايتها  وكانت برضو مخبيه علي انو امتحانها قرب وهي بتفكر تجمد لأنها ما مستعده .. قلت لي اهااا م تشغل بالك ي بابا  انا ما ح أقصر معاها واهتم بالعيال  ( وانا بقول في سري ودا سبب يخليك تقعد القعده ال انت قاعدها قبيل دي وتعصب كدا وتتنافش معاها ساعتين 🙄 بس قلت العني الشيطان ي اسراء احتمال بالجد) .. قال لي ما بتقصري حبيبي يلا نرجع ..💜 رجعنا وبليل منو وعاوزين ننوم وانا خاته راسي في حضنو  قال لي سرويتي انا بكره ح اكون مع ابرار طيب حكون معاها يومين ومعاك يومين .. رفعت رأسي وقلت لي ليييه 😢 مش ابرار قالت ما عندها مشكله .. قال لي اي بس عشان اذا احتاجتني في حاجه وهي بتراجع ولا عاوزاني اساعدها في شيء اكون جنبها لانو ما قاعده تقصر معاي في شيء  لازم اساعدها .. قلت لي وانا منزله رأسي على حضنو  امممم طيب وانا حموت من الغيظ 😭 .. قال لي نومي حبيبي يلا .. غمضت عيوني لحد ما شالتني نومه بليل كدا جاتني صحيه لقيتو جنبي مافي قلت بكون في الحمام بس اتاااخر 😢 خفتت قمت اشوفو وين فتحت باب الاوضه كدا لقيتو في السلم طالع .. قلت لي ابراهيم مالك جاي من وين .. قال لي اااا مشيت اشرب مويه .. قلت لي مويه ؟؟ بس انا خاته مويه جوه لانو عارفاك بتصحى وبعدين اتاخرت شديد 🙄 .. قال لي كنت عاوز مويه بارده 😅 وحسيت بي حركه في اوضه ابرار قلت اشوفها لي لسه صاحيه لقيتها بتسعل شديد عندها زكام تقيل كدا اديتها فلتاب وجيت 😴💜 .. قلت لي اممممممم طيب طيب خلينا نخش 🙂 خشينا وحضني  تاني ونمتتت 💜 .. صحيت الصباح ابراهيم ماشي على الشغل وساق معاهو ابرار في طريقو   لي الجامعه .. وانا ظبطت عبد الرحمن عشان  يمشي الروضه ⁦💜 وقععدت العب مع حنين .. انا وهي والفلبينيه بس في البيت لحد ما رجع عبد الرحمن  من الروضه ⁦💜 اكلنا لينا حاجه ودخلتهم اوضتهم وقلت انومهم ما نامو لحد ما نمت انا خليتهم 😂💜 بس صحيت على ابراهيم ببوسني في جبيني 🙈💜 لما فتحت عيوني لقيتهم الاتنين نايمين جنبي 💜 وابراهيم واقف جنب رأسي لما شافني فتحت ابتسم لي وطلع قمت لحقتو  .. قلت لي بابا وين ماشي .. قال لي راجع الشغل حبيبي صحاك شنو كملي نومتك  .. قلت لي طيب جابك شنو لو الزمن بدري كدا انا قايله نفسي نمت كتييير .. قال لي  لا بس ابرار كانت في الجامعه والزكام تعبها حست بي صداع كدا وقالت اجي ارجعها البيت هسه جبتها ونايمه جوه .. قلت لي سلامتها ح اخش اشوفها .. قال لي لا لا نايمه قلت ليك خليها ترتاح وعبد الرحمن وحنين لما يصحو ما تخليهم يزعجوها تمام وباسني في رأسي وقال لي يلا حبيبي 😘 وطلع  .. طبعا انا بعد مشى بقيت اطنطن براي واقول النزله دي ي يمه اريتها تجيني انا عشان يهتم بي كدا 😑😏 هو صحي انا مالي ما بمرض .. فجاءه تظهر لي الفلبينيه ال للان ما حفظت اسمها دي 😑 قال لي ماما انت مجنون .. قلت ليها الجننن ال يركبك أن شاء الله شايفاني بنكش في شعري .. قال لي ماما كلم براهو .. قلت ليها اي انتي مالك ما تتحشري وامشي نضفي اوضه منذر والتؤام هسه بجو بعد دا .. قالت لي حاضر ماما .. رجعت غرفتي  استحميت واتوضيت صليت الظهر وقعدت احضر التلفزون شويه كدا مشيت اشوف  عبد الرحمن وحنين لقيتهم صحو عملت ليهم عصير وقعدت معاهم شويه بعدين نزلت ليهم لعبهم وقلت لي الفلبينيه تجي تقعد معاهم ومشيت غرفتي .. العصر اذن قلت هسه ابراهيم بجي اقوم استحم واتظبط  كدا لما يجي اخت لي الاكل 😻 ..فعلا قمت وظبطت نفسي شويه وسمعت صوت عربيه  عاينت بالبلكونه  لقيتو ابراهيمي 💜 قمت ظبطت تسريحتي تاني واتعطرت  وبقيت مستنيه يجيني .. استنينو اكتر من ساعتين 🙂 وأقسم ولا عبرني وحلفت ما أنزل الا يجي ياخي من الزعل لما جاتني حمه ما من عوايدو ياخ 😢😭 .. بعد شويه جى وفتح الباب وانا قاعده وعامله نفسي مركزه مع التلفزووون  قعد جنبي وباسني في رأسي وقال لي حبيبي كيفو .. قلت لي تماااااام .. قال لي مالو الجميل زعلان .. طبعا نهاي ما بعرف اكضب في مشاعري 😭 قلت لي اسمعني ي ابراهيم ما عشان اليله حتكون معاها لما ترجع من الشغل ما تجي تسلم لي 😭 هسه كدا صح ؟؟ .. قال لي ااسف والله اسف ما قايلك مستنياني .. قلت لي الا اكون مستنياك حتى تجي براك ما بتفقدني ولا بقيت ما بتشتاق لي 😭💔.. قال معليش حبيبي اسف ما تبكي ياخ الموضوع ما بستاهل بعدين  جيت حبيت اطمن على ابرار بس لانها كانت تعبانه لقيتها لسه نايمه صحيتها وخليتها تظبط امورها عشان كدا اتاخرت شويه .. قلت لي ابراهيم شويه شنو دي ساعتين عديل 😭 بعدين دي ما كانت نزله وامتحانات دي 😭💔  .. خت راسو في رجولي وانا قاعده وقال لي غيورتي يااخ اسف طيب خلاص حقعد معاك شفتي وما حطلع من حضنك لحد الساعه 10 ي كرهتيني ي كرهتيني اليله .. مسحت دموعي وقلت لي زاتتو ما عاوزاك يلا قوم مني 😏.. قال لي كدي قومي انتي ختي لي اكل عشان جعان وما عاوز اكل الا معاك انا 😻 .. ابتسمت يلا 🙈 فصلت يلاا 🙈 💜 .. جريت جري ختيت الاكل وجيت جبتو وقال لي ما عاوز اوسخ يديني قلت لي طيب ي سخيف باكلك انا واكلتو  وقعدنا نتونس ونضحك وشبعني حب  💜 وشويه كدا قال لي يلا انا نازل لاني تعبان عاوز انوم ارح انزلي معاي عشان تشوفي الشفع ديل وتنوميهم حاضر .. وانا عيوني شويه وتنزل دموع قلت لي حاضر ارحح .. نزلنا وهو دخل الاوضه وانا مشيت نومتهم ورجعت اوضتي وأقسم اليل كلو ببكي 😭💔 ياخ هو حقي براي تاني اقول حقي براي شنو هو انا اتزوجتو بي ولدو 😭 اصبر بس واتحمل تاني ما اقدر انوم اتعودت على حضنو 😭 .. غلبني الاعملو 😭 بتخيل انو يكون نايمه حضنو وخيالي المريض يجيب لي حجات ونهاااي ما عاوزني انوم لحد ما غفيت فجاءه 💜 صحيت الصباح .. مشيت غرفه عبد الرحمن وحنين صحيت عبودي وظبطو لي الروضه وقعدنا في عشان نشرب الشاي وفي منذر والتؤام وانا كنت مركزه على باب غرفه ابرار على أساس أنهم يطلعو هسه بطلعو ما طلعوا لحدد ما جى ترحيل عبووودي ومشى وكلهم طلعو .. وانا عاوزه اموت من الغيظ 😭 💔 بس قلت اخبط ليهم الباب بي حجه إبراهيم والشغل وكدا تاني قلت لا لا ياخ احسن اتصل لي لما اتصلت لي قال لي انا طلعت قبل ما تصحو ابرار كان عندها لاب وبدري شديد  عشان كدا صحينا بدري شديد .. قلت لي ايوا طيب لي ما كلمتني ولا بعت لي مسج لما اصحى اشوفو عشان اعرف .. قال لي معليش حبيبي .. قلت لي ما مشكله وقفلت في وشو 😭 حسيت نفسي مخنوقه ياه اتصلت لي سندس وقعدت احكي ليها وصبرتني شويه غايتو قالت لي ما تركزي كتير وما تنقني لي في الموضوع دا كتير واتذكري انو قال لي انو حيكون مضغوط ونبهكك 💜.. قلت ليها حاضر وقمت ياهو عملت نفس نظام امبارح بس  المره دي ابراهيم وابرار اتاخرو شدييييييد جو بعد المغرب 😴 لما سالتو قال كانت بتراجع في المكتبه وطبعا اليله برضو معاها 😴 قعد معاي   شويه وقال لي يلا ننزل عشان تنوميهم قلت لي تمام مشيت نومتهم وجيت كالعاده شلت الليل دا كلو براي ما عارفه نمت بتين اصلا صحاني عبد الرحمن قال لي خالتو سرو ما عاوزه تلبسيني اليله الترحيل قرب يجي 😢 .. قلت لي معليش حبيبي معليش انا نمت كتير كدا يعني وطيراااان ظبطت لي اموورو بس الترحيل فاتنى .. لما كلمت ابراهيم  اتخيلووو جاط فيني😭 وقال لي انو ما حيقدر يرجع عشان ييودي الروضه .. قلت لي عاين اصلا ما موضوع ياخي بودي انا بالعربيه قال لي لا وخلي اليوم دا يفوت عليهو وتكوني الذنب انتي 😲😲 طبعا قفلت في وشو قلت دا مالو دا حيجنني وأقسم 😲 وديت عبودي الروضه وجيت اصلوو ما اشتغلت بي .. قاعده كدا جات  ابرار لقتني قعدت تتونس معاي وكانت بتسعل كدا قلت ليها خشي ريحي طيب عشان تصحي تقري قالت لي تمام .. خشت وانا قعدت قعده واحده لحد ما جى عبودي ظبطت ليهم أمورهم ونومتهم  .. ونمت معاهم صحيت العصر كدا  ما قايله إبراهيم ما جى قلت امشي اشوف ابرار بقت كيف لانو قبيل كانت بتسعل شديد عرفتها بالجد تعبانه .. خبطت الباب مرتين ودخلت لقيت ابراهيم راقد وهي خاته رأسها في حضنو وغرقانين في النوم انا عاينت كدا بس غمضت عيوني شدييييييد ورجعت قفلت الباب وجريت اوضتي وبقيت بببكي بس وأبكي وشغاله اقول ما اصلا هي ما بتحبو قالت 😭 طيب دا شنو وحتى هو مش قالت انو كان بكون في حضنها عشان بتخيلني انا 😭 طيب ما اهو انا جيت وجنبو لي بعمل كدا .. تاني ارجع اقول ما هو اصلا طيب دي مرتو وهو حر يعمل العاوزو انا رضيت بي العيشه دي ومفروض اتحمل أي شيء  😭 ودموعي دي تنزل فجاءه دخل ولقاني ببكي جى علي وقال لي بسم الله عليك وحضني وبقى يقول لي في شنو قلت لي زح مني .. قال لي مالك قلت لي انت بتحبها؟؟ .. قال لي منو 😲 .. قلت لي حيكون منو يعني 😭 .. قال لي حبيبي عايني اسمعيني وختي الكلام دا في راسك وامشي عليهو لحد ما تموتي عمري ما حبيت غيرك ولا ح احححب .. قلت لي طيب رجعت لي البنقو تاني😭😭؟.. قال لي لا انتي مالك في شنو .. قلت لي انت مهتمي بي ابرار اكتر مني حتى وانت معاي بالك معاها انا لاحظت للحاجه دي 😭💔 .. قال لي روقي وقولي بسم الله وما ممكن كل يوم نقه في الموضوع دا انا وريتك انو هي محتاجه اهتمام الايامات دي وراحه عشان تتوفق صحح ؟؟  .. قلت لي ايوا .. قال لي وانا ما عاوز اقصر معاها بالجد لانو ما مقصره معاي في حاجه .. قلت في سري كل واحد فيكم عاوز يخدم التاني وبعمل لي حاجه تبسطو عشان ما قصر معاهو وانا الضحيه شكلي والضايعه في النص 😭💔 ..