"كلو لي خير " 💙

الجزء الثاني

حلقه 2
*كلو لي خير*💜
بقلمي انا : أسراء حسين

٠٠٠٠

ألقاها ليك سندس جااريه  انا لما شفتهاا جاريه كدا قلت بس خلاص سااكيها كللببب 🐸💔 لبست ليك شنطتي زي الناس وقلت بسسم الله وهاك ي الجريه تاني ما وقفت الا جوه المدرسه 🐸💔 وبعد 5 دقائق اظن حتى سندس لاحقاني جاريه 😂💔.. وهي قالت لي ي بنت مالك 😲 قلت ليها جاريه من الكلب 😭😭.. قالت لي كلب شنوو😲😲.. قلت ليها وانتي جاريه لي طيب 😭😭.. ال بنت فكت الضحكه 😂😂 قالت لي ي بنت كلب شنو انا عاوزه اسالك  من الولد الكان ماشي معاك القررض دا 🤤🤤 ياخ بس اوعى تقولي لي دا ال ملاحقك اسبوعين 😭💔.. طبعا انا قربت اقتلها   🙂 قلت ليها ي سندس لو رديت ليك هسه بخسرك للابد عشان كدا احسن اطير من خلقتك 🙂💔 بقيت ماشه وهي ماشه وراي وبتتجرجرني عشان اوريها دا هو ولا ما هو وانا لسه جسمي برجف  وما قادره استوعب اني كنت جاريه وخايفه من  الكلب المافي🐸🙂💔 ومشيت قعدت جنب ابرار ودي بتنقنق في رأسي وابرار بقت تسالنا في شنو مالكم 😂  ودي مالا نفسها قايم كدا 😂😂😂سككاك  كلب ناس  اواب ولا شنو 😂 ( طبعا كلب في الشارع الوراء الميدان عامل زي الذئب هو طبيعي مربوط لو هوهو ساي انا بجري مافي ولا يوم سكاني بس خيالي المريض بيوحي  لي انو ساكيني وبقول لي الناس ساكيني🐸)  ..قلت ليها لا 🙂 دي الحيوانه سندس وقفت قلبي 🙂.. سندس قالت ليها  بري والله ما سالتها جيت جاريه اسالها من العذاب المعاها دا وهي جرت😒🐸.. ابرار قالت ليها عذاب شنو ؟😲  قالت ليها ياخي ترحيلي خسر في الزلط جيت خاشه بي الحله شفت صحبتك معاها واحد وأقسم بالله عذاب 😭 طول ايه 😭ولا عضلات ايه 😭ولا شعر ايه😭 ولا لحيه ايه😭 ولا  عيون ايه😭 ولا العجب الحواجب وهي معقوده شكلها صحبتك المنقوليه دي زعلتو لانو صاااري 😭😭.. طبعا انا اتخلعت🐸قلت ليها سندس عليك الله انتي الحاجات دي شفتيها بتين 😲 وأقسم اسبوعين ماشي وراي ما عارفه غير انو طويل 🐸 .. قالت لي انتي اصلا زوله رافسه النعم😭😏.. ابرار قاطعنا قالت لينا على فكرا الحصه الاولى اختبار الكيمياء تمام اقعدو   اتهابلو كدا انا ماشه اراجع قبل الطابور🐸 .. قلت ليها سوقيني معاك خلي الهبله دي 😒.. سندس قالت اليله وووب الاختبار ناسيه والله 😭💔 .. ابرار قالت ليها كنتي بتعملي في شنو لما نسيتي😒 .. قالت  🐸كانت مخططه تقراء بعد تصلي الفجر بس ساهرت مع مصطفى لي الساعه ٣🐸💔وما قدرت تصحى 🐸💔واتذكرت يدوب 🙂.. طبعا سفهناهاا😒 .. شويه والطابور بداء وخلص ودخلنا الاختبار غايتو انا وابرار الحمد لله ما كان عندنا غلطه 💗 سندس اتعولقت في كم سؤال غايتو لأنها ما راجعت😏💔.. خلصنا دوامنا ورجعنا على البيت وكالعاده الروتين الممل 😏💔  بس خالو عصام لما رجع من صلاه العشاء قال لي ورح نطلععع قلت لي بس اليله ما الخميس🙄 قال لي الاربعاء خميس المفتحيين😉😂 .. قلت لي خالو ي معلمه 😂😂 ..قال لي خالك اكبر صايع كان ي بنت في الجامعه بس الشغل هداني😂 المهم قومي البسي واطلعي  وبحكي ليك الدرمات حقتي 😂 .. قلت لي طيب ورح ثواني واكون جاهزه..💗 خمسه دقائق ولبست عبايه خليجيه تححفه جايبها لي خالي القرض دا زاتو💗 وعملت فازلين وبقيت مآرقه🐸 طبعا ما بحب اجتهد خالص في اللبس والله وبحب لبس العبايات لأنها مريحه وما بتاخد وقت 🤐😂💔 طلعنا بالعربيه لسه ما طلعنا من الحله وقف جنب الدكان قال لي ثواني احول رصيد عشان تكلمي ناس ماما واجيب ليك مناديل قلت لي طيب 💗نزل كدا بعدها فتحت الشباك عاوزه اقول لي خالو عاوزه لبان 😁 ي ريتني ما فتحت🐸 اشوف ليك خالو واقف مع الولد ال م بغباني  ي جماعه🐸💔 واخر ونسه وضحكحاولت ما اركز كتير🐸 كلمتو بي اللبان ورجعت قفلت الشباك 🙄
وما عارفه  من بعدها بقيت ما اوك😪 المهم مشينا اتعشينا وأكلنا اسكريم واتونسنا وضحكنا قدرتنا ورجعنا🐸💔 الساعه ١٠ ونص وطبعا الخاله اعتماد بتحب الزول يلتزم بالقوانين🐸💔 وانا زمن نومي فات 🐸💔 نقنقت حبتين كدا بس خالو غمز لي نظام ما تركزي معاها وخشيت غيرت وياها النومه 😴💗 صحيت الصباح يوم خميس 😍💗  بكون مبسوطه لاني حمشي لي ناس ماما اشتقت لي اخواتي 😍😭 ولي احمد الكريه😂💗 المهم ظبطت اموري ومشيت على المدرسه وانا برضو عارفه نفسي حلاقي الاخو الثقيل🐸 مشيت قطعت الزلط ما شفتو🙄 بقيت ماشه كدا قلت هسه بظهر 😏 ما ظهر 😪 تاني بقيت اتلفت زي مروحه التربيزه 🐸💔بفتش ليهو ما عارفه ليه بس بفتش ليهو 😣 فجاءه يظهر لي قدامي ..

                          ٠٠٠

٠٠٠ بتفتشي لي منو😉

٠٠  لي خير😒

٠٠٠ هههههههههههه 😂😂😂😂( طبعا بضحك زي كانو بطلع في روح صفق وبقى يدق في رجلينو بالأرض ويرفع راسو في السماء قلت سجمي الولد مالو 🐸  )

٠٠ 😲😲😲😲

٠٠٠ ههه  معليش ههه ما بعرف اضحك هههههههه😂😂

٠٠ مش قصه ما بتعرف تضحك الموضوع اصلا ما بستاهل 🐸💔

٠٠٠  لئيمه زي خالك😂💔

٠٠ مش خالي؟🐸💔

٠٠٠ أن شاء الله ذكيه زيوو😍💗

٠٠ اممم الحمد لله 🙂

٠٠٠ ظاهر عليك لانو بتقري في مدرسه نموذجيه😍💗 كم جبتي في تامن؟

٠٠٠ ٢٧٨

٠٠٠ ماشاء الله تبارك الله يعني ذاعوك😍

٠٠ اي 🙂

٠٠٠ اسمك منو انتي😁

٠٠ اسراء..🙂

٠٠٠ ي زين الاسم والله😍 انا اسمي ابراهيم قريت مع خالك عصام هندسه مدنيه  في وعمري ٢٧ سنه وهسه شغال في شركه في الخرطوم 😇

٠٠ حلوو شديد 🙂 بس ما خجلان من نفسك صاحب خالي وبتلحقني في الشارع؟!

٠٠٠ اسراء وأقسم بالله قلت لك عاوزك لي خير وانا بس مش هسه عرفت اسمك وعرفت انك قريبه عصام😇💗 خلاص تاني ما حتشوفيني ويلا سلام خلي بالك من نفسك بس حتشوفيني. كتير لي قدام  وبي ورضاك 🙂

٠٠ سلام (في سري قلت دا مالو دا ودي شنو الثقه ال هو فيها دي عشان اديتو ريق حلو قايلني خلاص مبسوطه اصلا زاتي استاهل وفي نفس الوقت في صوت تاني بتكلم جواي انو مبسوط انو عرفت اسموو وعرفت عنو حبه معلومات 😇)

يتببععع..🐸