"كلو لي خير " 💙

الجزء التاسع

حلقه 9
*كلو لي خييير*
بقلمي انا : اسراء حسين

              ٠٠٠٠٠

صحيت تاني يوم مع الصلاه بالظبط صليت وقرئيت صفحتين من سوره البقره  اكتر صوره بحبها  برتاح نفسيا لما اقراءها 💗.. ورجعت نمت تاني بي ارتياااح صحيت على يد زول فى شعري  فتحت عيني لقيتو خالو عصام 😭 رجعت غمضتهم شدييييييد لاني خجلانه  منو وخايفه   من اسئلتو الحيسالني ليها في موضوع ابراهيم .. بس خالو عصام ضحك من جواهو  على  الحركه العملتها  دي قال لي  مجنونه افتحي عيونك 😂💗 .. قلت لي لااا ما عاوزه .. قال لي سرويتي  الساعه 11  قومي ظبطي امورك  واعملي شاي ليك ولي وجيبيهو الصالون اانا عاوز اتكلم معاك .. قلت لي حاضر وانا مغمضه لسه 😂 حسيتو قام وطلع قفل وراهو الباب حتى انا  فتحت عيوني  وقمت ظبطت اموري كلها وعملت لينا شاي ومشيت وانا عيني مكسوره😪💔 اول ما قعدت جنبي .. قال لي نايمه لي هسه مالك مساهره وين ؟ 😉 .. قلت لي ما مساهره بس لي كم يوم ما قاعده أنوم زي الناس يدوب نمتت💗.. قال لي سرو عايني لي .. سكتت ما رديت قال لي خجلانه مني ولا مقتنعه من  نفسك عامله حاجه غلط .. قلت لي انا اسفه .. قال لي عارفه  انا ما زعلان من العلاقه والارتباط على قدر ما زعلان من انك ما كلمتيني لي ي سرو انا طول عمري صحبك  وكم مره قلت ليك انو اذا في أي شيء تحكي لي واصلا كنت حااااسي انو في شيء لي خبيتي علي .. قلت لي بس كنت خايفه انا ي خالو 💔.. قال لي اسراء تخافي من  شنو طول ما انتي ما بتعملي شيء غلط تخافي من شنو اصلا الحب دا شيء طبيعي وشعور لا ارادي ي سرو بس انتي لسه صغيره انا خايف عليك منو وهو أكبر منك بكتيييير .. رفعت رأسي وعاينت لي في عيونو قلت لي خالو انت ابراهيم صحبك ومفروض تكون عارفو اكتر مني وانا ما حقدر اقول ليك  هوو قدر شنو راجل 💔 وانت اي لسه شايفني  صغيره بس بالجد انا بحبو ي خالو وهو كبيير اي بس ي خالو انا مرتاحه وما شايفه  دا سبب يخليني ما احبو واثق فيهو😭💔 .. طبعا هو اتخلع من جراءتي ودموعي النزلو والشجاعه ال بتكلم بيها وبدافع بيها عنو قال لي لا انتي معناها بالجد بتحبي 😲   قال لي طيب ممكن اسمع منك  القصه من الاول .. فعلا ببلعت ريقي وقعدت احكي لي من اول مره شفت ابراهيم لحد اخر حاجه حصلت بالتفاصيل الممله نسيت اصلا انو دا خالي 😪💗 .. بعد خلصت قال لي والله وكبرنااا نفس الكلام ال سمعتو من ابراهيم   بس لي ما خليتي يكلمني هو على الاقل من بدري 💔😒 .. قلت لي خايفه قال لي مدام هو جادي وأنتي جاده مافي شيء بخوفك بس سؤال كدا هو  اخر مره اتكلمتو بتين .. قلت لي من ما قلت لي ما تكلمها تاني ي خالو 💔 .. قال لي متاكده ي سرو ..  قلت لي اي والله ابراهيم كلمتو واحده زي السيف وحاولت اتصل وأرسل ما رد  💔 .. قال لي اممم طيب قومي ساعدي ماما في الفطور  .. قلت لي خالو حتعمل شنو 💔😪 .. قال لي ما يخصك واوعك تتصلي لي تاني ولا ترسلي  ي اسراء .. قلت لي حاضر وطلعت مشيت ساعدت ماما وختينا الفطور بعد الفطور خالو قال ماشي سلمت لي ومشيت نمت صحيت العصر صليت واتغديت 💔 ومشيت اتونست مع ريان بعد المغرب جيت راجعه البيت عملت شاي المغرب قعدت مع ماما واخواتي وأحمد اخر ونسه وضحكك فجاءه اسيل قالت لي سرو بكره يوم 1/4 عيد ميلادك فضل لي 4 عليك الله المره دي خلينا نعملو ليك   اول ما سمعت الكلام دا قلبي بقى يضرب شديد وقلت ليها لا لا ما عاوزه  اعمل اي زفت اصلا كبرت على الحاجات دي .. قالت لي كبيره شنو هو احمد ماما قاعده تعمل لي .. قلت ليها اسيل اقفلي السيره بالله بلا ي ماما تصبحو على خير بصلي العشاء وبنوم  ومشيت الاوضه وخلاص نفسنتتت  واتوترتتت صليت واستغفرت كتييير وقعدت اتذكر في ابوي وبكيت  بعدها تاني اتذكرت ابراهيم وكلامو وتحفيذاتو وكلامو الحلووو  ولما يقول لي ي حلم 💜 وضحكتو  وعصبيتو انبسط لا اراديا وحضنت  المخده ونمتتت💜 ...